မန်စီးတီးအသင်းဟာ ၀ါရင့်ကွင်းလယ်ကစားသမား ဖာနန်ဒင်ဟိုကို စာချုပ်သက်တမ်းမကုန်ဆုံးမီ တစ်ရက်အလို ဇွန်လ(၂၉)ရက်မှာ တစ်နှစ်သက်တမ်းတိုးစာချုပ် ချုပ်ဆိုခဲ့ပါတယ်။ ဖာနန်ဒင်ဟိုဟာ အစောပိုင်းက အဂွဲရိုးနဲ့အတူ အသင်းကိုစွန့်ခွာတော့မယ်လို့ တရားဝင်ကြေညာခဲ့ပေမဲ့ နောက်ပိုင်းမှာ နည်းပြ ဂွါဒီယိုလာက သူ့ကို ဆက်လက်အလိုရှိနေသေးလို့ ဆုံးဖြတ်ချက်ပြန်ပြင်ကာ အသင်းနဲ့ စာချုပ်သက်တမ်းတိုးဖို့ဆုံးဖြတ်ခဲ့ပြီး စာချုပ်သစ်ချုပ်ဆိုခဲ့တာဖြစ်ပါတယ်။ ပြီးခဲ့တဲ့မေလက အသက် (၃၆)နှစ်ပြည့်ခဲ့တဲ့ ဖာနန်ဒင်ဟိုဟာ မန်စီးတီးအသင်းအတွက် ပွဲပေါင်း(၃၅၀)ကစားထားပြီး ပရီးမီးယားလိဂ်ဖလား(၄)လုံးအပါအဝင် ဆုဖလားပေါင်း (၁၂)လုံးရရှိခဲ့ပါတယ်။ စာချုပ်သစ်ချုပ်ဆိုအပြီး ဖာနန်ဒင်ဟိုကို မန်စီးတီးအသင်းဝက်ဘ်ဆိုက်က အင်တာဗျူးခဲ့တာကို ပြန်လည်ဖော်ပြလိုက်ရတယ် . . .
''မန်စီးတီးအသင်းမှာ ကျွန်တော်လုပ်ဆောင်ရမယ့်အရာတွေ မပြီးဆုံးသေးပါဘူး''
