ပြီးခဲ့တဲ့ ကြားရက်က ယှဉ်ပြိုင်ကစားတဲ့ လာလီဂါပွဲစဉ်မှာ ဟီရိုနာက စပိန်ထိပ်သီးရီးယဲလ်မက်ဒရစ်ကို အိမ်ကွင်းမှာ (၄-၂)ဆိုတဲ့ ရလဒ်နဲ့ အနိုင်ရခဲ့တယ်။ ဟီရိုနာအသင်းဟာ ရီးယဲလ်မက်ဒရစ်နဲ့တွေ့ဆုံတဲ့ လာလီဂါနောက်ဆုံး (၃)ပွဲမှာ (၂)ပွဲမြောက်နိုင်ပွဲကို ရယူနိုင်ခဲ့တာဖြစ်ပြီး ရှုံးပွဲလည်း မရှိခဲ့ပါဘူး။ ပိုပြီးထူးခြားတာက အဲဒီပွဲမှာ ဟီရိုနာအသင်းအတွက် (၄)ဂိုးစလုံးကို တိုက်စစ်မှူး ကက်စတယ်လေနော့စ် တစ်ဦးတည်းက သွင်းယူခဲ့တာပါပဲ။