ပရီးမီးယားလိဂ်အဖွဲ့ချုပ်သည် လာမည့် ၂၀၂၂-၂၃ ရာသီအတွက် ပြိုင်ပွဲကျင်းပမည့် နေ့ရက်များကို ကြာသပတေးနေ့က အတည်ပြုထုတ်ပြန်ခဲ့သည်။
၂၀၂၂ ခုနှစ်တွင် ကမ္ဘာ့ဖလားပြိုင်ပွဲ ကျင်းပမည်ဖြစ်ပြီး ၂၀၂၂-၂၃ ရာသီနှင့် ငြိစွန်းနေသည့်အတွက် ပရီးမီးယားလိဂ်အဖွဲ့ချုပ်က အဆိုပါရာသီအတွက် ကျင်းပမည့်နေ့ရက်များကို ကြိုတင်သတ်မှတ်ခဲ့ခြင်းလည်းဖြစ်သည်။
၂၀၂၂-၂၃ ရာသီ ပရီးမီးယားလိဂ်ပြိုင်ပွဲကို ၂၀၂၂ ခုနှစ် သြဂုတ်(၆)ရက်တွင် စတင်မည်ဖြစ်ပြီး ၂၀၂၃ ခုနှစ် မေ(၂၈)တွင် အဆုံးသတ်မည်ဖြစ်သည်။
၂၀၂၂ ကမ္ဘာ့ဖလားပြိုင်ပွဲအတွက် ၂၀၂၂ ခုနှစ် နိုဝင်ဘာ(၁၄)ရက်မှ ဒီဇင်ဘာ(၂၆)ရက်နေ့အထိ အနားပေးသွားမည်ဖြစ်ကြောင်း သိရသည်။
၂၀၂၂ ကမ္ဘာ့ဖလား ပြိုင်ပွဲကို နိုဝင်ဘာ(၂၁)မှ ဒီဇင်ဘာ(၁၈)ရက်နေ့အထိ ကျင်းပမည်ဖြစ်သောကြောင့် ကမ္ဘာ့ဖလားပြိုင်ပွဲအပြီး တစ်ပတ်အကြာတွင် ပရီးမီးယားလိဂ်ပြိုင်ပွဲ ပြန်လည်စတင်မည့်အခြေအနေဖြစ်သည်။
အဆိုပါရာသီတွင် ကြားရက်၌ ယှဉ်ပြိုင်ကစားမည့်ပွဲစဉ် (၃)ပွဲသာ ပါဝင်မည်ဖြစ်ကြောင်းလည်း သိရသည်။
