အဲဗာတန်အသင်းအားပေးသူ ပရိသတ်များသည် အသင်း၏နည်းပြဟောင်းတစ်ဦးဖြစ်သူ အန်ဆယ်လော့တီအား ဒေါသထွက်နေပြီး လူမှုကွန်ရက်စာမျက်နှာများတွင် ပြစ်တင်ဝေဖန်ရေးသားခဲ့ကြသည်။
ပြီးခဲ့သည့်ရက်ပိုင်းအတွင်း အန်ဆယ်လော့တီအား မီဒီယာသမားများက ရီးယဲလ်မက်ဒရစ်အသင်းအား ကိုင်တွယ်ရာတွင် ခက်ခဲသလားဟု မေးမြန်းခဲ့ကြသည်။
အန်ဆယ်လော့တီက ရီးယဲလ်နှင့်အဲဗာတန်တို့မှာ Fiat 500 ကားနှင့် Ferrari ကား မောင်းရသကဲ့သို့ ကွာခြားကြောင်း ပြန်လည်တုံ့ပြန်ပြောကြားခဲ့ပြီး အဲဗာတန်အသင်းကို Fiat 500 ကားဟု ရည်ညွှန်းခဲ့ခြင်းဖြစ်သည်။
ချန်ပီယံလိဂ်ဖလား (၃)ကြိမ်ရယူထားဖူးသော အန်ဆယ်လော့တီသည် ၂၀၁၉ ဒီဇင်ဘာတွင် အဲဗာတန်အသင်းကို (၄)နှစ်ခွဲစာချုပ်ဖြင့် ရောက်ရှိလာပြီး အသင်းအား ကိုင်တွယ်ပြီး (၆)လခန့်အကြာတွင်ပင် သူ၏အသင်းဟောင်း ရီးယဲလ်မက်ဒရစ်အသင်းသို့ ပြန်လည်ပြောင်းရွှေ့သွားခဲ့သူဖြစ်သည်။
ယင်းကဲ့သို့ အချိန်တိုအတွင်း အသင်းအား စွန့်ခွာသွားခြင်းကြောင့် မူလကတည်းကပင် အဲဗာတန်ပရိသတ်များသည် အန်ဆယ်လော့တီအား အမြင်မကြည်ခဲ့ကြပေ။
