ဘောလုံးလောကဟာ မှော်ဆရာတစ်ယောက်ကို အနားယူခွင့်ပေးလိုက်ရပါပြီ။ ၂၀၁၄ ကမ္ဘာ့ဖလားချန်ပီယံ တူရကီနွယ်ဖွား ဂျာမန်ဘောလုံးသမား မီဆွတ်အိုဇေးလ် အသက် (၃၄)နှစ်မှာ ကစားသမားဘဝက အနားယူခဲ့တာပါ။ အိုဇေးလ်ရဲ့ ကစားသမားဘဝကို နောက်ပြန်ရစ်ကြည့်လိုက်ရင် ယိမ်းနွဲ့ညက်ညောတဲ့ ကစားဟန်၊ မှော်ဝင်ဖန်တီးမှုတွေနဲ့ အတူ မော်ရင်ဟို၊ အာစင်ဝင်းဂါး၊ ၂၀၁၄ ကမ္ဘာ့ဖလားနဲ့ El Clasico ပွဲစဉ်တွေက ကြီးမားတဲ့ အခန်းကဏ္ဍက ပါဝင်ခဲ့မှာသေချာတယ်။ ဘောလုံးအပြင်ဘက်မှာ သူနဲ့ ဒွန်တွဲနေတာတွေက ခွဲခြားမှုတွေကို တိုက်ဖျက်ခဲ့ပုံတွေ၊ ပရဟိတ စွမ်းဆောင်မှုတွေပါပဲ။ ကစားသမားဘဝက အနားယူပြီးနောက် စပိန်သတင်းစာ Marca နဲ့ ပြုလုပ်ခဲ့တဲ့ အင်တာဗျူးကို ဖော်ပြလိုက်ပါတယ် . . .