ပီတာရှမိုက်ကယ်က ကစားသမားဘဝမှာ အောင်မြင်မှုတွေအများကြီး ရယူနိုင်ခဲ့သူ ဖြစ်ပြီး အထူးသဖြင့်တော့ ဒိန်းမတ်တစ်နိုင်ငံလုံးကို အောင်ပွဲခံစေခဲ့တဲ့ ယူရို-၁၉၉၂ အောင်မြင်မှုလည်းပါတယ်။    ကက်စပါရှမိုက်ကယ်ကိုယ်တိုင်က လက်စတာအသင်းနဲ့အတူ မယုံနိုင်စရာအောင်မြင်မှု ဖြစ်တဲ့ ၂၀၁၆ ပရီးမီးယားလိဂ်ဖလားကို ယူပေး နိုင်ခဲ့သူပါ။ ဒီအောင်မြင်မှုကပဲ ကက်စပါရှမိုက်ကယ်ကို သူ့အဖေရဲ့ လောင်းရိပ်အောက်ကနေ ခွဲထုတ်ပေးခဲ့တာဖြစ်တယ်။ ဒါပေမဲ့ သူ့အနေနဲ့ ပီတာရဲ့ခြေရာကိုနင်းနိုင်ဖို့ ဆိုရင်တော့ နောက်ထပ် ဒိန်းမတ် အသင်းအတွက် ယူရိုအောင်မြင်မှု ယူပေးနိုင်မှ ဖြစ်ပါလိမ့်မယ်။ ဒီအောင်မြင်မှုကိုသာ ယူပေးနိုင်ခဲ့ရင် ပီတာ ယူခဲ့ဖူးသလို ပရီးမီးယားလိဂ်ဖလားတွေအများကြီးလည်း ထပ် မလိုအပ်တော့ဘူးလို့ ပြောလို့ရတယ်။