ပြီးခဲ့တဲ့ နွေရာသီအပြောင်းအရွှေ့မှာ မက်ဆီ၊ နေမာတို့လို ကြယ်ပွင့်ကစားသမားတွေကို PSG အသင်း ဆုံးရှုံးခဲ့ရတယ်။ ဒါကြောင့်လည်း ဒီရာသီဥရောပချန်ပီယံလိဂ်ပြိုင်ပွဲမှာ PSG အသင်းအနေနဲ့ ထင်သလောက်ရေပန်းမစားခဲ့ဘူး။ ဒါပေမဲ့ လက်ရှိအချိန်မှာတော့ ချန်ပီယံလိဂ်ကွာတားဖိုင်နယ်ကို တက်ရောက်နိုင်ဖို့ PSG အသင်းအနေနဲ့ အခြေအနေကောင်းတစ်ရပ်ကို ပိုင်ဆိုင်ခဲ့ပြီလို့ ဆိုရပါမယ်။ (၁၆)သင်းအဆင့် ရှုံးထွက်ပထမအကျော့အိမ်ကွင်း ပွဲစဉ်မှာ စပိန်ကလပ်လာလီဂါကလပ် ဆိုစီဒက်ကို (၂)ဂိုးပြတ်ဆိုတဲ့ရလဒ်နဲ့ PSG အသင်း အနိုင်ကစားခဲ့တယ်။ ဆိုချင်တာက အဲဒီပွဲမှာ PSG အတွက် ဒုတိယအနိုင်ဂိုးကို သွင်းယူခဲ့တဲ့ လူငယ်တောင်ပံကြယ်ပွင့် ဘာကိုလာအကြောင်း။