ပွဲရဲ့အစောပိုင်းမိနစ်တွေမှာ မန်စီးတီးအသင်းက ဘောလုံးပိုင်ဆိုင်မှုအသာနဲ့ စတင်နိုင်ခဲ့ပြီး ဒီပွဲကို ထိန်းချုပ်ကစားလိုတဲ့ ဆန္ဒကို ထင်ထင်ရှား ရှားပြသခဲ့တယ်။ ပွဲအစ တစ်မိနစ်မပြည့်ခင်ပဲ ဦးဆောင်ဂိုးရခဲ့တယ်။ ဒါပေမဲ့ လွှမ်းမိုးချုပ်ကိုင်ထားနိုင်ဖို့ ကြိုးစားရင်း မန်စီးတီးအသင်းက Clear cut chances တွေ ဖန်တီးတဲ့အပိုင်းမှာ ရုန်းကန်ခဲ့ရတယ်။ သူတို့ရဲ့ ပုံမှန်ခြေစွမ်း၊ ပုံမှန်အနေအထား မဖြစ်ခဲ့ဘူး။ ဒါပေမဲ့ ဂွန်ဒိုဂန်ရဲ့ သွင်းဂိုးက Well-executed goal လို့ ပြောရမှာဖြစ်ပြီး မန်စီးတီးအသင်းဟာ သူတို့အသင်းရဲ့ Pessession-base style of play ကို ချက်ချင်း အရှိန်တင်နိုင်စွမ်းကို ပြသခဲ့တယ်လို့ ပြောရမယ်။