Voice of Myanmar သတင်းဌာနမှ အယ်ဒီတာချုပ်အား အကြမ်းဖက်ဥပဒေပုဒ်မ နှစ်ခုဖြင့် အမှုဖွင့်ဖမ်းဆီးပြီးနောက် ရုံးခန်းအား ဝင်ရောက်ရှာဖွေ
Voice of Myanmar သတင်းဌာနမှ အယ်ဒီတာချုပ်အား အကြမ်းဖက်ဥပဒေပုဒ်မ နှစ်ခုဖြင့် အမှုဖွင့် ဖမ်းဆီးပြီးနောက် ရုံးခန်းအား ယနေ့(မတ် ၃၁ ရက်) နံနက်တွင် ဝင်ရောက်ရှာဖွေမှုများ ပြုလုပ်ခဲ့ကြောင်း သတင်းရရှိသည်။
မတ် ၃၀ ရက် ည ၉ နာရီခန့်က Voice of Myanmar သတင်းဌာန၏ အယ်ဒီတာချုပ် ဦးနေမျိုးလင်းအား CID သတင်းရဲတပ်ဖွဲ့မှ လာရောက်ပြီး စစ်းဆေးစရာရှိသည်ဟုဆိုကာ ခေါ်ဆောင်သွားခဲ့ခြင်း ဖြစ်သည်။
လတ်တလော စုံစမ်းသိရသည်မှာ ဦးနေမျိုးလင်းသည် " ငြိမ်းချမ်းရေးလုပ်ငန်းစဉ်တွေကတော့ရပ်တန့်သွားပြီ" ခေါင်းစဉ်ဖြင့် AA အဖွဲ့မှ ခိုင်သုခနှင့် ဆက်သွယ်မေးမြန်းခဲ့သောကြောင့် ၂၀၁၄ ခုနှစ် အကြမ်းဖက်မှုတိုက်ဖျက်ရေး ဥပဒေပုဒ်မ ၅၀(က)/၅၂(က) တို့ဖြင့် ရဲသတင်းတပ်ဖွဲ့ (SB) မှ တရားလိုပြုလုပ် အမှုဖွင့်ထားသည်ဟု သိရသည်။
