လာလီဂါရဲ့ ဆွဲဆောင်မှုအရှိဆုံးအရာက ဘာလဲ။ ရီးယဲလ်မက်ဒရစ်နဲ့ ဘာစီလိုနာအသင်းတို့ရဲ့ မရိုးနိုင်တဲ့ အားပြိုင်မှုလို့ပဲ ဆိုရမှာပါ။ အက်သလက်တီကိုအသင်း ချန်ပီယံဆုကို စိန်ခေါ်နိုင်တဲ့ အခြေအနေ အဆင့်အတန်းမျိုး ဖြစ်လာချိန်မှာတောင် မြင်းနှစ်ကောင်တည်းပြေးတဲ့ ပြိုင်ပွဲအဖြစ်သာ အများစုက သတ်မှတ်ချင်ကြပါတယ်။ လက်တွေ့မှာလည်း သူတို့နှစ်သင်းရဲ့ ပြေးလမ်းထဲ အက်သလက်တီကိုအသင်း ဝင်ရောက်နိုင်တာ တစ်ခါတစ်ရံသာ ရှိခဲ့ပါတယ်။