ယူရို-၂၀၂၀ ပြိုင်ပွဲဝင်မည့် ဆလိုဗက်ကီးယားအသင်းတွင် ၂၀၂၀ ကမ္ဘာ့ဖလားနှင့် ယူရို-၂၀၁၆ ပြိုင်ပွဲများ၌ ကစားခဲ့ဖူးသူများဖြစ်သည့် ဟမ်ဆစ်ခ်၊ ကူကာ၊ ၀ိုက်စ်နှင့် ပယ်ခါရစ်တို့ (၄)ဦး ပြန်လည်ပါဝင်လာခဲ့သည်။ ဆလိုဗက်ကီးယားအကြောင်းပြောလျှင် ဘောလုံးကမ္ဘာက တိုက်စစ်ကစားသမား ဟမ်ဆစ်ခ်နှင့် နောက်ခံလူ စကာတယ်လ်ကိုသာ ကနဦးပြေးမြင်မိလိမ့်မည်။ လက်ရှိအသင်းလူစာရင်းတွင် ဥရောပထိပ်တန်းလိဂ်(၅)ခု၌ ကစားနေသူ အများအပြားပါဝင်လာခြင်းက ပြီးခဲ့သည့်အဓိကပြိုင် ပွဲ(၂)ကြိမ် ယှဉ်ပြိုင်မှုနှင့်ယှဉ်လျှင် ခြားနားနေသည်။