Photo: AFP
ဘရာဇီးလ်တိုက်စစ်မှူး နေမာက ၎င်းအတွက် ကမ္ဘာ့အကောင်းဆုံး ဘောလုံးသမားဆုထက် ကမ္ဘာ့ဖလားချန်ပီယံဆုကိုသာ ရယူလိုသည်ဟု ပြောဆိုခဲ့ကြောင်း သိရှိရသည်။
နေမာက " ကျွန်တော် ကမ္ဘာ့အကောင်းဆုံးဘောလုံးသမား မဖြစ်ချင်ပါဘူး။ ကမ္ဘာ့ဖလားချန်ပီယံဆုကိုပဲ လိုချင်ပါတယ်။ အဲဒီအတွက်လည်း ကျွန်တော့်အနေနဲ့ အစွမ်းကုန် ကြိုးစားသွားမှာပါ" ဟု ပြောကြားခဲ့သည်။ ထို့ပြင် နေမာက ၎င်းအနေဖြင့် အကောင်းဆုံးဘောလုံးသမားများထဲ၌ တစ်ဦးအပါအဝင် ဖြစ်အောင် အမြဲတမ်းကြိုးစားနေကြောင်းလည်း ဆိုခဲ့သည်။
" အကောင်းဆုံးဘောလုံးသမားတွေထဲမှာ ပါဝင်နိုင်အောင် ကျွန်တော် အမြဲတမ်းကြိုးစားနေပါတယ်။ ပြိုင်ဘက်ကစားသမားတွေ ဘယ်လိုလှည့်စားရမယ်ဆိုတာ ကျွန်တော် ကောင်းကောင်းသိပေမယ့် ဂိုးသွင်းယူမှုပိုင်းမှာတော့ ကျွန်တော် နည်းနည်းညံ့ပါတယ်" ဟု နေမာက ပြောကြားခဲ့သည်။
ထို့ပြင် နေမာက ၎င်းမှာ ကမ္ဘာပေါ်တွင် အကောင်းဆုံးဘောလုံးသမားဖြစ်သည်ဟု ပြောဆိုခဲ့ပြီး ကမ္ဘာ့အကောင်းဆုံးဘောလုံးသမားဆု (၁၀)ဆက် ရယူခဲ့ကြသည့် စီရော်နယ်လ်ဒိုနှင့် မက်ဆီတို့မှာ တခြားဂြိုဟ်မှ ဘောလုံးသမားများသာ ဖြစ်သည်ဟုလည်း ပြောကြားခဲ့သည်။
