ပြီးခဲ့တဲ့ရက်ပိုင်းက ကစားခဲ့တဲ့ ၂၀၂၄ ယူရိုခြေစစ်ပွဲမှာ ဘယ်လ်ဂျီယံအသင်းက အဝေးကွင်းမှာ ဆွီဒင်ကို (၃)ဂိုးပြတ်အနိုင်ယူခဲ့တယ်။ ဘယ်လ်ဂျီယံအသင်းအနေနဲ့ ဝေဖန်မှုတွေကို ချေဖျက်ပြခဲ့တဲ့ ပွဲတစ်ပွဲလို့ ဆိုရမှာဖြစ်ပြီး နည်းပြ မာတီနက်ဇ် ခေတ်လွန် ပထမဆုံးပွဲမှာ ဂိုးပြတ်နိုင်ပွဲရရှိခဲ့တာကလည်း ဘယ်လ်ဂျီယံပရိသတ်တွေအတွက် ချိုမြိန်တဲ့ခံစားမှုကို ရရှိစေခဲ့ပါတယ်။ ဒီလိုဘယ်လ်ဂျီယံအသင်း ဂိုးပြတ်နိုင်ပွဲရရှိခဲ့တဲ့ပွဲအပြီးမှာ လူကာကူအနေနဲ့လည်း ဥရောပဘောလုံးကမ္ဘာမှာ အကောင်းဆုံးပုံစံနဲ့ ပြန်လာနိုင်ပြီလားဆိုတဲ့ မေးခွန်းထုတ်မှုတွေ ရှိခဲ့ပါတယ်။ လူကာကူက အဲဒီပွဲစဉ်မှာ ဟက်ထရစ်သွင်းယူနိုင်ခဲ့ပြီး သူ့ရဲ့ကိုယ်ရည်ကိုယ်သွေးကို ပြသနိုင်ခဲ့တယ်။