YANGON WATER BUS ကို အောက်တိုဘာ ၁ ရက်အစား အောက်တိုဘာ ၆ ရက်တွင် ပြန်လည်ပြေးဆွဲမည်ဖြစ်ကြောင်း YANGON WATER BUS က စက်တင်ဘာ ၂၇ ရက်တွင် သတင်းထုတ်ပြန်ကြေညာသည်။
ယခင်က YANGON WATER BUS ကို အောက်တိုဘာ ၁ ရက်ပြန်လည်ပြေးဆွဲမည်ဟု ကြေညာခဲ့သော်လည်း ယခုအခါ YANGON WATER BUS ငါးနှစ်ပြည့် နှစ်ပတ်လည်အထိမ်းအမှတ်အဖြစ် အောက်တိုဘာ ၆ ရက်သို့ ပြောင်းလဲပြေးဆွဲခဲ့ခြင်းဖြစ်ကြောင်း ထုတြ်ပန်ချက်အရ သိရသည်။
ယင်းငါးနှစ်ပြည့်နေ့ကို အောက်တိုဘာ ၆ ရက် နံနက် ၇ နာရီတွင် လမ်းသစ်လမ်းဆိပ်ကမ်း၌ဖွင့်ပွဲပြုလုပ်မည်ဖြစ်ပြီး ယင်းနေ့တွင် အခမဲ့ပြေးဆွဲပေးသွားမည်ဖြစ်ကြောင်း သိရသည်။ ထို့အပြင် K pay, CB pay, AYA pay, A plus pay, UAB pay စသည့် တစ်မျိုးမျိုးသုံးစွဲသူများအနေဖြင့် မိမိကိုင်ဆောင်သည့်ဖုန်းမှ application ကို ပြသ၍ Sunset ticket တကြိမ်စာကို လက်ဆောင်ရယူနိုင်မည်ဖြစ်ကြောင်း YANGON WATER BUS က သတင်းထုတ်ပြန်သည်။
နှစ်နှစ်ကျော်ကြာ ရပ်နားထားသည့် YANGON WATER BUS ကို အောက်တိုဘာ ၁ ရက်တွင် ပြန်လည်ပြေးဆွဲမည်ဖြစ်ကြောင်း ဇူလိုင် ၁၉ ရက်တွင် YANGON WATER BUS က သတင်းထုတ်ပြန်ခဲ့ပြီးနောက် ယခုကဲ့သို့ ပြန်လည်ပြင်ဆင်ထုတ်ပြန်ခဲ့ခြင်းဖြစ်ပြီး ပြေးဆွဲမည့် ပမာဏလမ်းကြောင်းအဖြစ် ဗိုလ်တထောင်၊ ပန်းဆိုးတန်း၊ လမ်းသစ်၊ ဆာပါချောင်နှင့် အံ့ကြီးမှတ်တိုင်များဖြစ်ပြီး ငွေပေးချေခြင်းအတွက် KPAY၊ CB PAY၊ WAVE PAY တို့ အသုံးပြုသွားမည်ဖြစ်ကြောင်း သိရသည်။
YANGON WATER BUS သည် ၂၀၁၇ ခုနှစ် အောက်တိုဘာမှစတင်၍ ပြေးဆွဲခဲ့ခြင်းဖြစ်ကြောင်း သိရသည်။