ပြီးခဲ့တဲ့ ရက်သတ္တပတ်တွေအတွင်း ဘာစီလိုနာအသင်းရဲ့ ၀ါရင့်ကစားသမားတွေဖြစ်တဲ့ ဘူးစကွက်စ်၊ ယော်ဒီအယ်လ်ဘာတို့ အသင်းနဲ့ ပရိသတ်တွေကို နှုတ်ဆက်ခဲ့ကြပါတယ်။ အသက် (၃၄)နှစ်အရွယ် ဘူးစကွက်စ်ဟာ ပြီးခဲ့တဲ့ (၁၅)နှစ်အတွင်း ဘာစီလိုနာရဲ့ အရေးအပါဆုံး ထောက်တိုင် ကစားသမားတစ်ဦး ဖြစ်ခဲ့ပြီး ဇာဗီ၊ အင်နီယေစတာတို့နဲ့အတူ ဘောလုံးလောကရဲ့ အကောင်းဆုံးကွင်းလယ်အတွဲတွေထဲက တစ်တွဲ ဖြစ်ခဲ့ပါတယ်။ စပိန်နဲ့ အတူ ကမ္ဘာ့ဖလား၊ ယူရိုချန်ပီယံ၊ ဘာစီလိုနာနဲ့ ဖလား (၃)လုံး အောင်မြင်မှုနှစ်ကြိမ် အပါအဝင် အောင်မြင်မှုများစွာ ရရှိခဲ့ပြီး ပွဲပေါင်း (၇၀၀)ကျော် ကစားပေးခဲ့တဲ့ ဘူးစကွက်စ်ရဲ့ နှုတ်ဆက်အင်တာဗျူးကို ဖော်ပြလိုက်ပါတယ်။