<

သတင်းတိုများ စုစည်းဖော်ပြမှု

 

Photos: AFP

■  ပေါ့ဘာအား အလန်ရှီးယား ဝေဖန်

နယူးကာဆယ်အသင်း၏ ဂန္ထ၀င်ကစားသမားတစ်ဦးဖြစ်သူ အလန်ရှီးယားက ပြင်သစ်ကွင်းလယ်လူ ပေါ့ဘာအား ကလပ်အသင်းနှင့် လက်ရွေးစင်အသင်း စွမ်းဆောင်ရည်ကွာခြားခြင်းအတွက် ဝေဖန်ပြောကြားခဲ့သည်။ပေါ့ဘာသည် ပြီးခဲ့သည့်အင်္ဂါနေ့က ကစားခဲ့သော ၂၀၁၈ ကမ္ဘာ့ဖလား ဆီမီးဖိုင်နယ်ပွဲစဉ် ပြင် သစ်(၁-၀)ဘယ်လ်ဂျီယံပွဲတွင် ခြေစွမ်းပြခဲ့ပြီး အသင်းအား ဗိုလ်လုပွဲသို့ရောက်ရှိအောင် စွမ်းဆောင်ပေးခဲ့သည်။အလန်ရှီးယားက ပေါ့ဘာအနေဖြင့် လက်ရွေးစင်အသင်းတွင် ပိုမိုကြိုးစားကစားပြီး မန်ယူအသင်းအင်္ကျီဝတ်ဆင်ကစားလျှင် ကြောက်ရွံ့သကဲ့သို့ဖြစ်နေကြောင်း ဝေဖန်ခဲ့သည်။ သူ၏စကားကို မန်ယူနောက်ခံလူ ရီယိုဖာဒီနန်ကလည်း မှန်ကန်ကြောင်း ထောက်ခံပြောကြားခဲ့သည်။

■  ကော်တိုအာ၏စကားကို ဘာပေ တုံ့ပြန်

ပြင်သစ်လက်ရွေးစင်ကွင်းလယ်လူ ဘာပေက ဘယ်လ်ဂျီယံဂိုးသမား ကော်တိုအာ ဝေဖန်ပြောဆိုခဲ့သည့်စကားကို မီဒီယာများမှတစ်ဆင့် ပြန်လည်တုံ့ပြန်ခဲ့သည်။ပြင်သစ်(၁-၀)ဘယ်လ်ဂျီယံ ဆီမီးဖိုင်နယ်ပွဲအပြီးတွင် ကော်တိုအာက ပြင်သစ်အသင်းမှာ ခံစစ်ကို အလွန်အသားပေးကစားခဲ့ကြောင်းနှင့် ဘယ်လ်ဂျီယံအသင်းမှာ ပိုကောင်းသည့်အသင်းဖြစ်သော်လည်း အနိုင်မရခဲ့ ကြောင်း ပြောကြားခဲ့ခြင်းဖြစ်သည်။ကော်တိုအာ၏စကားနှင့်ပတ်သက်၍ မီဒီ ယာများ၏မေးမြန်းမှုအပေါ် ဘာပေက ” ဒီအချိန်မှာ သူတို့(ဘယ်လ်ဂျီယံကစား သမားများ)ပြောချင်သလို ပြောနိုင်ပါတယ်။ ကျွန်တော်မှားခဲ့ရင်တော့ တောင်းပန်ပါတယ်။ အခုချိန်မှာတော့ ကျွန်တော်တို့က ဗိုလ်လုပွဲကို သွားနေပါပြီ” ဟု တုံ့ပြန်ပြောကြားခဲ့သည်။

■  ထူးခြားမှတ်တမ်းတစ်ခုကို ဒေးရွှမ့်ရရှိ

ပြင်သစ်လက်ရွေးစင်အသင်းနည်းပြ ဒေးရွှမ့်သည် သူ၏အသင်းအား ၂၀၁၈ ကမ္ဘာ့ဖလားဗိုလ်လုပွဲသို့ရောက်ရှိအောင် စွမ်းဆောင်ပေးနိုင်ခဲ့ရာ ထူးခြားမှတ်တမ်းတစ်ခုကို ပိုင်ဆိုင်ခဲ့ကြောင်း သိရှိရသည်။၎င်းမှာ ကမ္ဘာ့ဖလားဗိုလ်လုပွဲကို ကစားသမားအဖြစ်ရော နည်းပြအဖြစ်ပါ ဆင်နွှဲဖူးသည့် (၄)ဦးမြောက် ပုဂ္ဂိုလ်ဖြစ်လာခြင်းဖြစ်သည်။ယခင်က ယင်းမှတ်တမ်းတင်ရှိခဲ့သူများမှာ ဂျာမနီ ဂန္ထ၀င်ဘက်ကင်ဘောင်ဝါ၊ ဘရာဇီးလ်ဂန္ထ၀င် ဇာဂါလိုနှင့် ဂျာမနီဂန္ထ၀င် ရူဒီဗောင်လာတို့ဖြစ်ကြသည်။

July 11, 2018














Copy Protected by Chetan's WP-Copyprotect.