အံ့အားသင့်စရာသွင်းဂိုးနဲ့ ပရိသတ်တွေကို ဖမ်းစားခဲ့တဲ့ ရီးစ်နယ်လ်ဆင်

Photos: Getty Images

Published 8 March 2023

Zay Yar Htun

ပြီးခဲ့တဲ့ရက်သတ္တပတ်က လန်ဒန်မြို့ရှိ အီမရိတ်စ်ကွင်းအတွင်း ကစားခဲ့တဲ့ ပရီးမီးယားလိဂ် ပွဲစဉ်တစ်ပွဲ။ ပွဲပြီးဆုံးဖို့ နောက်ဆုံးအချိန်ကာလကို ရောက်ရှိနေတဲ့ အခိုက်အတန့်။ အာဆင်နယ်အသင်းထောင့်ကန်ဘောရရှိခဲ့ပြီး အသင်းခေါင်းဆောင် အော်ဒီဂွါက ကန်တင်ပေးလိုက်တယ်။ ဘုန်းမောက် နောက်ခံလူ ဆီနက်ဆီက ခေါင်းတိုက်ဖျက်ထုတ် လိုက်တယ်။ ဘောလုံးက ဘုန်းမောက်ဂိုးဧရိယာထိပ်မှာ ရပ်စောင့်နေတဲ့ အာဆင်နယ်တောင်ပံတိုက်စစ်ကစားသမား နယ်လ်ဆင်ဆီ ရောက်လာတယ်။ နယ်လ်ဆင်က ဘောလုံးကို ရင်ဘတ်နဲ့တစ်ချက်ထိန်းပြီး ဂိုးဧရိယာထိပ်က ကန်သွင်းလိုက်တယ်။ လှပတဲ့သွင်းဂိုးတစ်ဂိုးကို မြင်ခဲ့ရပြီး အာဆင်နယ်ပရိသတ်တွေအတွက် ကျေနပ်စရာရလဒ်လည်း ဖြစ်ခဲ့တယ်။ ဒါကြောင့် အာဆင်နယ်အသင်းဟာ အနီးဆုံးပြိုင်ဘက် မန်စီးတီးအသင်းကို (၅)မှတ်ဖြတ်နိုင်ခဲ့ပြီး အမှတ်ပေးဇယားထိပ်ဆုံးမှာ ဆက်လက်ဦးဆောင်နိုင်ခဲ့တယ်။