၂၀၂၂ ကမ္ဘာ့ဖလားခြေစစ်ပွဲနှင့် ၂၀၂၃ အာရှဖလားခြေစစ်ပွဲ ဒုတိယအဆင့်အုပ်စုပွဲစဉ်အဖြစ် ယှဉ်ပြိုင်ကစားရန်ရှိသည့် ကာဂျစ္စတန်အသင်းနှင့် မြန်မာအသင်းတို့၏ပွဲစဉ်ကို ပြည်တွင်းရုပ်သံလိုင်းတစ်ခုဖြစ်သည့် MRTVမှ တိုက်ရိုက်ထုတ်လွှင့်ပြသမည်ဖြစ်ကြောင်း MRTV သတင်းဌာနက အတည်ပြုကြေညာခဲ့သည်။
၂၀၂၂ ကမ္ဘာ့ဖလားခြေစစ်ပွဲနှင့် ၂၀၂၃ အာရှဖလားခြေစစ်ပွဲ ဒုတိယအဆင့်အုပ်စုပွဲစဉ်အဖြစ် ယှဉ်ပြိုင်ကစားရန်ရှိသည့် ကာဂျစ္စတန်အသင်းနှင့် မြန်မာအသင်းတို့၏ပွဲစဉ်ကို ပြည်တွင်းရုပ်သံလိုင်းတစ်ခုဖြစ်သည့် MRTVမှ တိုက်ရိုက်ထုတ်လွှင့်ပြသမည်ဖြစ်ကြောင်း MRTV သတင်းဌာနက အတည်ပြုကြေညာခဲ့သည်။
ယင်းပွဲစဉ်ကို MRTV, MRTV Sport Channel နှင့် မြန်မာ့အသံရေဒီယိုတို့မှ ပွဲမစမီ (၁၅)မိနစ်အလို ( အောက်တိုဘာ (၁၀)ရက်၊ မြန်မာစံတော်ချိန်ည ၈း၄၅ မိနစ်) မှ စတင်ကာ တိုက်ရိုက်ထုတ်လွှင့်သွားမည်ဖြစ်သည်။
ကာဂျစ္စတန်လက်ရွေးစင်အသင်းနှင့် မြန်မာ့လက်ရွေးစင်အသင်းတို့သည် ၂၀၂၂ ကမ္ဘာ့ဖလားခြေစစ်ပွဲနှင့် ၂၀၂၃ အာရှဖလားခြေစစ်ပွဲ ဒုတိယအဆင့်အုပ်စုပွဲစဉ်အဖြစ် အောက်တိုဘာ (၁၀)ရက် မြန်မာစံတော်ချိန် ည (၉း၃၀) နာရီတွင် ကာဂျစ္စတန်နိုင်ငံ၊ ဘစ်ရ်ှကတ်မြို့ရှိ ပရိသတ် (၂၃၀၀၀)ဆံ့ ဒိုလန်အို မူဇာကော့ဗ်ကွင်း၌ ယှဉ်ပြိုင်ကစားကြမည်ဖြစ်သည်။
ကာဂျစ္စတန်နှင့် မြန်မာအသင်းတို့သည် အုပ်စုတွင်း၌ ဂျပန်၊ တာဂျစ်ကစ္စတန်၊ မွန်ဂိုလီးယားအသင်းတို့နှင့်အတူ ကျရောက်နေပြီး ကာဂျစ္စတန်အသင်းမှာ အုပ်စုပထမပွဲတွင် အဝေးကွင်း၌ တာဂျစ်ကစ္စတန်အသင်းကို (၀-၁)ဂိုးဖြင့် ရှုံးနိမ့်ထားသည်။ ထို့အတူ မြန်မာအသင်းမှာလည်း အုပ်စု(၂)ပွဲကစားခဲ့ရာတွင် မွန်ဂိုလီးယားအသင်းကို အဝေးကွင်း၌ (၀-၁)ဂိုး၊ ဂျပန်အသင်းကို အိမ်ကွင်း၌ (၀-၂)ဂိုးတို့ဖြင့် ရှုံးနိမ့်ထားသည်။
Source: MRTV
