ဒီရာသီ နာပိုလီရဲ့ အမြင့်ပျံခရီးက လှပနေတယ်။ ပြည်တွင်း၊ ပြည်ပပြိုင်ပွဲ (၂)ရပ်ကြား ရလဒ်ကောင်းတွေ တောက်လျှောက် ရယူနေတယ်။ နည်းပြ စပယ်လက်တီရဲ့အသင်းက အချိန်တိုအတွင်း အခုလို တိုးတက်လာတာ အံ့အားသင့်စရာအရမ်းကောင်းတယ်။ ရာသီသစ်မှာ ရောက်ရှိလာကြတဲ့ မျက်နှာသစ်ကစားသမားတွေ ပုံစံကောင်းပြတယ်။ ရှိပြီးသား ကစားသမားတွေ အရမ်းတိုး တက်လာတယ်။ အသင်းရှိကစားသမားအကုန်လုံး တာဝန်ကျေကြတာကိုလည်း တွေ့ရတယ်။ ဒီကစားသမားတွေထဲမှာ ဂိုးသမား မယ်ရတ်တစ်ယောက်လည်း အပါအဝင်ဖြစ်ပါတယ်။