စစ်ကိုင်းတိုင်းဒေသကြီး ရွှေဘိုခရိုင်မှာ သြဂုတ်လအတွင်း တရားမဝင် တမလန်း၊ ပိတောက်၊ ကျွန်းခွဲသား၊ အင်ခွဲသားသစ်တန်ချိန် ၂၂ တန်ကျော် ဖမ်းဆီးရမိခဲ့ကြောင်း စစ်ကိုင်းတိုင်းဒေသကြီး ရဲတပ်ဖွဲ့ရုံး၏ မှတ်တမ်းများအရ သိရသည်။
တရားမဝင်တမလန်း၊ ပိတောက်၊ ကျွန်းခွဲသား၊ အင်ခွဲသား သစ်တန်ချိန် ၂၂ တန်ကျော် ဖမ်းဆီးရမိခဲ့သည့် မြို့နယ်များမှာ ရေဦး၊ ခင်ဦး၊ တန့်ဆည်၊ ကျွန်းလှ၊ ရွှေဘို-ကျောက်မြောင်းမြို့နယ်တွင် တရားမဝင်သစ် တန်ချိန် ၂၂ ကျော် ဖမ်းဆီးရမိခဲ့သည်။
သြဂုတ် ၂၇ ရက်က ရွှေဘိုခရိုင်ရေးမြို့နယ် အောင်ချမ်းသာရပ်ကွက်၊ ရေး-ကလေးဝကားလမ်း မိုင်တိုင်အမှတ် (ဝ) နေရာ ယာဉ်အမှတ် MDY 6I/9846 AD VAN အဖြူရောင် ယာဉ်တစ်စီးပေါ်တွင် တရားမဝင် တမလန်းခွဲသားဆိုဒ်စုံ ၂၃ ချောင်း (၀ ဒသမ ၄၃၅၄ )တန်နှင့် တရားခံနှစ်ဦးတို့အား ဖမ်းဆီးရမိခဲ့ကြောင်း သိရသည်။
ခင်ဦးမြို့နယ်၊ မြင်းဒေါင်းဘိနယ်၊ ရေဦး-ရွှေဘို-ညောင်ပင်သာကားလမ်း၊ မိုင်တိုင် အမှတ် (၂၂/၆) နှင့် (၂၂/၇) ကြား ယာဉ်အမှတ် MDY 7A/3156 အစိမ်းရောင် ခြောက်ဘီးယာဉ်ပေါ်တွင် တရားမဝင် တမလန်းဓားရွေ ၄၀ ချောင်း (၅ ဒသမ ၉၉၈၄)တန်နှင့် ယာဉ်အမှတ် SGG HD/4202 အပြာရောင် ခြောက်ဘီးယာဉ်ပေါ်တွင် တရားမဝင် တမလန်းဓားရွေ ၂၄ ချောင်း (၆ ဒသမ ၅၅၆၈) တန်၊ ကျွန်းခွဲသား တစ်ချောင်း (၀ ဒသမ ၆၅၅၄) တန်နှင့် တရားခံတစ်ဦးလည်း ဖမ်းဆီးရမိခဲ့ကြောင်း သိရသည်။
သြဂုတ် ၂၇ ရက်က ရေဦးမြို့ အောင်ချမ်းသာရပ်ကွက်၊ ရေဦး-ကလေးဝကားလမ်း မိုင်တိုင်အမှတ် (ဝ) နေရာတွင် ယာဉ်အမှတ် MDY 6I/9846 AD VAN အဖြူရောင်ယာဉ်ပေါ်မှ တရားမဝင် တမလန်းခွဲသားဆိုက်စုံ ၂၃ ချောင်း (၀ ဒသမ ၄၃၅၄) တန်နှင့်အတူ တရားခံနှစ်ဦးတို့လည်း ဖမ်းဆီးရမိခဲ့သည်။
သြဂုတ် ၁၇ ရက်က တန့်ဆည်မြို့နယ်၊ ရေဦး-ကလေးဝကားလမ်း၊ မိုင်တိုင်အမှတ် (၄၆/၃) တောကျင်တောင်ခြေဇရပ်အနီးမှာ ယာဉ်အမှတ် ရှေ့နောက်နံပါတ်ပြား YGN(5B/30301)၊ ဘေးဝဲ/ယာနံပါတ်ပြား (8N/5769) UD-MK/2151 ခေါင်းအဖြူ၊ ကိုယ်ထည်အဖြူ၊ အပြာရောင်ကြား ခြောက်ဘီးယာဉ်ပေါ်တွင် တရားမဝင် တမလန်းခွဲသား ၂၉ ချောင်း (၄ ဒသမ ၅၃၆၈ )တန်တို့လည်း ဖမ်းဆီးရမိခဲ့သည်။
သြဂုတ် ၁၆ ရက်က တန့်ဆည်မြို့နယ် ရေဦးကလေးဝကားလမ်း မိုင်တိုင်အမှတ် (၄၇/၃) မယ်တော်ကြီးနတ်နန်းအနီး ယာဉ်အမှတ် YGN (5G/7604) PAJERO ယာဉ်ပေါ်တွင် တရားမဝင် တမလန်းခွဲသား ၂၂ ချောင်း (၀ ဒသမ ၅၉၂၂ တန်)နှင့် တရားခံ နှစ်ဦးပါ ဖမ်းဆီးရမိခဲ့သည်။
