စပါးအနေနဲ့ ကွန်တီကို အခုချက်ချင်းရာထူးက ထုတ်ပယ်တာမျိုးဖြစ်ဖို့ ခဲယဉ်းပေမဲ့ နောက်ရာသီမှာ ဆက်ပြီးမြင်ရဖို့ကလည်း မသေချာဘူး။ ရာသီကုန်မှာ ကွန်တီနဲ့ စပါးအသင်း ချုပ်ဆိုထားတဲ့စာချုပ်ကုန်ဆုံးမှာပါ။ ကွန်တီက စပါးနည်းပြ သက်တမ်းတစ်လျှောက် လန်ဒန်မှာပျော်နေတယ်ဆိုတဲ့ အရိပ်အယောင်မျိုး သူ့ဆီက မြင်ရခဲတယ်။ လက်ရှိအခြေအနေက သူ့အပေါ် မှာ တာဝန်အပြည့်ရှိတဲ့ အတွက် စိတ်ပျက်ကောင်း စိတ်ပျက်နေနိုင်တယ်။ ဒီလိုပဲ စပါးအသင်းဘက်ကလည်း သူ့ကို စာချုပ်သက်တမ်းတိုးဖို့ စိတ်အားထက်သန်နေတဲ့ လက္ခဏာမျိုး သိပ်မမြင်ရဘူး။ ရာသီတစ်လျှောက်လုံး လိပ်ခဲတည်းလည်းဖြစ်ခဲ့တဲ့ စပါးနဲ့ ကွန်တီရဲ့ ဆက်ဆံရေးက နောက်ဆုံးအဆင့်ကို ရောက်ရှိနေတာပါ။ ဒီအချိန်မှာ အဖြေက တစ်ခုတည်းပဲရှိတယ်။ ဒါက စပါးကို ချန်ပီယံလိဂ်ဝင်ခွင့်ရအောင်လုပ်ပေးဖို့ပါ။