ရီးယဲလ်မက်ဒရစ်နှင့် စပိန်လက်ရွေးစင်အသင်းခေါင်းဆောင် ရာမို့စ်သည် အခွန်ကိစ္စအတွက် ဒဏ်ကြေးယူရိုတစ်သန်း ပေးဆောင်ပြီးဖြစ်သော်လည်း အယူခံဝင်မည်ဖြစ်ကြောင်း သိရသည်။
ရာမို့စ်သည် ၂၀၁၂ မှ ၂၀၁၄ ခုနှစ် အတွင်း ၎င်း၏ပုံရိပ်အသုံးပြုခအတွက်ရရှိသည့် ဝင်ငွေခွန်သက်သာစေရန် စပိန်နိုင်ငံရှိ ကိုယ်ပိုင်ကုမ္ပဏီမှတစ်ဆင့် အခွန်ရှောင်ရန် ကြိုးပမ်းမှုကြောင့် ဒဏ်ကြေးယူရိုတစ်သန်း ချမှတ်ခံထားရသည်။
ရာမို့စ်သည် ဒဏ်ကြေးကို ပေးဆောင်ပြီးဖြစ်သော်လည်း ပြစ်မှုဆိုင်ရာ ဥပဒေချိုးဖောက်ခြင်းမဟုတ်သဖြင့် အယူ ခံဝင်မည်ဖြစ်ကြောင်း ကြေညာခဲ့ခြင်းဖြစ်သည်။
''ဒါက စီမံခန့်ခွဲမှုဆိုင်ရာ ဒဏ်ကြေး ချမှတ်ခံရတာပါ။ ပြစ်မှုဆိုင်ရာ ဥပဒေချိုးဖောက်မှု မဟုတ်ပါဘူး''ဟု ၎င်းက ပြောကြားသည်။
ရာမို့စ်သည် စပိန်နိုင်ငံ၌ အခွန်ပြဿနာရင်ဆိုင်ရသည့် ဘောလုံးကြယ်ပွင့်များအနက် တစ်ဦးအပါအဝင်ဖြစ်လာပြီး စီရော်နယ်လ်ဒို၊ မက်ဆီတို့လည်း ဖြစ်ပွားခဲ့ဖူးသည်။
