ဘာပေနှင့် ခေတ်သစ်တစ်ခုဆီသို့

Photo: AFP

Published 23 March 2023

Wai Yan Aung

၂၀၂၂ ကမ္ဘာ့ဖလားပြိုင်ပွဲအပြီးမှာ ပြင်သစ်အသင်းအတွက် ကြီးမားတဲ့ အပြောင်းအလဲတစ်ခုကို မြင်တွေ့ရလိမ့်မယ်လို့ ထင်မှတ်ခဲ့ကြပေမဲ့ ပရိသတ်တွေ မျှော်လင့်ထားသလို ဖြစ်မလာခဲ့ပါဘူး။ ဘောလုံးပရိသတ်တွေက ပြင်သစ်အသင်း နည်းပြအပြောင်းအလဲဖြစ်လိမ့်မယ်လို့ ထင်ထားခဲ့တာပါ။ လက်ရှိနည်းပြ ဒေးရွှမ့်နဲ့ ပြင်သစ်အသင်းရဲ့ လက်တွဲမှုက ဆယ်စုနှစ်တစ်ခုစာ ကြာမြင့်သွားခဲ့ပြီဖြစ်သလို၊ သူ့နေရာကို ဝင်ရောက်ဖို့ ဇီဒန်းက စောင့်မျှော်နေတယ်လို့ သတင်းတွေလည်း ထွက်နေတာကြောင့်ပါ။ ဒါပေမဲ့ ၂၀၂၃ ဇန်နဝါရီလဆန်းမှာတော့ ပြင်သစ်ဘောလုံးအဖွဲ့ချုပ်နဲ့ ဒေးရွှမ့်တို့ သက်တမ်းတိုးစာချုပ် ချုပ်ဆိုလိုက်ပါတယ်။