■ ခယောင်းလမ်းကိုုုဖြတ်ကျော်ခဲ့ပြီးတဲ့နောက်

Photos: AFP & Getty Images

Published 17 March 2023

Phoe Thar

ဂရေဟမ်ပေါ်တာပဲ ကံအလှည့်အပြောင်း ကြီးမားခဲ့တာလား။ ချယ်လ်ဆီးအသင်းကပဲ လမ်းကြောင်းမှန်ပေါ် ပြန်လည်တက်လှမ်းချိန်ရောက်လာခဲ့တာလား။ မထင်မှတ်ထားတဲ့ အခြေအနေတွေအကြားမှာပဲ ချယ်လ်ဆီးအသင်းနဲ့ ဂရေဟမ်ပေါ်တာဟာ အနာဂတ်ကို အကဲဖြတ်မယ့် ပွဲစဉ် (၃)ပွဲစလုံးကို ရာနှုန်းပြည့်အနိုင်ရခဲ့တယ်။ ဒီနိုင်ပွဲ (၃)ပွဲမှာ ကျေနပ်စရာအကောင်းဆုံးဖြစ်ခဲ့တာက ဒေါ့မွန်အသင်းကို အိမ်ကွင်းမှာ (၂-၀)ဂိုးနဲ့အနိုင်ယူပြီး ချန်ပီယံလိဂ်ကွာတားဖိုင်နယ်တက်ကိုတက်ရောက်နိုင်ခဲ့တာပါ။ ဒါဟာ ချယ်လ်ဆီးနဲ့ ဂရေဟမ်ပေါ်တာအတွက် ဒီရာသီမှာ အကောင်းဆုံးစွမ်းဆောင်နိုင်မှုလို့ဆိုရမှာဖြစ်ပြီး ဒီအခြေအနေကပဲ အသင်းရဲ့ ယုံကြည်မှုကို အမြင့်ဆုံးအထိပြန်လည် ပို့ဆောင်ပေးခဲ့တယ်။ မထင်မှတ်ထားတဲ့အချိန်တစ်ခုအတွင်း မျှော်လင့်ချက်တစ်စုံတစ်ရာကို ပြန်လည် ဖမ်းဆုပ်နိုင်ခဲ့ဇာတ်လမ်းမှာ ချယ်လ်ဆီးနဲ့ဂရေဟမ်ပေါ်တာအတွက် ဘယ်အရာတွေက အဓိကအလှည့်အပြောင်းဖြစ်ခဲ့လဲ။ ဂရေဟမ်ပေါ်တာတစ်ယောက် ဘယ်လိုအပြောင်းအလဲတွေကို လုပ်ဆောင်ခဲ့တာလဲ။