ဆာလာဟာ ဆာလောင်နေဆဲ၊ ဘယ်တော့မှ ရပ်တန့်ချင်ပုံမရတဲ့ သူ့ရဲ့ သွင်းဂိုးတွေအကြောင်း၊ လူတွေ တခုတ်တရ ပြောနေရတုန်း၊ ဆာလာဟာ ဘယ်လိုဆာလောင်နေပါသလဲ၊ သူရဲ့ ဆာလောင်စိတ်ဟာ တစ်ခါတလေမှာ အတ္တစိတ်လေးအဖြစ် အသွင်းပြောင်းနေတာများလား၊ ဆာလာဟာ တစ်ကိုယ်ကောင်းဆန်သူများလား၊ သူ့ကြောင့် အသင်းဖော်ဟောင်း မာနေ အကြီးအကျယ် ဒေါသပေါက်ကွဲခဲ့ဖူးပေါ့၊ ကိုယ့်ထက်ပိုပြီး လွတ်မြောက်နေသူတွေ မြင်ရတဲ့အခါ မနာလိုစိတ်ဖြစ်ဖူးသလား၊ ဒါမှမဟုတ် တစ်ချိန်တုန်းက ဘာကောင်မှ မဟုတ်သူတွေဟာ ကိုယ့်ထက်ပိုပြီးကျော်ကြားအောင် မြင်နေတဲ့အခါ ခင်ဗျားစိတ်ထဲ ဘယ်လိုခံစားရမလဲ၊ ခင်ဗျားနှုတ်ဖျားကနေ ရိုးသားမှုအငွေ့အသက်လေး လွင့်ပျံလာတာ ကျွန်တော်မြင်ချင်လိုက်တာ၊ ဒါဆိုရင် ဆာလာဟာ ရိုးသားသူများလား၊ သူ့ရဲ့ ဆာလောင်မှုတွေအတွက် တစ်ကိုယ်ကောင်းဆန် သူလို့ တံဆိပ်ကပ်ခံလိုက်ရတာအတွက် ကမ္ဘာပျက်မတတ် ဝမ်းနည်းနေမှာမဟုတ်ဘူး။ ဆာလာဟာ သူ့လမ်းသူလျှောက်နေ၊ ဆာလာဟာသူ့ကမ္ဘာ သူတည်ထောင်နေ၊ ဆာလာဟာ ဆာလောင်နေ၊ သွင်းဂိုးတွေပေးပါ၊ သွင်းဂိုးတွေပေးပါ၊ သွင်းဂိုးတွေ ပေးပါ၊ ဆာလာဟာ ဆာလောင်နေဆဲ။