၂၀၁၄ ခုနှစ်မှာ ဒီဘရိုင်းနားက မစ်ချယ်လီရဲ့အလှမှာ ပထမဆုံး နစ်မျောခဲ့တယ်။ လူမှုကွန်ရက်က မစ်ချယ်လီရဲ့ ညှို့အားပြင်းဓာတ်ပုံကိုကြည့်ရင်း စွဲလမ်းစိတ်ဟာ တရိပ်ရိပ်တိုးနေပေမဲ့ စကားသွားပြောဖို့ မဝံ့ရဲခဲ့ဘူး။ တိတ်တခိုး အချစ်နဲ့သာ ဒီဘရိုင်းနား ဖြေသိမ့်နေခဲ့ရတယ်။ အဲဒီအချိန်တုန်းက ဒီဘရိုင်းနားက ဝုလ်ဖ်ဘတ်မှာပဲ ရှိပါသေးတယ်။ သူ့ရဲ့ ဝုလ်ဖ်ဘတ်အသင်းဖော်တစ်ဦးက ဒီဘရိုင်းနားရဲ့ တိတ်တခိုးစွဲလမ်းမှုကို ရိပ်မိခဲ့ပြီး ကူညီပေးခဲ့တာပါ။ ဖုန်းကိုလုယူပြီး ဝုလ်ဖ်ဘတ်အသင်းဖော် ကူညီပေးချိန်မှာ ဒီဘရိုင်းနားက ပြဿနာတက်မလားဆိုပြီး ထိတ်လန့်နေပါသေးတယ်။ သူ့ရဲ့ သမုဒယသစ္စာလေးက လူမှုကွန်ရက်မှာ Block သွားမလား စိုးရိမ်နေတာပါပဲ။