ဂျိုရှုအာကင်မစ်ချ်က ကလပ်နဲ့ လက်ရွေးစင် နှစ်သင်းလုံး မှာ အဓိက ထောက်တိုင်ကစားသမားအဖြစ် ရှိနေသူပါ။ အသက် (၂၈)နှစ်အရွယ် ဂျာမန်ကွင်းလယ်လူက ဘိုင် ယန်မြူးနစ်ရဲ့ (၁၁)ကြိမ်ဆက် ဘွန်ဒစ်လီဂါအောင်ပွဲမှာ သွင်းဂိုး (၅)ဂိုး၊ ဂိုးဖန်တီးမှု (၆)ကြိမ်၊ Chances Created (၈၆)ကြိမ်နဲ့ အရေးပါဆုံး ကစားသမား ဖြစ်ခဲ့ပါတယ်။ ဒါပေမဲ့ ဒီရက်ပိုင်းတွေအတွင်း  ကင်မစ်ချ် ရဲ့ အပြောင်းအရွှေ့သတင်းတွေ အံ့အားသင့်ဖွယ် ထွက်ပေါ်နေပြီး စပိန်ထိပ်သီး ဘာစီလိုနာနဲ့ သတင်းကြီးနေပါတယ်။ အမှတ်ပေးချန်ပီယံမဖြစ်မီ Bundesliga.com က ပြုလုပ်ခဲ့တဲ့ ကင်မစ်ချ်ရဲ့ အင်တာဗျူးကို ဖော်ပြလိုက်ပါတယ်။