ယူရိုပါလိဂ်ချန်ပီယံရေပန်းစားမှုတွင် မန်ယူအသင်းက ပရီးမီးယားလိဂ်ပြိုင်ဘက် အာဆင်နယ်၏အထက် ထိပ်ဆုံး၌ရပ်တည်နေကြောင်း သိရသည်။
Paddy Power ၏အလေးပေးချက်တွင် မန်ယူအသင်းက ၅း၂ လေးဖြင့် ဦးဆောင်နေပြီး အာဆင်နယ်အသင်းက ၃း၁ လေး၊ ဂျူဗင်တပ်စ်အသင်းက ၈း၁ လေး၊ အူန်ယွန်းဘာလင်အသင်းက ၁ဝး၁ လေး၊ ဆီဗီလာအသင်းနှင့် ရိုးမားအသင်းက ၁၄း၁ လေး၊ ဆိုစီဒက်အသင်းနှင့် လေဗာကူဆင်အသင်းက ၁၆း၁ လေး၊ ဘက်တစ်အသင်းက ၂ဝး၁ လေး၊ ဖရိုင်းဘတ်အသင်းက ၂၅း၁ လေး၊ စပို့တင်းလစ္စဘွန်း အသင်း၊ ဖီယင်နုအသင်းနှင့် ရှက်တာဒိုးနက်အသင်းက ၃၃း၁ လေး၊ ဖီနာဘာချီအသင်းက ၈ဝး၁ လေး၊ ဆန်လွိက်ဆီအသင်းက ၁ဝဝး၁ လေး၊ ဖယ်ရန်ဗာရို့စ်အသင်းက ၂ဝဝး၁ လေး အသီးသီးရှိနေကြသည်။
ယူရိုပါလိဂ်မဲခွဲပွဲတွင် ယခုရာသီ၌ စပိန်ကလပ်အသင်းများနှင့် ဆက်တိုက်တွေ့ဆုံခဲ့သည့် မန်ယူအသင်းသည် ဘက်တစ်အသင်းနှင့် တွေ့ဆုံခဲ့ပြီး မန်ယူ၏ ပရီးမီးယားလိဂ်ပြိုင်ဘက် အာဆင်နယ်အသင်းမှာ စပို့တင်းလစ္စဘွန်းအသင်းနှင့် တွေ့ဆုံခဲ့ခြင်းဖြစ်သည်။
အခြားပွဲစဉ်များတွင် အူန်ယွန်းဘာလင်-ဆန်လွိုက်ဆီ၊ ဆီဗီလာ-ဖီနာဘာချီ၊ ဂျူဗင်တပ်စ်-ဖရိုင်းဘတ်၊ လေဗာကူဆင်-ဖယ်ရန်ဗာရို့စ်၊ ရိုးမား-ဆိုစီ ဒက်၊ ရှက်တာဒိုးနက်-ဖီယင်နုတို့ တွေ့ဆုံလျက်ရှိသည်။
ယူရိုပါလိဂ်နှင့် တစ်ရက်တည်းပြုလုပ်ခဲ့သည့် ကွန်း ရန့်လိဂ် ရှုံးထွက်(၁၆)သင်းအဆင့် မဲခွဲပွဲတွင် AEKလာနာကာ-ဝက်စ်ဟမ်း၊ ဖီအိုရင်တီးနား-ဆီဗက်စပေါ်၊ လာဇီယို- အယ်လ်ခမာ၊ လက်ချ်ပေါ့နန်-ယာဂါးဒန်း၊ ဘေဆယ်-ဆလိုဗန်၊ ရှာရစ်ဖ်-နိုက်စ်၊ အန်ဒါလက်ချ်-ဗီလာရီးယဲလ်၊ KAAဂျန့်-ဘာရှက်ဆီဟီအသင်းများ တွေ့ဆုံခဲ့ကြသည်။
ကွန်းဖရန့်လိဂ် ချန်ပီယံရေပန်းစားမှုတွင် ဗီလာရီးယဲလ်အသင်းက ၁ဝး၃ လေး၊ ဝက်စ်ဟမ်းအသင်းက ရး၂ လေး၊ လာဇီယိုအသင်းက ၄း၁ လေး၊ ဖီအိုရင်တီးနားအသင်းက ၆း၁ လေး၊ နိုက်စ်အသင်းက ၉း၁ လေး၊ အယ်လ်ခမာအသင်းက ၁ဝး၁ လေး အသီးသီးရှိနေကြသည်။
ယူရိုပါလိဂ်နှင့် ကွန်းဖရန့်လိဂ် ပထမအကျော့ပွဲစဉ်များကို မတ်လ(၉)ရက်နှင့် ဒုတိယအကျော့ ပွဲစဉ်များကို မတ်လ(၁၆)ရက်တွင် ကစားမည်ဖြစ်ကြောင်း သိရသည်။
