မန်စီးတီးအသင်း၏ ပေါ်တူဂီတောင်ပံကစားသမား ဘာနာဒိုဆေးလ်ဗားက ရာသီကုန်တွင် စပိန်ကလပ် ဘာစီလိုနာအသင်းသို့ ရောက်ရှိတော့မည်ဆိုသည့်သတင်းများအား ငြင်းဆန်ပယ်ချခဲ့သည်။
ယခုရာသီ PFA အကောင်းဆုံးဆု လျာထားစာရင်းတွင် ပါဝင်ရွေးချယ်ခံခဲ့ရသော ဘာနာဒိုဆေးလ်ဗားအား ဘာစီလိုနာအသင်းက ကမ်းလှမ်းခေါ်ယူ တော့မည်ဟု သတင်းများထွက်ပေါ်နေခြင်းဖြစ်သည်။
၎င်းက "ကျွန်တော် မန်စီးတီးအသင်းနဲ့ စာချုပ်သက်တမ်းတိုးထားတာ မကြာသေးဘဲ သက်တမ်း(၃)နှစ်ကျန်ရှိနေပါတယ်။ ကျွန်တော် မန်ချက်စတာမြို့မှာပဲ ပျော်ရွှင်နေပါတယ်" ဟု ပြောကြားခဲ့သည်။
