ဘန်ဇီမာသည် ၂၀၁၅ ခုနှစ်တွင် ပြင်သစ်အသင်းဖော် ဗယ်လ်ဘွေနာကို အပြာဗီဒီယိုအတွက် ခြိမ်းခြောက်ငွေညှစ်ခဲ့သည်ဟု သတင်းထွက်ပေါ်ပြီးနောက် ပြင်သစ်အသင်း၌ ရွေးချယ် ခြင်း မခံရတော့ပေ။
ပြင်သစ်အသင်းနည်းပြ ဒေးရွှမ့်က ရီးယဲလ်မက်ဒရစ်ဝါရင့်တိုက်စစ်မှူး ဘန်ဇီမာကို အသင်းတွင် ပြန်မရွေးခြင်းမှာ ပုဂ္ဂိုလ်ရေးအကြောင်းပြချက်ကြောင့် မဟုတ်ဘဲ အသင်းကောင်းကျိုးအတွက်သာ ဖြစ်သည်ဟု ရှင်းလင်းပြောကြားခဲ့သည်။
ဘန်ဇီမာ (၃၁ နှစ်)သည် ယခုရာသီတွင် ရီးယဲလ်မက်ဒရစ်အသင်းအတွက် ပြိုင်ပွဲစုံ (၉)ပွဲတွင် (၆)ဂိုးသွင်းယူထားရာ ၎င်းအား ပြင်သစ်အသင်းတွင် မရွေးချယ်ခြင်းအပေါ် ဝေဖန်မှုများ ရှိနေသည်။ ဘန်ဇီမာသည် ၂၀၁၅ ခုနှစ်တွင် ပြင်သစ်အသင်းဖော် ဗယ်လ်ဘွေနာကို အပြာဗီဒီယိုအတွက် ခြိမ်းခြောက်ငွေညှစ်ခဲ့သည်ဟု သတင်းထွက်ပေါ်ပြီးနောက် ပြင်သစ်အသင်း၌ ရွေးချယ်ခြင်း မခံရတော့ပေ။
ဒေးရွှမ့်က "ဘန်ဇီမာကို ပြင်သစ်အသင်းမှာ ပြန်မရွေးတာ ပုဂ္ဂိုလ်ရေးကြောင့် မဟုတ်ပါဘူး။ သူ့ကို ပြန်ရွေးတာက အသင်းအတွက် မကောင်းဘူးလို့ ကျွန်တော် ထင်မြင်ယူဆလို့ ဖြစ်ပါတယ်။ ပြင်သစ်အတွက် ကောင်းဖို့ပဲ ကျွန်တော်တွေးပါတယ်။ တခြားအတွေးမှာ ကျွန်တော့်မှာ မရှိပါဘူး" ဟု ပြောကြားခဲ့သည်။
