အာဆင်နယ်နောက်ခံလူ ဘင်ဝှိုက်သည် ဒူးဒဏ်ရာကို ခွဲစိတ်မှုခံယူခဲ့ခြင်းကြောင့် (၁၀)ပတ်မှ (၁၂)ပတ်ဝန်းကျင်အထိ အနားယူရဖွယ်ရှိကြောင်း သိရသည်။
ဘင်ဝှိုက်၏ ဒူူးဒဏ်ရာမှာ ဆိုးရွားခြင်းမရှိသော်လည်း ခွဲစိတ်ကုသရန် လိုအပ်သည့်အတွက် အာဆင်နယ်အသင်းက နိုင်ငံတကာရက်သတ္တပတ်နှင့် ကြုံကြိုက်ချိန်တွင် ခွဲစိတ်ကုသစေခဲ့ခြင်းဖြစ်ကြောင်း သိရသည်။
ယင်းအတွက် အနားယူရမည့် အချိန်ကာလနှင့် ပြန်ကစားနိုင်မည့်နေ့ရက်ကို အာဆင်နယ်အသင်းက အတည်ပြုထုတ်ပြန်ခြင်းမရှိသေးသော်လည်း ဗြိတိန်မီဒီယာအချို့က (၁၀)ပတ်မှ (၁၂)ပတ်အထိ အနားယူရဖွယ်ရှိသည်ဟု ခန့်မှန်းဖော်ပြခဲ့ကြခြင်းဖြစ်သည်။
ထို့ကြောင့် အာဆင်နယ်အသင်း၏ ဒဏ်ရာရစာရင်းတွင် ကစားသမားတစ်ဦး ထပ်တိုးသွားကြောင်း ဖော်ပြမှုများလည်း ရှိခဲ့သည်။
အာဆင်နယ်အသင်းတွင် အသင်းခေါင်းဆောင် အော်ဒီဂွါ ပြန်ကစားနိုင်ပြီဖြစ်သော်လည်း ကာလာဖီအိုရီ၊ တော်မီယာဆုနှင့် တီယာနေးတို့ အနားယူနေရဆဲဖြစ်ကြောင်း သိရသည်။
အင်္ဂလန်ကစားသမား ဘင်ဝှိုက်သည် လက်ရွေးစင်အသင်း၏ နည်းပြအပြောင်းအလဲကြောင့် အင်္ဂလန်လက်ရွေးစင်အသင်းအတွက် ပြန်ကစားရန် ဆန္ဒရှိနေကြောင်းလည်း သိရသည်။
ဘင်ဝှိုက်သည် ယခင်နည်းပြ ဆောက်ဂိတ်လက်ထက်တွင် လက်ရွေးစင်အသင်းအတွက် ကစားပေးရန် ငြင်းဆန်ထားခဲ့သူဖြစ်သည်။
