ကိုယ့်အသင်းဖော်တွေရဲ့ ခေါင်းပေါ်မှာ ကင်မရာတွေဆင်ပြီး စောင့်ကြည့်ခြင်းက လိမ်ခေါက်ခြင်း အနုပညာကို တစ်ဖက်ကမ်းခတ် ကျွမ်းကျင်အောင်လုပ်တဲ့နေရာမှာ ပုံမှန်မဟုတ်တဲ့နည်းလမ်းလို့ ခံစားရမှာ သေချာတယ်။ ဒါပေမဲ့ အခုလို သာမန်ထက် ထူးကဲတဲ့ တွေးတောလိုစိတ်ကပဲ ဂျပန်ကစားသမား မီတိုမာကို ပရီးမီးယားလိဂ်ရဲ့ ရင်ခုန်စိတ်လှုပ်ရှားဖွယ်ကြယ်ပွင့်တစ်ဦး ဖြစ်စေခဲ့တာပါ။ မီတိုမာနဲ့ပတ်သက်ရင် ထူးခြားတာတစ်ခုက အသက် (၁၈) နှစ်မှာ ပရော်ဖက်ရှင်နယ် စာချုပ်ချုပ်ဖို့ အခွင့်အရေးရခဲ့ပေမဲ့ ငြင်းပယ်ခဲ့ပြီး တက္ကသိုလ်တက်ဖို့ ရွေးချယ်ခဲ့တာပဲ။ တက္ကသိုလ်မှာ သူယူခဲ့တဲ့ မေဂျာက Physical Education ဆိုတဲ့ ဘာသာရပ်ပါ။