မန်ချက်စတာယူနိုက်တက်အသင်းသည် လာမည့်နွေရာသီ အပြောင်းအရွှေ့ကာလတွင် ရိုးမားအသင်းမှ အင်္ဂလန်တိုက်စစ်မှူး အေဘရာဟမ်ကို ခေါ်ယူရန်စိတ်ဝင်စားနေကြောင်း ဗြိတိန်မီဒီယာ The Athletic က ဖော်ပြခဲ့သည်။
မန်ချက်စတာယူနိုက်တက်အသင်းနည်းပြ တန်ဟက်ဂ်သည် နွေရာသီတွင် တိုက်စစ်မှူးတစ်ဦး အားဖြည့်ရန် ပြင်ဆင်နေပြီး စပါးတိုက်စစ်မှူး ဟာရီကိန်း၊ နာပိုလီတိုက်စစ်မှူး အိုဆင်မန်သာမက ယခု အေဘရာဟမ်နှင့်ပါ သတင်းထွက်လာခြင်းဖြစ်သည်။
ရိုးမားအသင်းသည် အေဘရာဟမ်ကို ၂၀၂၁ ခုနှစ်က ပြောင်းရွှေ့ကြေး ပေါင် ၃၄ သန်းဖြင့် ခေါ်ယူခဲ့ပြီး ချယ်လ်ဆီး အနေဖြင့် ပေါင် ၇၁ သန်းဖြင့် ပြန်လည်ခေါ် ယူခွင့်ရှိသည့်စာချုပ်ကို ထည့်သွင်းထားခဲ့ကြောင်း သိရသည်။
သို့သော် ချယ်လ်ဆီးအသင်းအနေဖြင့် ပြီးခဲ့သည့်အပြောင်းအရွှေ့ကာလ နှစ်ခုတွင် ပေါင် သန်း ၆၀၀ နီးပါး အသုံးပြုထားခြင်းကြောင့် အေဘရာဟမ်ကို ပြန်ခေါ်ယူရန် မဖြစ်နိုင်ဟု သုံသပ်မှုများလည်းရှိနေသည်။
