■ လာလီဂါပွဲစဉ် (၃၈) ပွဲကြိုသုံးသပ်ချက်
ဘက်တစ် - ဗလင်စီယာ (မြန်မာစံတော်ချိန် မေလ ၂၄ ရက် နံနက် ၁:၃၀ နာရီ)
ဘက်တစ်က ယူရိုပါကွန်းဖရန့်လိဂ်ဗိုလ်လုပွဲအတွက် အားမွေးမယ့်ပွဲပါပဲ။ ယူရိုပါလိဂ်ဝင်ခွင့်တစ်နေရာလည်း သေချာနေပြီဖြစ်လို့ ဘက်တစ် အေးအေးဆေးဆေးပဲ ကစားသွားဖို့ များတယ်။ ဗလင်စီယာကလည်း ဖိအားကင်းကင်းကစားနေနိုင်ပြီဖြစ်လို့ ဘက်တစ်ကို သက်သောင့်သက်သာနဲ့ပဲ ရင်ဆိုင်သွားဖို့ များနေတယ်။ နှစ်သင်းစလုံး သိပ်ပြီးတော့ အားထုတ်စရာ မရှိတော့လို့ ဂိုးအနည်းသရေပွဲနဲ့ပဲ အဆုံးသတ်သွားမယ်ထင်တယ်။
■ စီးရီးအေပွဲစဉ် (၃၈) ပွဲကြိုသုံးသပ်ချက်
ကိုမို - အင်တာမီလန် (မြန်မာစံတော်ချိန် မေလ ၂၄ ရက် နံနက် ၁:၁၅ နာရီ)
ကိုမိုက ပုံစံကောင်းပြနေတဲ့အသင်းဖြစ်ပြီး အမှတ်ပေးဇယားမှာ မြင့်သထက်မြင့်အောင် ကြိုးစားနေတဲ့အသင်းဖြစ်တယ်။ နည်းပြ ဖာဘရီဂတ်စ်ရဲ့အသင်းက နောက်ဆုံးပွဲမှာသရေကျခဲ့ပေမဲ့ အကောင်းဆုံးပုံစံမှာ ရှိနေဆဲပါပဲ။ အင်တာမီလန်ကတော့ နောက်ဆုံးပွဲမှာ လာဇီယိုကို သရေကျခဲ့လို့ ချန်ပီယံမျှော်လင့်ချက်အတွက် ဖိအားဝင်ခဲ့ရပြီ။ ဒါပေမဲ့ လက်ကျန်မျှော်လင့်ချက်အတွက် နောက်ဆုံးအချိန်ထိ ကြိုးစားမယ့် အင်တာမီလန်အသင်း ကပ်နိုင်ဖို့တော့ ရှိပါတယ်။
နာပိုလီ - ကာဂလီယာရီ (မြန်မာစံတော်ချိန် မေလ ၂၄ ရက် နံနက် ၁:၁၅ နာရီ)
နာပိုလီက ဒီပွဲအနိုင်ရတာနဲ့ စီးရီးအေချန်ပီယံဖြစ်ပါပြီ။ နောက်ဆုံး (၂)ပွဲဆက် ရမှတ်လေလွင့်ခဲ့ပေမဲ့ အင်တာမီလန် ခြေချော်ခဲ့တာကြောင့် ချန်ပီယံမျှော်လင့်ချက်ကို သူတို့လက်ထဲမှာ ဆုတ်ကိုင်ထားနိုင်ဆဲပါပဲ။ ဒါကြောင့်လည်း နည်းပြ ကွန် တီရဲ့ နာပိုလီအသင်း ဒီပွဲမှာ အင်အားအပြည့်နဲ့ ရလဒ်ကောင်း တစ်ခုရယူနိုင်ဖို့ ကြိုးစားလိမ့်မယ်။ ကာဂလီယာရီကတော့ တန်းဆင်းအန္တရာယ်မရှိတော့သလို၊ ဘာမျှော်လင့်ချက်မှလည်း မရှိပါဘူး။ နေပယ်မှာ နာပိုလီအသင်း ဂိုးပြတ်နိုင်ပွဲနဲ့အတူ ချန်ပီယံဆုကို ရယူလိမ့်မယ်။
