ချယ်လ်ဆီးကွင်းလယ်လူ ဂျော်ဂျင်ဟိုက Ballon d'Or ဆုရှင်ကို ရွေးချယ်ရာတွင် သွင်းဂိုးတစ်ခုတည်းကို ကြည့်ကာ ဆုံးဖြတ်ခြင်းမျိုး မရှိသင့်ကြောင်း ပြောကြားခဲ့သည်။
ဂျော်ဂျင်ဟိုသည် ပြီးခဲ့သည့်ရာသီက ချယ်လ်ဆီးအသင်းနှင့်အတူ ချန်ပီယံလိဂ်၊ အီတလီအသင်းနှင့်အတူ ယူရို-၂၀၂၀ ချန်ပီယံဆုများကို ရယူုနိုင်ခဲ့ခြင်းကြောင့် ၂၀၂၁ Ballon d'Or ဆုအတွက် ရေပန်းစားသူများထဲတွင် ပါဝင်နေသည်။
၎င်းက ''Ballon d'Or ဆုကို ကျွန်တော်ရသင့်တယ်လို့ ကျွန်တော့်မှာ ပြောပိုင်ခွင့်မရှိပါဘူး။ ဒါပေမဲ့ ဒီဆုက ကစားသမားတိုင်းအတွက် မက်လုံးဖြစ်ပြီး သွင်းဂိုးတစ်ခုတည်းနဲ့ မဆုံးဖြတ်သင့်ပါဘူး။ Ballon d'Or ဆုကို စိတ်မဝင်စားဘူးလို့ ကျွန်တော် မညာချင်ပါဘူး။ ဒါပေမဲ့ မရရင်လည်း စောဒကတက်မှာ မဟုတ်ပါဘူး''ဟု ဆိုခဲ့သည်။
