အာဂျင်တီးနားကြယ်ပွင့် ဂျူလီယန်အယ်လ်ဗာရက်ဇ် အား ရီးယဲလ်အသင်းခေါ်ယူရန် စီစဉ်နေ
Photo: Getty Images
ရီးယဲလ်အသင်းသည် ဥရောပအသင်းကြီးများမှ ခေါ်ယူရန်စောင့်ကြည့်နေသည့် ရေးဗားပလိတ်အသင်း၏ အာဂျင်တီးနားလက်ရွေးစင်ကြယ်ပွင့်တိုက်စစ်မှူး ဂျူလီယန်အယ်လ်ဗာရက်ဇ် (၂၁ နှစ်)အားခေါ်ယူရန် စီစဉ် နေကြောင်း စပိန်အားကစားသတင်းစာ Marca ကဖော်ပြခဲ့သည်။
အယ်လ်ဗာရက်ဇ်အား ခေါ်ယူရန် ရီးယဲလ်အပြင် ဂျူဗင်တပ်စ်၊ ဖီအိုရင်တီးနား၊ အေစီမီလန်နှင့် လေဗာကူဆင်တို့က စောင့်ကြည့်နေကြောင်းသိရသည်။
အယ်လ်ဗာရက်ဇ်သည် ရေးဗားပလိတ်အသင်းအတွက် (၄)ရာသီအတွင်း ပြိုင်ပွဲစုံ (၉၀) ပွဲကစားရာတွင် (၃၁)ဂိုးသွင်းယူကာ၊ (၂၁)ဂိုး ဖန်တီးပေးခဲ့သည်။
