ကွင်းလယ်လူတွေက တိုက်စစ်ကစားသမားတွေလောက် ပေါ်ပြူလာမဖြစ်သလို လူကြိုက်အများဆုံးနေရာ မဟုတ်ပေမဲ့ အဓိကဆုဖလားတွေကို ကွင်းလယ်အားနဲ့ ယူခဲ့တဲ့ သာဓကတွေ အများကြီးပါ။ အသင်းတစ်သင်းမှာ ကမ္ဘာ့အကောင်းဆုံးတိုက်စစ်ကစားသမားတွေ ရှိရင်တောင် ပွဲစဉ်တွေကို ထိန်းချုပ်ဖို့ အရည်အသွေးမြင့် ကွင်းလယ်လူတွေ လိုအပ်ပါတယ်။ ကွင်းထဲမှာ ဉာဏ်ကြီးရှင်အများစုက ကွင်းလယ်လူတွေ ဖြစ်လေ့ရှိတယ်။ သူတို့က ပွဲကို ကောင်းကောင်း ဖတ်ရှူနိုင်ပြီး ပွဲစဉ်ရဲ့ Tempo အနိမ့်အမြင့်ကို ထိန်းကျောင်းနိုင်သူတွေ ဖြစ်တယ်။