ဥရောပဘောလုံးလောကရဲ့ အပြောင်းအရွှေ့ဈေးကွက်ရောက်ချိန်တိုင်း မဖြစ်မနေထိပ်ဆုံးကနေ ဆွေးနွေးစောင့်ကြည့်ရမှာက ပရီးမီးယားလိဂ်ပါပဲ။ စံချိန်တင်ရုပ်သံဝင်ငွေတွေနဲ့အတူ တစ်နှစ်ထက်တစ်နှစ် အဆမတန်တိုးတက်လာတဲ့ ပရီးမီးယားလိဂ်ကလပ်အသင်းတွေရဲ့ ပြောင်းရွှေ့ကြေးအသုံးစရိတ်က ဒီနွေရာသီမှာလည်း စံချိန်သစ်တင်နိုင်ဦးမယ့် အလားအလာတွေတွေ့မြင်နေရပါတယ်။ ပရီးမီးယားလိဂ်ဟာ ပြီးခဲ့တဲ့ ၂၀၂၂ နွေရာသီအပြောင်းအရွှေ့မှာ စံချိန်တင်အသုံးစရိတ် ပေါင် (၁.၉)ဘီလီယံအထိအသုံးပြုခဲ့သလို ကလပ်အသင်းတွေရဲ့ ကစားသမားခေါ်ယူမှုတွေကိုကြည့်ရင်လည်း ထိပ်တန်းအသင်းကြီးတွေနဲ့ ကျန်အသင်းတွေအကြား ကွာဟချက်နည်းပါးခဲ့ပါတယ်။