လိုင်လီအသင်းမှ ပေါ်တူဂီကွင်းလယ်ကစားသမား ရီနာတိုဆန်းချက်စ်က လာမည့် ဇန်နဝါရီအပြောင်းအရွှေ့တွင် အေစီမီလန် သို့မဟုတ် အာဆင်နယ်သို့ ရောက်ရှိနိုင်ကြောင်း ထုတ်ဖော်ပြောကြားခဲ့သည်။ 

လိုင်လီအသင်းက ရောင်းထုတ်ရန် စီစဉ်နေသည့် ရီနာတိုဆန်းချက်စ်က "မီလန်နဲ့ အာဆင်နယ်က ကျွန်တော့်ကို စိတ်ဝင်စားနေပြီး အပြောင်းအရွှေ့ဖြစ်လာနိုင်ပါတယ်။ ဒါပေမဲ့ အတိအကျတော့ မသိသေးပါဘူး။ အကောင်းဆုံးဖြစ်မယ့်အသင်းကို ရွေးချယ်မှာပါ။ အေစီမီလန်လား။ ခမ်းနားတဲ့သမိုင်းရှိတဲ့အသင်းကို ကျွန်တော် သဘောကျပါတယ်"ဟု ပြောကြားခဲ့သည်။

ရီနာတိုဆန်းချက်စ်သည် ယခုရာသီတွင် လိုင်လီအသင်းအတွက် (၆)ပွဲ ပါဝင်ကစားပေးထားပြီး ဂိုးသွင်းယူနိုင်ခြင်း မရှိသေးပေ။