မန်ယူအသင်း၏ ၀ါရင့်တိုက်စစ်မှူး စီရော်နယ်လ်ဒိုသည် မန်ယူအသင်းအနေဖြင့် ချန်ပီယံလိဂ်ဝင်ခွင့် ဆုံးရှုံးခဲ့ပါက လာမည့်နွေရာသီတွင် အသင်းမှထွက်ခွာဖွယ်ရှိနေကြောင်း ဗြိတိန်သတင်းစာ Express က ဖော်ပြခဲ့သည်။

စီရော်နယ်လ်ဒို(၃၆ နှစ်)သည် ပြီးခဲ့သည့်နွေရာသီအပြောင်းအရွှေ့ကာလတွင် ဂျူဗင်တပ်စ်အသင်းမှ မန်ယူအသင်းသို့ ပြန်လည်ပြောင်းရွှေ့လာခဲ့သူဖြစ်ပြီး အသင်းနှင့် ၂၀၂၃ ခုနှစ်အထိ စာချုပ်ချုပ်ဆိုထားသူဖြစ်သည်။

သို့သော် မန်ယူအသင်းသည် ယခုရာသီ ပရီးမီးယားလိဂ်ပြိုင်ပွဲတွင် ရုန်းကန်နေရပြီး လာမည့် ၂၀၂၂-၂၃ ရာသီတွင် ချန်ပီယံလိဂ်ဝင်ခွင့်ဆုံးရှုံးခဲ့မည်ဆိုပါက စီရော်နယ်လ်ဒိုသည် ယူရိုပါလိဂ်တွင် လိုက်ပါကစားမည်မဟုတ်ဘဲ ချန်ပီယံလိဂ်ကစားခွင့်ရသည့် အသင်းသို့ ပြောင်းရွှေ့လိမ့်မည်ဟု Express က ဖော်ပြခဲ့သည်။