လက်ကျန်ပွဲတိုင်းကို ဗိုလ်လုပွဲတွေလို သဘောထားပြီး ယှဉ်ပြိုင်ကစားသွားမယ်ဆိုတဲ့စကားက အာတီတာတစ်ယောက်တည်း ပြောတဲ့စကားတော့ မဟုတ်ပါဘူး။ ရာသီကုန်ခါနီး ပန်းဝင်ချိန်ကာလမှာ နည်းပြအတော်များများ ပြောလေ့ရှိတဲ့စကားပါ။ ဒါပေမဲ့ ပရီးမီးယားလိဂ်ပြိုင်ပွဲမှာ ဦးဆောင်သူအဖြစ် ရပ်တည်နေတဲ့ အာဆင်နယ်အသင်းရဲ့နည်းပြ ပြောတာကတော့ နားထောင်လို့ ပိုကောင်းမှာ သေချာပါတယ်။ အာတီတာက ပြောတဲ့အတိုင်းလည်း လုပ်ပြခဲ့ပါတယ်။