အမ်ပိုလီ နှင့် ပါးမား (စနေည ၈း၃၀ နာရီ)
ပါးမားရဲ့ အမြင့်ပျံဇာတ်လမ်းက အဝေးကွင်းမှာ အံ့အားသင့်ဖွယ်ဖြစ်ပေါ်နေပါတယ်။ အဝေးကွင်းနောက်ဆုံး (၄)ပွဲမှာ (၁)ပွဲသာရှုံးထားလို့ အမ်ပိုလီဆီကလည်း အမှတ်မျှော်လင့်နေလိမ့်မယ်။ အမ်ပိုလီ အလွန်ဆုံးကပ်နိုင်ရုံပါပဲ။
အေစီမီလန် နှင့် ဆာဆူအိုလို (စနေည ၁၁း၃၀ နာရီ)
ရာသီအစပိုင်းတုန်းက ဆာဆူအိုလိုရဲ့ မာဂုဏ်ဟာ အရည်ပျော်ကျခဲ့ပါပြီ။ နိုင်ပွဲရရှိရေးထက် ဂိုးရဖို့တောင် မနည်းရုန်းကန်နေရပါတယ်။ ဒီကြားထဲ ဘာရာဒီ ပွဲပယ်ပြစ်ဒဏ်ကြောင့် မပါဝင်နိုင်လို့ ဆာဆူအိုလိုရဲ့ အမှတ်ရရှိရေးမျှော်လင့်ချက်ဟာ ပိုပြီးခက်ခဲပါလိမ့်မယ်။ အေစီမီလန်က ပီယွန်တက်ခ်ရဲ့ သွင်းဂိုးတွေ နဲ့ အောင်မြင်စွာချီတက်နေပြီး ချန်ပီယံလိဂ်ဝင်ခွင့်အတွက် အိမ်ကွင်းမှာ အမှားခံမယ်မထင်ဘူး။ အေစီမီလန်နဲ့ ဂိုးအနည်းပါပဲ။
လာဇီယို နှင့် ရိုးမား (တနင်္ဂနွေနံနက် ၂းဝ၀ နာရီ)
ရောမဒါဘီပွဲစဉ်မတိုင်မီ လာဇီယိုမှာ နာကျင်စရာများစွာ ရှိနေပေမယ့် ရိုးမားကတော့ ပြိုင်ပွဲစုံ (၄)ပွဲဆက်အနိုင်ရထားပြီး တည်ငြိမ်စပြုနေပါတယ်။ ဒဏ်ရာပြဿနာတွေဟာ လာဇီယိုရဲ့ ဖြစ်တန်စွမ်းကိုဆွဲချထားပြီး တိုက်စစ်မှာ အီမိုဘီလီ တိတ်ဆိတ်သွားရင် ဂိုးမရတဲ့မှတ်တမ်းဆိုးကိုလည်း မပြင်နိုင်သေးဘူး။ ရိုးမားက ဂျက်ကိုရဲ့သွင်းဂိုးတွေနဲ့ ပြန်လည်စိုပြေလာတယ်။ ခံစစ်မှာ မာနိုလက်စ်မပါတာ အားနည်းနိုင်ပေမယ့် ရိုးမား အမှတ်ရမယ်။
