၂၀၁၉ ခုနှစ်တုန်းကပြုလုပ်ကျင်းပခဲ့တဲ့ Top Eleven ကွန်းဖရန့် (၀ါရင့်နည်းပြကြီးများ၏ မီဒီယာများနှင့် စကားဝိုင်းဆွေးနွေးပွဲ)မှာ လက်ရှိ လေဗာကူဆင်အသင်းနည်းပြဖြစ်တဲ့ စပိန်ကွင်းလယ်လူဟောင်း အလွန်ဆိုနဲ့ပတ်သက်ပြီး ပေါ်တူဂီဝါရင့်နည်းပြမော်ရင်ဟိုက ကြိုတင်ဟောကိန်း ထုတ်ခဲ့ဖူးပါတယ်။ "အလွန်ဆိုဟာ ကစားသမား ဘဝဖြတ်သန်းချိန်မှာ ထိပ်တန်းအဆင့် ကစားသမားဖြစ်ခဲ့တယ်။ သူ (အလွန်ဆို)ကစားခဲ့တဲ့နေရာမှာ မှတ်တိုင်တစ်ခုစိုက်ထူနိုင်ခဲ့ပြီး၊ သူ့ရဲ့ဘောလုံး အသိပညာက အလွန်မြင့်မားပါတယ်။ သူ့အနေနဲ့ စပိန်၊ အင်္ဂလန်နဲ့ ဂျာမနီတွေမှာ ကစားသမားဘဝကိုဖြတ်သန်းခဲ့ပြီး လီဗာပူးလ်မှာ ဘင်နီတက်ဇ်၊ ရီးယဲလ်မက်ဒရစ်မှာ ကျွန်တော်နဲ့ အန်ဆယ်လော့ တီ၊ ဘိုင်ယန်မြူးနစ်မှာ ဂွါဒီယိုလာတို့လိုနည်းပြတွေနဲ့ လက်တွဲခဲ့သူပါ။ ဒါကြောင့် ဒီအခြေအနေတွေကို အားလုံးကိုပေါင်းစပ်ကြည့်မယ်ဆိုရင် အလွန်ဆိုဟာ အလွန်ကောင်းမွန်တဲ့ ထိပ်တန်းနည်းပြတစ်ဦးဖြစ်လာမယ့် အခြေအနေတွေပိုင်ဆိုင်ထားတယ်လို့ ကျွန်တော်ထင်ပါတယ်"ဆိုပြီး မော်ရင်ဟိုက အဲဒီဆွေးနွေးပွဲမှာ ဇာဘီအလွန်ဆိုရဲ့အနာဂတ်ကို ဟောကိန်းထုတ်ခဲ့တယ်။