SPAL နှင့် ပါးမား (စနေည ရး၃၀ နာရီ)
ပါးမားက သွင်းဂိုးတွေနဲ့အတူနိုးထလာတယ်။ SPAL က ခံစစ်စည်းမလုံခြုံမှုနဲ့အတူ ရလဒ်တွေဆိုးနေပြီး နောက်ဆုံး(၆)ပွဲမှာ (၅)ပွဲအထိရှုံးထားတယ်။ ပါးမားပဲ ရလဒ်ကောင်းဦးမယ်လို့ ထင်မှတ်ရပေမယ့် SPAL အိမ်ကွင်းမှာ အမှတ်ပြန်ရှာမယ်။
ဗီရိုနာ နှင့် ဆမ်ဒိုးရီးယား (စနေည ၁ဝး၃၀ နာရီ)
ဆမ်ဒိုးရီးယားရဲ့ နိုင်ပွဲရရှိရေးအိပ်မက်တွေ ခန်းခြောက်နေဆဲပါပဲ။ အင်တာမီလန်နဲ့ပွဲမှာ တိုက်စစ်ကစားပုံတိုးတက်လာပေမယ့် ခံစစ်အားနည်းချက်တွေများနေသေးတယ်။ အိမ်ကွင်းမှာ ဗီရိုုနာ ပိုကောင်းတတ်လို့ အမှတ်ရပါမယ်။
ဂျီနိုအာ နှင့် အေစီမီလန် (တနင်္ဂနွေနံနက် ၁း၃၀ နာရီ)
ဂျမ်ပေါ်လိုရဲ့ မီလန်နည်းပြဘဝ နောက်ဆုံးနေ့ရက်တွေ ရောက်လာတော့မလား။ ဂျမ်ပေါ်လိုက သူ့နည်းစနစ်တွေကို ယုံကြည်နေပြီး ကစားသမားတွေဟာ သူလိုချင်တဲ့အတိုင်းဖြစ်မလာဘူးလို့ အပြစ်ဆိုပါတယ်။ ဒါပေမဲ့ မီလန်ရဲ့လူစာရင်းနဲ့ လက်ရှိ ရင်ဆိုင်နေရတဲ့အခြေအနေဆိုးမျိုးဟာ မဖြစ်သင့်တာအမှန်ပါပဲ။ ဂျီနိုအာက ဒီရာသီခံစစ်အဆိုးရွားဆုံး စီးရီးအေအသင်းတွေထဲ ပါနေပေမယ့် မီလန် ဂိုးသွင်းနိုင်ပါဦးမလား။ သရေကျနိုင်တယ်။
