ဘာစီလိုနာအသင်း၏ လူငယ်ကွင်းလယ်ကစားသမား ပတ်ဒရီသည် ဒဏ်ရာပြဿနာကြောင့် ယခုနှစ်ကုန်အထိ အနားယူရမည်ဖြစ်ပြီး လာမည့် ၂၀၂၂ ခုနှစ်မှသာ ပြန်ကစားနိုင်မည်ဖြစ်ကြောင်း သိရသည်။
ကြာသပတေးနေ့က အသက်(၁၉)နှစ်ပြည့်ခဲ့သည့် ပတ်ဒရီသည် ပေါင်ခြံကြွက်သားဒဏ်ရာ ရရှိနေခြင်းဖြစ်ပြီး ပြီးခဲ့သည့်ရာသီအတွင်း ကလပ်အသင်းတွင်ရော စပိန်အသင်းတွင်ပါ ပွဲပေါင်းများစွာ ကစားခဲ့ရခြင်း၏ အကျိုးဆက်ဖြစ်သည်ဟုလည်း ကျွမ်းကျင်သူများက သုံးသပ်ခဲ့သည်။
ပတ်ဒရီသည် ၂၀၂၁ ခုနှစ်အတွက် ဥရောပအကောင်းဆုံးလူငယ်ကစားသမား Golden Boy ဆုကို ရရှိထားသူလည်းဖြစ်သည်။
