ဖူလ်ဟမ် - အဲဗာတန် (မြန်မာစံတော်ချိန် မေလ ၁၀ ရက် ည ၈:၃၀ နာရီ)
ဖူလ်ဟမ်ကနောက်ဆုံးကစားခဲ့တဲ့ပွဲမှာ ရှုံးပွဲတွေ့ခဲပြီး အဲဗာတန်ကတော့ အစ်ဝစ်ချ်ကို အနိုင်ရသင့်ပါလျက်နဲ့ သရေနဲ့ပဲ ကျေနပ်လိုက်ရတယ်။ ဒီနှစ်သင်းအကြားမှာ ခြေစွမ်းသိပ်မကွာပေမယ့် ဖူလ်ဟမ်သာပါတယ်။ အမှတ်လိုအပ်ချက်ရော၊ အိမ်ရှင်ဖြစ်နေတာရောကြောင့်ဖူလ်ဟမ်ကိုကြိုက်တယ်။
အစ်ဝစ်ချ် - ဘရန့်ဖို့ဒ် (မြန်မာစံတော်ချိန် မေလ ၁၀ ရက် ည ၈:၃၀ နာရီ)
ဘရန့်ဖို့ဒ်က နောက်ဆုံး (၃) ပွဲဆက်အနိုင်ကစားပြီး ဖြေးဖြေးမှန်မှန်လေး အပေါ်ကိုတက်လာတယ်။ ဥရောပဝင်ခွင့်တစ်နေရာ အတွက်တောင် မျှော်လင့်ချက်နည်းနည်းရှိလာတယ်။ ဒီပွဲမှာလည်း အစ်ဝစ်ချ်ဆီက အမှတ်ပြည့်ယူနိုင်ဖို့ ကြိုးစားလိမ့်မယ်။ ဘရန့်ဖို့ဒ်ပဲ နိုင်မယ်။
ဆောက်သမ်တန် - မန်စီးတီး (မြန်မာစံတော်ချိန် မေလ ၁၀ ရက် ည ၈:၃၀ နာရီ)
ချန်ပီယံလိဂ်ဝင်ခွင့်တစ်နေရာ တဖြည်းဖြည်းသေချာလာတဲ့အပြင် အဆင့် (၂) နေရာက အာဆင်နယ်အသင်းကိုပါ ခြိမ်းခြောက်လာနိုင်တဲ့ မန်စီးတီးအသင်းအတွက် နောက်ထပ် နိုင်ပွဲရဖို့ သေချာတဲ့ ပွဲတစ်ပွဲဖြစ်နေတယ်။ ဆောက်သမ်တန်က တိုက်စစ်ရော၊ ခံစစ်ရော အားရစရာမရှိတဲ့အသင်းဖြစ်ပြီး အိမ်ကွင်းရလဒ်တောင် စိတ်ဝင်စားစရာမရှိဘူး။ မန်စီးတီး ဂိုးပြတ်သွင်းပြီး အာဆင်နယ်ကို ဖိအားပေးလိမ့်မယ်။
ဝုလ်ဗ် - ဘရိုက်တန် (မြန်မာစံတော်ချိန် မေလ ၁၀ ရက် ည ၈:၃၀ နာရီ)
ဝုလ်ဗ်ကလည်း ပရီးမီးယားလိဂ်မှာ ဆက်တိုက်နိုင်ပွဲယူနေပြီးမှ ပြီးခဲ့တဲ့ပွဲမှာ မန်စီးတီးကို တစ်ဂိုးတည်းနဲ့ ကပ်ရှုံးသွားခဲ့ တယ်။ ဘရိုက်တန်က ရပ်တည်မှုပိုကောင်းသလို၊ ကစားပုံလည်း ပိုကောင်းပေမယ့် ဝုလ်ဗ်ရဲ့မာကျောမှုကို ပိုကြိုက်တာကြောင့် ဝုလ်ပဲ အလေးသာလိမ့်မယ်။
ဘုန်းမောက် - အက်စတွန်ဗီလာ (မြန်မာစံတော်ချိန် မေလ ၁၀ ရက် ည ၁၁:၀၀ နာရီ)
ဘုန်းမောက်က အဆင့် (၈)၊ အက်စတွန်ဗီလာက အဆင့် (၇) နေရာမှာ အသီးသီးရပ်တည်နေကြပေမယ့် ဒီနှစ်သင်းအကြားမှာ အမှတ်ကွာဟချက်က ကြီးမားတယ်။ ဒါပေမဲ့ နှစ်သင်းစလုံး အတွက် ကိုယ့်ရည်မှန်းချက်နဲ့ကိုယ် အမှတ်ယူနိုင်ဖို့က အရေးကြီးနေပါတယ်။ အက်စတွန်ဗီလာကတော့ ပရီးမီးယားလိဂ်မှာ နောက်ဆုံး (၃) ပွဲဆက် ယူထားတယ်။ ဘုန်းမောက်ကလည်း ခြေစွမ်းမှန်နေပါတယ်။ သရေကျဖို့ များတယ်။
