UNFC အဖွဲ့ဝင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံး ယနေ့ NCA ရေးထိုးမည်

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် လက်မှတ်ရေးထိုးပွဲ ကျင်းပမည့် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန (၂) ကို ဖေဖော်ဝါရီ ၁၂ ရက်က တွေ့ရစဉ် (ဓာတ်ပုံ – ကျော်မျိုး)

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် လက်မှတ်ရေးထိုးခြင်း အခမ်းအနားကို ဖေဖော်ဝါရီ ၁၃ ရက် (ယနေ့) တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-2) တွင် ပြုလုပ်မည်ဖြစ်သည်။

အဆိုပါ NCA လက်မှတ်ရေးထိုးမည့် တိုင်းရင်းသား လက်နက်ကိုင်အဖွဲ့ နှစ်ဖွဲ့အား  မတရားအသင်းများ အက်ဥပဒေအရ မတရားအသင်းအဖြစ်မှ ပယ်ဖျက်လိုက်ကြောင်းနှင့် အကြမ်းဖက် တိုက်ဖျက်ရေးဥပဒေအရ အကြမ်းဖက်သူများ မဟုတ်ကြောင်းလည်း ဖေဖော်ဝါရီ ၁၁ ရက်တွင် ပြည်ထဲရေး ၀န်ကြီးဌာနက အမိန့်ကြော်ငြာစာများ ထုတ်ပြန်ခဲ့သည်။

မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့သည် ဇန်န၀ါရီ ၂၃ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် သီးခြားစီတွေ့ဆုံပြီးနောက် အဆိုပါနေ့၌ပင် NCA စာချုပ်တွင် ပါဝင်လက်မှတ်ရေးထိုးမည် ဖြစ်ကြောင်း သတင်းထုတ်ပြန်ခဲ့ခြင်း ဖြစ်သည်။

ထို့ပြင် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ၏ ဒုတိယအကြိမ် ပုံမှန်ကောင်စီ အစည်းအဝေးကို ဖေဖော်ဝါရီ ၁၀ ရက်တွင် စတင်ကျင်းပခဲ့ပြီး အဖွဲ့ဝင် အဖွဲ့အစည်းများဖြစ်သော မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့အနေဖြင့် NCA လက်မှတ်ရေးထိုးရန် အစီအစဉ်ရှိနေသောကြောင့် အစည်းအဝေးကို ယာယီရပ်ဆိုင်းထားကြောင်းနှင့် အဖွဲ့ဝင်နှစ်ဖွဲ့ လက်မှတ်ရေးထိုးခြင်း အစီအစဉ်ပြီးနောက် ကောင်စီအစည်းအဝေးအား ပြန်လည်စတင် သွားမည်ဖြစ်ကြောင်း ဖေဖော်ဝါရီ ၁၁ ရက် ရက်စွဲဖြင့် သတင်းထုတ်ပြန်ချက်အား ဖေဖော်ဝါရီ ၁၂ ရက်တွင် UNFC ၏ Facebook စာမျက်နှာတွင် ဖော်ပြထားသည်။

အဆိုပါ UNFC ၏ ဒုတိယအကြိမ်ပုံမှန် ကောင်စီအစည်းအဝေးသို့ မွန်ပြည်သစ်ပါတီ (NMSP)၊ ကရင်နီ အမျိုးသား တိုးတက်ရေးပါတီ (KNPP)၊ လားဟူဒီမိုကရက်တစ် အစည်းအရုံး (LDU)၊ ရှမ်းပြည်တိုးတက်ရေး ပါတီ (SSPP)၊ ရခိုင်ပြည် အမျိုးသားကောင်စီ (ANC) တို့မှ ကောင်စီဝင်များအပြင် ဆက်စပ်မဟာမိတ် အဖွဲ့အစည်းဖြစ်သော ကချင်လက်နက်ကိုင်အဖွဲ့ (KIO) မှ ကိုယ်စားလှယ်များလည်း တက်ရောက်ခဲ့ကြောင်း UNFC ၏ ထုတ်ပြန်ချက်အရ သိရသည်။

သို့ရာတွင် ရှမ်းပြည်တိုးတက်ရေးပါတီ (SSPP) သည် UNFC မှ နုတ်ထွက်စာ တင်ထားသည့် အဖွဲ့ဖြစ်ပြီး မြောက်ပိုင်းတိုင်းရင်းသား လက်နက်ကိုင် အဖွဲ့များဖြင့် ဖွဲ့စည်းထားသည့် FPNCC ကော်မတီတွင် အဖွဲ့ဝင်အဖြစ် ပါဝင်လျက်ရှိသည်။

UNFC အဖွဲ့ဝင် ကရင်နီအမျိုးသား တိုးတက်ရေးပါတီ (KNPP) သည် NCA ရေးထိုးရန် အစီအစဉ် ရှိသော်လည်း ၂၀၁၇ ခုနှစ် ဒီဇင်ဘာလအတွင်းက တပ်မတော်သားများနှင့် KNPP အဖွဲ့ဝင်တပ်သားများ ပဋိပက္ခဖြစ်ပွားပြီး KNPP အဖွဲ့ဝင်များ သေဆုံးခဲ့သည့် ဖြစ်စဉ်ကြောင့် NCA ရေးထိုးရန် အဟန့်အတား ဖြစ်ခဲ့သည်။

အဆိုပါဖြစ်စဉ်အပေါ်တပ်မတော်၏ စုံစမ်းစစ်ဆေးနေသည့် အဖြေရလဒ်သည်လည်း KNPP အနေဖြင့် NCA စာချုပ်တွင် ပါဝင်လက်မှတ်ရေးထိုးရန် ထည့်သွင်းစဉ်းစားသည့် အကြောင်းအရာတစ်ခု ဖြစ်ကြောင်း KNPP က ပြောကြားထားသည်။

NCA ရေးထိုးထားသည့် တိုင်းရင်းသား လက်နက်ကိုင်ရှစ်ဖွဲ့မှာ ကရင်အမျိုးသား အစည်းအရုံး (KNU)၊ ရှမ်းပြည်ပြန်လည် ထူထောင်ရေးကောင်စီ (RCSS)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)၊ ရခိုင်ပြည် လွတ်မြောက်ရေးပါတီ (ALP)၊ DKBA၊ KNU/KNLA-PC တို့ဖြစ်ကြသည်။

မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့က NCA စာချုပ်တွင် ပါဝင်လက်မှတ် ရေးထိုးပြီးပါက NCA ရေးထိုးထားသည့်အဖွဲ့ ၁၀ ဖွဲ့အထိ ရှိလာမည်ဖြစ်သည်။

ထို့အတူ UNFC အဖွဲ့ဝင်များအနက် ရခိုင်ပြည် အမျိုးသားကောင်စီ (ANC) သည်လည်း NCA လက်မှတ် ရေးထိုးမည် ဖြစ်ကြောင်း ဖေဖော်ဝါရီ ၁၁ ရက် ညနေပိုင်းက စတင်ကာ သတင်းများ ပေါ်ထွက်ခဲ့သော်လည်း ဖေဖော်ဝါရီ ၁၂ ရက် မွန်းလွဲပိုင်းတွင် ANC ဗဟိုအလုပ်အမှုဆောင် ကော်မတီက NCA လက်မှတ်ရေးထိုးသည့် အခမ်းအနားသို့ ပါဝင်တက်ရောက်နိုင်ခြင်း မရှိကြောင်း သတင်းထုတ်ပြန်ခဲ့သည်။

ANC အဖွဲ့၏ ဖေဖော်ဝါရီ ၁၂ ရက် သတင်းထုတ်ပြန်ချက်တွင် ANC သည် NCA အား ရေးသားပြုစုရာတွင် အခြားတိုင်းရင်းသား လက်နက်ကိုင် တော်လှန်ရေး အဖွဲ့အစည်းများနည်းတူ ကနဦးအစကပင် ပါဝင်လာခဲ့ကြောင်း၊ လက်ရှိအတည်ပြု ကျင့်သုံးလျက်ရှိသော NCA သည် အစိုးရ တပ်မတော်နှင့် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ အားလုံးအကြား နှစ်ဖက်လက်ခံနိုင်သော မူချောအဆင့်သို့ မရောက်ရှိသေးမီ အတည်ပြုခဲ့ခြင်း ဖြစ်သည့်အတွက် ဤစာချုပ်တွင် ၀ိဝါဒကွဲပြားစရာများ ပါရှိနေကြောင်း၊ သို့ဖြစ်၍ NCA စာချုပ် အကောင်အထည်ဖော်ရာတွင် အဆင်ပြေ ချောမွေ့စေရေးအတွက် UNFC မှတစ်ဆင့် ပြည်ထောင်စုငြိမ်းချမ်းရေး ကော်မရှင် (PC) ထံသို့ အဆိုပြုချက် ရှစ်ချက်တင်သွင်းပြီး ၁၇ လ ကျော်ကြာ ဆွေးနွေးညှိနှိုင်းခဲ့ကြောင်း ဖော်ပြထားသည်။

ထိုသို့ UNFC မှ တင်ပြခဲ့သော အဆိုပြုချက် ရှစ်ချက်နှင့် ပတ်သက်၍ ယနေ့အချိန်ထိ ကျေနပ်လောက်သော ရလဒ်ကောင်းများ မရှိခဲ့သည့်တိုင် ထိုဆွေးနွေးပွဲ ရလဒ်များကို နှစ်ဦးနှစ်ဖက် ဂုဏ်သရေရှိစွာဖြင့် စနစ်တကျ နိဂုံးချုပ်နိုင်ရေးအတွက် UNFC အတွင်း၌ လည်းကောင်း၊ အစိုးရနှင့် တပ်မတော် ခေါင်းဆောင်များအား လည်းကောင်း ဆောင်ရွက်သင့် ဆောင်ရွက်ထိုက်သည့် ကိစ္စများကို စဉ်ဆက်မပြတ် အကြံပြု တင်ပြခဲ့ကြောင်း၊ မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့အနေဖြင့် တစ်ဖွဲ့ချင်း လက်မှတ်ရေးထိုးရန် ဆုံးဖြတ်ခဲ့ချိန်တွင် UNFC အဖွဲ့ဝင် အဖွဲ့အစည်းများအကြား သွေးစည်းညီညွတ်မှု မထိခိုက်စေရန်အတွက် NCA စာချုပ်တွင် အားလုံးလိုက်ပါ ရေးထိုးနိုင်သော အခင်းအကျင်းတစ်ရပ် ဖြစ်ပေါ်လာစေရန် အစွမ်းကုန် ကြိုးပမ်းခဲ့ကြောင်း သတင်းထုတ်ပြန်ချက်တွင် ပါရှိသည်။

ယင်းကဲ့သို့ ကြိုးပမ်းမှု အနိမ့်ဆုံးအဆင့်အားဖြင့် UNFC ထိပ်သီးခေါင်းဆောင်များနှင့် နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေး ဦးစီးချုပ်တို့အကြား အနည်းဆုံး တစ်ကြိမ်ခန့် တွေ့ဆုံညှိနှိုင်းမှု ဖြစ်ပေါ်စေရန်၊ ‘ဖက်ဒရယ်ဒီမိုကရေစီ’ ဆိုသည့် ဝေါဟာရနှင့် ပတ်သက်သော အဓိပ္ပာယ်ဖွင့်ဆိုချက်နှင့် အခြေခံမူများအား နိုင်ငံရေးဆွေးနွေးပွဲ အဆင့်ဆင့်တွင် ဆက်လက်ဆွေးနွေးရမည့် အကြောင်းအရာ တစ်ခုအဖြစ် မှတ်တမ်းတင်ပေးရန်နှင့် KNPP တပ်ဖွဲ့ဝင် သုံးဦးနှင့် ကရင်နီ အရပ်သားတစ်ဦး သတ်ဖြတ်မီးရှို့ ခံရသည့်အပေါ် အမှန်တရားနှင့် တရားမျှတမှုတို့ ပေါ်ပေါက်ရေးအတွက် တန်းတူရေး အခြေခံဖြင့် နှစ်ဖက်ညှိနှိုင်း အဖြေရှာမည်ဟု ကတိက၀တ် ပြုရန်ဆိုသည့် အချက်များအပေါ်တွင် အခြေခံလျက် NCA စာချုပ်အား UNFC အဖွဲ့ဝင် အဖွဲ့အစည်းများအားလုံး တစုတဝေးတည်း လက်မှတ်ရေးထိုးနိုင်ရန် နည်းလမ်းရှာဖွေ ပေးခဲ့ကြောင်း ANC ၏သတင်းထုတ်ပြန်ချက်တွင် ဖော်ပြထားသည်။

သို့ရာတွင် ပြည်ထောင်စုငြိမ်းချမ်းရေး ကော်မရှင် တာဝန်ရှိသူများနှင့် ချိတ်ဆက်ညှိနှိုင်းသည့်အခါ DPN နှင့် PC အဆင့်တွင် တစ်ဆို့နေသော အချက်ကို နှစ်ဖက်ထိပ်သီး ခေါင်းဆောင်များ တွေ့ဆုံညှိနှိုင်းပြီး အဖြေရှာနိုင်ရန် အခွင့်အလမ်း မပေးတော့ဘဲ NCA လက်မှတ်ရေးထိုးမည်ဟု ကြိုတင်ကတိပေးပြီးမှသာ တွေ့ဆုံခွင့်ပေးမည် ဆိုသဖြင့် နှစ်ဖက်ညှိနှိုင်း ဆွေးနွေးသည့်သဘော မဆောင်တော့ခြင်း၊ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) ၏ အဆိုပြုချက် ရှစ်ချက်အား DPN နှင့် PC အကြား တရားဝင် နိဂုံးချုပ်ရန် အခြေအနေ မပေးခြင်းနှင့် တန်းတူရေး အခြေခံဖြင့် အားလုံးလိုက်ပါနိုင်သော အခင်းအကျင်း မရှိခြင်းတို့ကြောင့် ဖေဖော်ဝါရီ ၁၃ ရက်တွင် ကျင်းပမည့် NCA လက်မှတ်ရေးထိုးပွဲ အခမ်းအနားသို့ ANC အနေဖြင့် ပါဝင်တက်ရောက်နိုင်ခြင်း မရှိကြောင်း ပြည်သူလူထုနှင့် မဟာမိတ်များအား အသိပေးကြောင်း သတင်းထုတ်ပြန်ချက်၌ ရေးသားထားသည်။

လက်ရှိတွင် ၂၁ ရာစုပင်လုံ တတိယ အစည်းအဝေးအား အကြောင်းအမျိုးမျိုးကြောင့် ရွှေ့ဆိုင်းထားပြီး ယခု NCA ရေးထိုးမည့် မွန် ပြည်သစ်ပါတီက ၎င်းတို့ ဦးဆောင်ကျင်းပရမည့် မွန်လူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲ ကျင်းပပြီးမှသာ ၂၁ ရာစု ပင်လုံ တတိယအစည်းအဝေးအား ကျင်းပရန် တောင်းဆိုထားသည်။

ထို့အတူ NCA ရေးထိုးပြီး တိုင်းရင်းသား လက်နက်ကိုင် ရှစ်ဖွဲ့ကလည်း နိုင်ငံရေး ဆွေးနွေးပွဲဆိုင်ရာ လုပ်ငန်းစဉ် အဆင့်ဆင့်ကို အကောင်အထည်ဖော် ဆောင်ရွက်ပြီးမှသာ ၂၁ ရာစုပင်လုံ တတိယ အစည်းအဝေးကို ဆက်လက်ပြုလုပ်ရန် တောင်းဆိုထားသည်။

 

UNFC ၏ NCA လက်မှတ်ရေးထိုးရေးနှင့်ပတ်သက်သည့် သဘောထားထုတ်ပြန်ချက်အပေါ် UNFC အဖွဲ့အတွင်း အငြင်းပွားမှုဖြစ်ပေါ်

UNFC ၏ ဗဟိုအလုပ်အမှုဆောင် ကော်မတီတိုးချဲ့ အစည်းအဝေးကို ၂၀၁၇ခုနှစ် နိုဝင်ဘာ ၁၄ ရက်က ထိုင်းနိုင်ငံ၊ ချင်းမိုင်မြို့တွင် ကျင်းပနေစဉ် (UNFC – Burma Facebook)

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC ) ၏ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူ စာချုပ် (NCA) လက်မှတ်ရေးထိုးရေးနှင့် ပတ်သက်သည့် သဘောထားထုတ်ပြန်ချက် အပေါ် UNFC အဖွဲ့တွင်း အငြင်းပွားမှု ဖြစ်ပေါ်လျက်ရှိကြောင်း သိရသည်။

UNFC  အဖွဲ့ဝင်လေးဖွဲ့အနက် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့သည် NCA စာချုပ်တွင် မကြာမီ ပါဝင်လက်မှတ်ရေးထိုးမည်ဖြစ်ကြောင်း ဇန်န၀ါရီ ၂၃ ရက်တွင် ပူးတွဲသတင်းထုတ်ပြန်ခဲ့သည်။

ထိုသို့ အဖွဲ့ဝင်နှစ်ဖွဲ့က NCA ရေးထိုးမည့် ကိစ္စရပ်အပေါ် သတင်းထုတ်ပြန်ပြီးနောက် UNFC အဖွဲ့ဝင်များ NCA ရေးထိုးနိုင်ရေး အစိုးရသို့ အဆိုပြုထားသည့် အချက်ရှစ်ချက်ကို တရားဝင် နိဂုံးချုပ်နိုင်ရေးအဆင့်ကို အဖွဲ့အတွင်း အကျေအလည် ဆွေးနွေးမည်ဖြစ်ကြောင်း စသည့်အချက်များအပါအ၀င် အစိုးရနှင့် UNFC တို့အကြား ၁၇ လကျော်ကြာ ဆွေးနွေးခဲ့သည့် အခြေအနေ အသေးစိတ်များကို ဇန်န၀ါရီ ၂၄ ရက် ရက်စွဲဖြင့် UNFC ဗဟိုအလုပ်အမှုဆောင်ကော်မတီက  သဘောထား ပြန်လည်ထုတ်ပြန်ခဲ့သည်။

ထိုကဲ့သို့ UNFC က သဘောထားထုတ်ပြန်ရာတွင် ဆက်သွယ်မေးမြန်းရမည့် ပုဂ္ဂိုလ်အမည်စာရင်း ဖော်ပြထားရာတွင် UNFC ဗဟိုအလုပ်အမှုဆောင်အဖွဲ့ဝင် နှစ်ဦးဖြစ်သည့် မွန်ပြည်သစ်ပါတီ ဗဟိုကော်မတီဝင် နိုင်အောင်မငေး၊ ရခိုင်ပြည်အမျိုးသားကောင်စီ (ANC) အထွေထွေအတွင်းရေးမှူး ဦးထွန်းဇော်တို့အား ဖော်ပြခဲ့သည်။

မွန်ပြည်သစ်ပါတီအနေဖြင့် မကြာမီ NCA လက်မှတ်ရေးထိုးမည်ဖြစ်ကြောင်း ကြေညာထားချိန်တွင် UNFC ၏ သဘောထားထုတ်ပြန်မှု၌ ဆက်သွယ်ရမည့် ပုဂ္ဂိုလ်စာရင်းတွင် မွန်ပြည်သစ်ပါတီ ဗဟိုကော်မတီဝင် နိုင်အောင်မငေး ပါဝင်နေသဖြင့် ပြင်ပတွင် ၀ိဝါဒကွဲပြားမှုများ ဖြစ်ပေါ်ခဲ့သည်။

ယင်းကဲ့သို့ ၀ိဝါဒကွဲပြားမှုဖြစ်ပေါ်ချိန်တွင် မွန်ပြည်သစ်ပါတီ ဗဟိုအလုပ်အမှုဆောင်ကော်မတီ နိုင်အောင်မငေးက UNFC ၏ ဗဟိုအလုပ်အမှုဆောင်ကော်မတီဝင်တစ်ဦးဖြစ်သော ဦးထွန်းဇော်ထံ UNFC ၏ သဘောထားထုတ်ပြန်ရာတွင် ဆက်သွယ်ရမည့် အမည်စာရင်းတွင် အမည်ထည့်ထားမှုများ ပြန်လည်ဖျက်ပေးရန် စာပေးပို့ထားမှုအပေါ် အသိပေးအကြောင်းကြားလာသည့် အခြေအနေများကို အစိုးရ၏ ငြိမ်းချမ်းရေးကော်မရှင် အတွင်းရေးမှူးဦးခင်ဇော်ဦးက ၎င်း၏ Facebook စာမျက်နှာတွင် ဇန်န၀ါရီ ၂၅ ရက် ညပိုင်းတွင် ရေးသားခဲ့သည်။

UNFC ဗဟိုအလုပ်အမှုဆောင်ကော်မတီဝင် နိုင်အောင်မငေးက ဦးထွန်းဇော်ထံ ပေးပို့ခဲ့သည့်စာတွင် “UNFC မှ ၂၀၁၈ ခုနှစ် ဇန်န၀ါရီ ၂၄ ရက်နေ့စွဲဖြင့် ထုတ်ပြန်ထားသော ကြေညာချက်သည် CEC အစည်းအဝေးတွင် ဆွေးနွေးဆုံးဖြတ်ရာတွင် မပါဝင်ဘဲ  ထုတ်ပြန်ထားခြင်းဖြစ်ပါသည်။ ထိုထုတ်ပြန်ကြေညာချက်ထဲတွင် ထည့်သွင်းသော အချက်အလက်အားလုံးသည်လည်း ကြိုတင်ညှိနှိုင်း သဘောတူဆုံးဖြတ်ထားခြင်းလည်း မရှိပါ။ ထိုထုတ်ပြန်ကြေညာချက်ထဲတွင် ကျွန်တော်၏နာမည်ကို ကျွန်တော့်အား မမေးမြန်းဘဲ၊ ကျွန်တော်၏ခွင့်ပြုချက်လဲမပါဘဲ ထည့်သွင်းထားခြင်းသည် လုံးဝမသင့်လျော်ပါ။ ယခုကဲ့သို့ ကျွန်တော့်နာမည်အား ခွင့်ပြုချက် မရယူဘဲ အသုံးပြုခဲ့သည့်အတွက် မိမိတို့၏ပါတီအတွင်း ရှေ့လုပ်ငန်းစဉ်များ ဆောင်ရွက်ရာတွင် ခက်ခဲမှုများနှင့် နားလည်မှုလွဲမှားခြင်းများ ဖြစ်စေသောကြောင့် ဤလုပ်ဆောင်ချက်ကို ကျွန်တော်လုံးဝသဘောမကျပါ။ ထို့ကြောင့် ကျွန်တော်၏နာမည်အား ထိုထုတ်ပြန်ကြေညာချက်ထဲတွင် ဖော်ပြထားခြင်းမှ ချက်ချင်းပယ်ဖျက်ပေးပါရန် အကြောင်းကြားသည်” ဟု ရေးသားထားသည်။

ထို့ပြင် ငြိမ်းချမ်းရေးကော်မရှင် အတွင်းရေးမှူးဦးခင်ဇော်ဦးက Facebook တွင်ရေးသားဖော်ပြချက်၌ UNFC ထုတ်ပြန်ချက်နှင့် ပတ်သက်၍ “ကာယကံရှင်၏ သဘောဆန္ဒ မပါရှိဘဲ မရယူဘဲ ဆောင်ရွက်ခြင်းမှာ မရိုးသားမှုသာ ဖြစ်ပါသည်။ သိရှိသုံးသပ်နိုင်ရန်အတွက် ထပ်ဆင့်ဖော်ပြပေးခြင်း ဖြစ်ပါသည်” ဟု ရေးသားခဲ့သည်။

UNFC ၏သဘောထားထုတ်ပြန်ခဲ့သည့် ကိစ္စနှင့်ပတ်သက်၍ ဦးထွန်းဇော်ကနိုင်အောင်မငေးထံ ပြန်လည်ပေးပို့သည့်စာ အပါအ၀င် “ငြိမ်းချမ်းရေးကော်မရှင်အတွင်း ရေးမှူးဦးခင်ဇော်ဦး၏ Facebook စာမျက်နှာ၌ ဖော်ပြထားသော UNFC ၏ အတွင်းရေး ပေးစာကို အသုံးပြု၍ မရိုးသားမှုအဖြစ် ပြစ်တင်စွပ်စွဲချက်အပေါ် ရှင်းလင်းခြင်း” ခေါင်းစဉ်ဖြင့် UNFC ၏ Facebook စာမျက်နှာတွင် ဇန်န၀ါရီ ၂၆ ရက်ညပိုင်းတွင် ထုတ်ပြန်ခဲ့သည်။

UNFC ၏ Facebook စာမျက်နှာမှတစ်ဆင့်  ငြိမ်းချမ်းရေးကော်မရှင် အတွင်းရေးမှူး ဦးခင်ဇော်ဦးအား တုံ့ပြန်ရေးသားမှုတွင်  UNFC ၏ ဇန်န၀ါရီ ၂၄ ရက် ရက်စွဲဖြင့် ထုတ်ပြန်သော NCA လက်မှတ်ရေးထိုးရေးနှင့်ပတ်သက်၍ သဘောထား ထုတ်ပြန်ချက်အပေါ် UNFC ပြောရေးဆိုခွင့်ရှိသူတစ်ဦးဖြစ်သည့် DPN  ဒု-အဖွဲ့ခေါင်းဆောင် နိုင်အောင်မငေးက လုပ်နည်းလုပ်ဟန်နှင့် ၎င်း၏ လုပ်ငန်းပိုင်းဆိုင်ရာ အခြေအနေတို့ကို သိရှိနားလည်နိုင်ရန် ဦးထွန်းဇော်သို့ အတွင်းပေးစာတစ်စောင်ကို ဇန်န၀ါရီ ၂၅ ရက် ည ၈ နာရီခန့်တွင် ပေးပို့လာခဲ့ကြောင်း၊ အစိုးရငြိမ်းချမ်းရေးကော်မရှင် (PC) အတွင်းရေးမှူး ဦးခင်ဇော်ဦးအနေဖြင့် အဆိုပါ UNFC အတွင်း ပေးပို့စာကို အသုံးပြု၍ ၎င်း၏ Facebook စာမျက်နှာတွင် နာရီပိုင်းအတွင်း ပူးတွဲဖော်ပြလျက် UNFC ၏ သဘောထားထုတ်ပြန်ချက်အပေါ် မရိုးသားသည့် လုပ်ရပ်အဖြစ် ပြစ်တင်စွပ်စွဲထားကြောင်း၊ PC အတွင်းရေးမှူးအနေဖြင့် ၎င်း၏ ပြစ်တင်စွပ်စွဲမှုကို ခိုင်မာကြောင်း သက်သေပြသည့်အခါ ဆွေးနွေးဖက်အဖွဲ့အစည်းတစ်ခု၏ အတွင်းရေးပေးပို့စာကို အသုံးပြုသွားခဲ့ကြောင်း၊ တိုင်းပြည်၏ အဓိကအခြေခံဖြစ်သော ပြည်တွင်းငြိမ်းချမ်းရေး တည်ဆောက်မှုဖြစ်စဉ်တွင် ပါဝင်လုပ်ဆောင်နေသူ PC အတွင်းရေးမှူးတစ်ဦး၏ Facebook စာမျက်နှာမှ ထိုသို့ဖော်ပြချက်ကြောင့် အများပြည်သူ အထင်အမြင်လွဲမှားမှုကို ဖြစ်စေကြောင်းဖော်ပြထားသည်။

ဦးထွန်းဇော်က နိုင်အောင်မငေးထံ ပြန်လည်ပေးပို့သည့်စာတွင် ၂၀၁၈ ခုနှစ် ဇန်န၀ါ ရီ ၆ ရက်မှ ၈ ရက်အထိ ပြုလုပ်ခဲ့သော UNFC ဗဟိုအလုပ်အမှုဆောင်ကော်မတီ (တိုးချဲ့) အစည်းအဝေး ဆုံးဖြတ်ချက်အမှတ် (၂)အရ နှစ်ဖက်ထိပ်သီးခေါင်းဆောင်များ တွေ့ဆုံနိုင် ရေးကိစ္စကို DPN အနေဖြင့် ဆက်လက်ကြိုးပမ်းရန် လုပ်ဆောင်နေစဉ်အတွင်း ဇန်န၀ါရီ ၂၃ ရက်တွင် မွန်ပြည်သစ်ပါတီနှင့်လားဟူ ဒီမိုကရက်တစ်အစည်းအရုံးတို့ နှစ်ဖွဲ့တည်းအနေဖြင့် နှစ်ဖက်ထိပ်သီးခေါင်းဆောင်များ တွေ့ဆုံပွဲကို နေပြည်တော်၌ လုပ်ဆောင်သွားခဲ့ကြပြီး NCA လက်မှတ်ရေးထိုးရန်နှင့် နှစ်ဖွဲ့၏ ပူးတွဲသတင်းထုတ်ပြန်ချက်ကို ထုတ်ပြန်ခဲ့ကြကြောင်း၊ UNFC အဖွဲ့ဝင်အဖွဲ့အစည်းများ အနေဖြင့် ဤသို့လုပ်ဆောင်မှုမှာ အထက်ပါ အစည်းအဝေး ဆုံးဖြတ်ချက်နှင့် လွဲချော်မှုရှိကြောင်း၊ အသေးစိတ်ကို UNFC တရားဝင် အစည်းအဝေးတွင် အကျေအလည်ဆွေးနွေး သုံးသပ်သွားရန်သာဖြစ်ကြောင်း ရေးသားထားသည်။

ထို့ပြင် အဓိကဖော်ပြလိုသည်မှာ ယင်းသို့ UNFC အဖွဲ့ဝင်အဖွဲ့အစည်းနှစ်ဖွဲ့က နည်းလမ်းမကျစွာဖြင့် လုပ်ဆောင်ခဲ့မှုကြောင့် UNFC နှင့် UNFC အတွင်းရှိ ကျန်အဖွဲ့ဝင် အဖွဲ့အစည်းများအနေဖြင့် အများပြည်သူ၏ မေးမြန်းမှုကို တရားဝင်တုံ့ပြန်ရန်လိုအပ်လာကြောင်း၊ ထို့ကြောင့် ယခုဖြစ်ရပ်အပေါ် တုံ့ ပြန်သင့်သည်များကို ကြားကျကျ အရှိကိုအရှိ အတိုင်းဖော်ပြ၍ UNFC ဌာနချုပ်ရှိ ဒုတိယ ဥက္ကဋ္ဌ၊ တွဲဖက်အထွေထွေအတွင်းရေးမှူး (၁)တို့နှင့် ညှိနှိုင်းတိုင်ပင် မူကြမ်းရေးသားကာ အချိန်တိုအတွင်း ဗဟိုအလုပ်အမှုဆောင် ကိုးဦးအနက် ခုနစ်ဦး၏ သဘောထားကို အချိန်မီရယူတည်းဖြတ် အတည်ပြုနိုင်ခဲ့ကြောင်း၊ ဆရာနိုင်အောင်မငေးအနေဖြင့်လည်း UNFC  ဥက္ကဋ္ဌ၊ အထွေထွေအတွင်းရေးမှူးတို့နှင့် ညှိနှိုင်းသဘောထားရယူနေမှုတို့ကို UNFC ဗဟိုအလုပ်အမှုဆောင် ကော်မတီ ဆက်သွယ်ရေး ယန္တရားအတွင်း တွေ့မြင်နေရသည်ကို အချိန်နှင့်တစ်ပြေးညီပြသနေကြောင်း နိုင်အောင်မငေးထံ ပြန်လည်ပေးပို့သည့် ဦးထွန်းဇော်၏ စာတွင်ဖော်ပြထားသည်။

UNFC ၏ဥက္ကဋ္ဌတာဝန်ကို လက်ရှိတွင် မွန်ပြည်သစ်ပါတီ ဒုတိယဥက္ကဋ္ဌ နိုင်ဟံသာက တာဝန်ယူထားပြီး ဇန်န၀ါရီ ၂၃ ရက်က နေပြည်တော်တွင် နိုင်ငံတော်၏အတိုင်ပင်ခံပုဂ္ဂိုလ်နှင့် တပ်မတော်ကာကွယ်ရေးဦးစီးချုပ်တို့အား မွန်ပြည်သစ်ပါတီက သွားရောက်တွေ့ဆုံရာတွင် နိုင်ဟံသာ ပါဝင်မှုမရှိသည်ကို တွေ့ရသည်။

ထို့အတူ UNFC ၏ပထမအကြိမ် ဗဟိုအလုပ် အမှုဆောင်ကော်မတီအစည်းအဝေး ဆုံးဖြတ်ချက်အမှတ် ၁၃ အရ UNFC ၏တတိယအကြိမ် ကောင်စီသက်တမ်းအတွင်း ပြောရေးဆိုခွင့်ရှိသူများအဖြစ် ခူဦးရယ်၊ နိုင်အောင်မငေး၊ ဦးထွန်းဇော်တို့ကို တရားဝင် တာဝန်ပေးအပ်ထားကြောင်း၊ တရားဝင်တာ ၀န်အပ်နှင်းထားချက်အရ ထုတ်ပြန်ချက်တွင် ပြောရေးဆိုခွင့်ရှိသူများ၏ အမည်နာမဖော်ပြမှုကို သီးခြားခွင့်ပြုချက်တောင်း၍ လုပ်ဆောင်ရန် မလိုအပ်ဟုနားလည်ပြီး ကြိုတင်ခွင့်ပြုချက် တောင်းခံရမည်ဟု လုပ်ထုံးလုပ်နည်းလည်းမရှိကြောင်း၊ UNFC မှ ပေးအပ်ထားသော တာဝန်နှင့်ဝတ္တရားများအရ လက်ရှိတွင်  (နိုင်အောင်မငေးအားရည်ညွှန်း) DPN ဒုတိယအဖွဲ့ခေါင်းဆောင်၊ ဗဟိုအလုပ်အမှု ဆောင်အဖွဲ့ဝင်၊ ပြောရေးဆိုခွင့်ရှိသူတစ်ဦး ဖြစ်နေသည့်အတွက်ကြောင့် UNFC ၏ ထုတ်ပြန်ချက်အပေါ်တွင် အမည်နာမဖော်ပြချက်မှာ လုပ်နည်းလုပ်ဟန်အရဖြစ်စေ၊ မူဝါဒပိုင်းဆိုင်ရာ အရဖြစ်စေ မှားယွင်းမှုတစ်စုံတစ်ရာ မရှိသည့်အတွက် ထုတ်ပြန်ပြီးသားထုတ်ပြန်ချက်မှ ပယ်ဖျက်ပေးရန် မိမိအနေဖြင့် မည်သို့မျှမဖြစ်နိုင်ကြောင်း ဦးထွန်းဇော်က ရေးသားထားသည်။

UNFC အဖွဲ့ဝင်များ NCA ရေးထိုးရေး အပါအ၀င် အနာဂတ် မည်သို့ဆက်သွားမည်ကို ဆုံးဖြတ်မည့် UNFC ၏ ဗဟိုအလုပ်အမှုဆောင်ကော်မတီ အရေးပေါ် တိုးချဲ့အစည်းအဝေး ကျင်းပလျက်ရှိ

ညီညွတ်သော တိုင်းရင်းသားလူမျိုးများဖက်ဒရယ်ကောင်စီ (UNFC) အဖွဲ့ဝင်များ တစ်နိုင်ငံလုံးပစ်ခတ် တိုက်ခိုက်မှုရပ်စဲရေးသဘောတူစာချုပ် (NCA) တွင် ပါဝင်လက်မှတ် ရေးထိုးရေးအပါအ၀င် အနာဂတ် မည်သို့ဆက်သွားမည်ကို ဆုံးဖြတ်မည့် UNFC ၏ ဗဟိုအလုပ်အမှု ဆောင်ကော်မတီ အရေးပေါ်တိုးချဲ့ အစည်းအဝေးအား ဇန်န၀ါရီ ၆ ရက်တွင် ထိုင်းနိုင်ငံ ချင်းမိုင်မြို့တွင် စတင်ကျင်းပလျက်ရှိသည်။

အဆိုပါ အစည်းအဝေးကို ဇန်န၀ါရီ ၆ ရက်မှ ၈ ရက်အထိ ကျင်းပမည်ဖြစ်ကြောင်း သိရသည်။

“ဒီအစည်းအဝေးကတော့ လက်ရှိ ကျွန်တော်တို့ UNFC နဲ့ အစိုးရကြားမှာ NCA ကိစ္စ ညှိနှိုင်းနေတဲ့အပေါ်မှာ နောက်ဆုံးဖြစ်ပေါ်နေတဲ့ အနေအထားပေါ်မှာ DPN (UNFC) ၏ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့) နဲ့ PC (အစိုးရ၏ ငြိမ်းချမ်းရေးကော်မရှင်) နဲ့ ဆွေးနွေးတဲ့ အနေအထားကို ကျွန်တော်တို့ တင်ပြမှာဖြစ်ပါတယ်။ နောက် ကျွန်တော်တို့အနေနဲ့လည်း ဒါကို တစ်စုံတစ်ရာ ဆွေးနွေးဆုံးဖြတ်ပြီးတော့မှ ဖြစ်သင့်ဖြစ်ထိုက်တဲ့ အနေအထား၊ ဆုံးဖြတ်ချက် တစ်ခုခုကိုလည်းပေးနိုင်၊ ပေးဖို့လည်း လိုအပ်တဲ့ အနေအထားမျိုးလည်းဖြစ်တယ်” ဟု UNFC ဥက္ကဋ္ဌ၊ မွန်ပြည်သစ်ပါတီ ဒုတိယဥက္ကဋ္ဌ နိုင်ဟံသာက ပြောကြားသည်။

လက်ရှိအခြေအနေသည် မကြာခင်တွင် ၂၁ ရာစုပင်လုံ တတိယ အစည်းအဝေးကိုလည်း ခေါ်ယူရန်ရှိကြောင်း၊ မိမိတို့အဖွဲ့ဝင်များကို အကျပ်ကိုင်မှုများ ရှိနေကြောင်း၊ မြောက်ပိုင်းတွင်လည်း စစ်ရေးလှုပ်ရှားမှုများနှင့် ဖိအားပေးနေခြင်းများရှိကြောင်း နိုင်ဟံသာက ပြောကြားသည်။

“ဒါက အခြေအနေ ဘက်ပေါင်းစုံကို ကျွန်တော်တို့ သုံးသပ်ပြီးတော့ အနာဂတ်မှာ ကျွန်တော်တို့ UNFC တပ်ပေါင်းစုအဖွဲ့ဝင်များ အနေနဲ့ ဘယ်လိုလုပ်သွားကြမလဲ၊ ဘယ်လိုဆက်လက်ပြီးတော့မှ ညှိနှိုင်းဖြေရှင်းမလဲ စသည်ဖြင့်ပေါ့လေ။ ကျွန်တော်တို့ကတော့ ဆွေးနွေးဆုံးဖြတ်ပေးဖို့ ဖြစ်ပါတယ်။ အားလုံးသိကြတဲ့အတိုင်းပါပဲ။ အစိုးရဘက်က ပြန်ကြည့်ရင်လည်း အခြေအနေ မကောင်းဘူး။ ပတ်ဝန်းကျင်က အများကြီးကို အကြပ်ကိုင်နေတဲ့ အနေအထား၊ တစ်ဖက်က ကျွန်တော်တို့ တိုင်းရင်းသားတွေ အပေါ်မှာလည်း အမျိုးမျိုး ဒီစစ်ရေးနည်းနဲ့ အကြပ်ကိုင်နေတယ်။ နောက် သူတို့ရဲ့ ရပ်တည်ချက်ကလည်း အမျိုးမျိုး ပြောနေတာလည်း ကျွန်တော်တို့ အားလုံး သိပြီးသားဖြစ်ပါတယ်” ဟု နိုင်ဟံသာက ပြောကြားသည်။

ထိုကဲ့သို့ အနေအထားတွင် မိမိတို့အနေဖြင့် စုစုစည်းစည်းနှင့် ခိုင်ခိုင်မာမာဖြင့် စုစည်းနိုင်မှသာ မိမိတို့ လိုလားသည့် ပန်းတိုင်ရောက်ရှိနိုင်ရန်အတွက် မည်သို့လုပ်ဆောင်သွားမည်ဆိုသည့် အရေးကြီးသည့် အဆုံးအဖြတ်တစ်ခုကို ချမှတ်နိုင်ရေး ယခုအရေးပေါ် အစည်းအဝေးကို ခေါ်ယူရခြင်းဖြစ်ကြောင်း ၎င်းကပြောကြားသည်။

UNFC သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) ရေးထိုးနိုင်ရေးအတွက် အစိုးရထံ အဆိုပြုရှစ်ချက် တင်ပြထားပြီး ညှိနှိုင်းသဘောတူညီမှုရရှိပါက NCA လက်မှတ်ထိုးမည်ဟု ထုတ်ပြန်ကြေညာထားသည်။

UNFC ၏ အဆိုပြုချက်များထဲမှ ဆွေးနွေးရန်ကျန်ရှိနေသည့် အချက်များကို ဆက်လက်ညှိနှိုင်း အဖြေရှာရန် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့နှင့် တွေ့ဆုံနိုင်ရေးအတွက် ၂၀၁၇ ခုနှစ် ဒီဇင်ဘာ ၁၀ ရက်တွင် စာဖြင့် ကမ်းလှမ်းထားသော်လည်း ယခုအချိန်ထိ ထူးခြားမှုမရှိပေ။

ထိုသို့ နိုင်ငံတော်၏အတိုင်ပင်ခံပုဂ္ဂိုလ်နှင့် တပ်မတော်ကာကွယ်ရေးဦးစီးချုပ်တို့အား တွေ့ဆုံခွင့် တောင်းခံထားချိန်၌ပင် UNFC ၏ DPN အဖွဲ့မှ ကိုယ်စားလှယ်အချို့နှင့် ငြိမ်းချမ်းရေးကော်မရှင်မှ တာဝန်ရှိသူတို့ ဒီဇင်ဘာလကုန်ပိုင်းက ပြည်တွင်း၌ အလွတ်သဘော တွေ့ဆုံခဲ့သော်လည်း နှစ်ဖက်စလုံးမှ သတင်းထုတ်ပြန်ခဲ့ခြင်းမရှိပေ။

UNFC အဖွဲ့ဝင် တိုင်းရင်းသား လက်နက်ကိုင်အဖွဲ့များ NCA လက်မှတ်ရေးထိုးနိုင်ရန် အစိုးရသို့ အဆိုပြုတင်ပြထားသည့် အချက်ရှစ်ချက်အား ဆွေးနွေးရာတွင် အပြီးသတ် ဆွေးနွေးရန် အချက်တစ်ချက်သာ ကျန်တော့ကြောင်း အဋ္ဌမအကြိမ် ဆွေးနွေးပွဲအပြီး နှစ်ဖက်တာဝန်ရှိသူများက မီဒီယာများအား ပြောကြားထားသော်လည်း မည်သည့်အချက် ကျန်ရှိသည်ကို ထုတ်ဖော်ပြောကြားထားခြင်း မရှိပေ။

အဆိုပါ ကျန်ရှိနေသည့်အချက်မှာ အဆိုပြုချက် (၂) ဖြစ်သည့် “လွတ်လပ်မှု၊ တန်းတူညီမျှမှုနှင့် တရားမျှတမှုတို့ကို အခြေခံပြီး ပင်လုံစိတ်ဓာတ်နှင့်အညီ ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ အာမခံချက် အပြည့်အ၀ရှိသော ဖက်ဒရယ်ဒီမိုကရေစီ ပြည်ထောင်စုနိုင်ငံကို တည်ဆောက်သွားရန်” အချက်တွင် စကားလုံး အသုံးအနှုန်းအပေါ် အငြင်းပွားလျက်ရှိကြောင်း သိရသည်။

မူလက အဆိုပါအချက် နံပါတ် (၂) မှာ ညှိနှိုင်းပြေလည်မှုရှိခဲ့သော်လည်း နောက်ပိုင်းတွင် အစိုးရ၊ တပ်မတော်ဘက်မှ NCA စာချုပ် အခြေခံ မူများအခန်းပါ ‘ပြည်ထောင်စုသမ္မတ မြန်မာနိုင်ငံတော်အား ပြည်ထောင်စု မပြိုကွဲရေး၊ တိုင်းရင်းသားစည်းလုံး ညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးတို့ကို ရှေးရှု၍ လွတ်လပ်မှု၊ တန်းတူညီမျှမှုနှင့် တရားမျှတမှုတို့ကို အခြေခံပြီး ပင်လုံစိတ်ဓာတ်နှင့်အညီ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ၊ အာမခံချက်များ အပြည့်အ၀ရှိသော ဒီမိုကရေစီနှင့် ဖက်ဒရယ်စနစ်တို့ကို အခြေခံသည့် ပြည်ထောင်စုကို နိုင်ငံရေးဆွေးနွေး ပွဲရလဒ်များနှင့်အညီ တည်ဆောက်သွားရန်’ ပြဋ္ဌာန်းချက်အတိုင်းသာ လက်ခံမည်ဖြစ်ကြောင်း သဘောထား ပြန်လည်တင်ပြထားသဖြင့် ညှိနှိုင်းမှုရှေ့ဆက်ရန် အခက်အခဲဖြစ်နေကြောင်း သိရသည်။

ထို့ပြင် UNFC အဖွဲ့ဝင် မွန်ပြည်သစ်ပါတီ ထိပ်ပိုင်းခေါင်းဆောင် အများစုသည် NCA ရေးထိုးရန် ဆန္ဒရှိနေကြောင်းလည်း သတင်းများ ထွက်ပေါ်နေသည်။

UNFC အဖွဲ့ဝင် တိုင်းရင်းသား လက်နက်ကိုင်အဖွဲ့များမှာ ကရင်နီအမျိုးသားတိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည်တိုးတက်ရေးပါတီ (SSPP)၊ ရခိုင်ပြည်အမျိုးသားကောင်စီ (ANC)၊ လားဟူဒီမိုကရက်တစ်အစည်းအရုံး (LDU) တို့ဖြစ်သည်။

ရှမ်းပြည်တိုးတက်ရေးပါတီ (SSPP) မှာ မြောက်ပိုင်းတိုင်းရင်းသား လက်နက်ကိုင်အဖွဲ့များ ပါဝင်ဖွဲ့စည်းထားသည့် ပြည်ထောင်စုနိုင်ငံရေးဆွေးနွေး ညှိနှိုင်းရေးကော်မတီ (FPNCC) တွင်လည်း အဖွဲ့ဝင်အဖြစ် ပါဝင်လျက်ရှိသည်။

မွန်ပြည်သစ်ပါတီနှင့် မွန်ပြည်နယ်အစိုးရအဖွဲ့၊ ငြိမ်းချမ်းရေးကော်မရှင်နှင့် နီပွန်ဖောင်ဒေးရှင်းတို့ တွေ့ဆုံပြီး NCA လက်မှတ်ရေးထိုးရေး အပါအ၀င် ငြိမ်းချမ်းရေး၊ ဒေသဖွံ့ဖြိုးရေး ဆွေးနွေး

ငြိမ်းချမ်းရေးကော်မရှင်၊ နီပွန်ဖောင်ဒေးရှင်းနှင့် မွန်ပြည်သစ်ပါတီတို့ ဒီဇင်ဘာ ၂၈ ရက်က ရေးမြို့နယ် တူးမြောင်းကျေးရွာရှိ ဦးဇင်းလေးကျောင်းတိုက်တွင် တွေ့ဆုံစဉ် (ဓာတ်ပုံ-ကိုအောင်နိုင်ဝင်း)

မွန်ပြည်သစ်ပါတီနှင့် မွန်ပြည်နယ် အစိုးရအဖွဲ့၊ ငြိမ်းချမ်းရေးကော်မရှင်နှင့် နီပွန်ဖောင်ဒေးရှင်းတို့ ဒီဇင်ဘာ ၂၈ ရက်က တွေ့ ဆုံပြီး NCA လက်မှတ်ရေးထိုးရေး အပါအ၀င် ငြိမ်းချမ်းရေး၊ ဒေသဖွံ့ဖြိုးရေးများ ဆွေးနွေးခဲ့ကြောင်း သိရသည်။

မွန်ပြည်သစ်ပါတီဥက္ကဋ္ဌ နိုင်ထောမွန် အပါအ၀င် မွန်ပြည်သစ်ပါတီ စစ်ဦးစီးချုပ် လယီကောင်း၊ မွန်ပြည်သစ်ပါတီ အတွင်းရေးမှူး နိုင်ကျော့ရဲ့၊ ထားဝယ်ခရိုင်ဥက္ကဋ္ဌ နိုင်ဥာဏ်ထွန်း၊ ထားဝယ်ခရိုင်အတွင်းရေးမှူး နိုင်ဥာဏ်ထွန်းတို့ ဒီဇင်ဘာ ၂၈ ရက် နံနက်ပိုင်းတွင် မွန်ပြည်နယ်ဝန်ကြီးချုပ် ဒေါက်တာအေးဇံ ဦးဆောင်သော ပြည်နယ်အစိုးရအဖွဲ့ဝင်များနှင့် ရေးမြို့နယ် ၀ယ်ဇင်ကျေးရွာရှိ မွန်ပြည်သစ်ပါတီ ထားဝယ်ခရိုင်ဌာနချုပ် ၀ယ်ဇင်စခန်းတွင်လည်းကောင်း၊ ဒီဇင်ဘာ ၂၈ ရက် မွန်းလွဲပိုင်းတွင် ရေးမြို့နယ် တူးမြောင်းကျေးရွာရှိ ကျိုက်ဒေတမော့ဗရတ် သာသနာပြုဌာန (ဦးဇင်းလေးကျောင်းတိုက်)တွင် ငြိမ်းချမ်းရေးကော်မရှင်မှ ဦးခင်ဇော်ဦး၊ နီပွန်ဖောင်ဒေးရှင်းဥက္ကဋ္ဌ ဦးဆောင်သော အဖွဲ့ဝင်များနှင့်လည်းကောင်း တွေ့ဆုံခဲ့ပြီး NCA လက်မှတ်ရေးထိုးရေး အပါအ၀င် ငြိမ်း ချမ်းရေး၊ ဒေသဖွံ့ဖြိုးရေးများ ဆွေးနွေးခဲ့သည်ဟု သိရသည်။

ဒီဇင်ဘာ ၂၆ ရက်နှင့် ၂၇ ရက်တို့က မွန်ပြည်နယ် ရေးမြို့နယ် ရေးချောင်းဖျား ဒေသရှိ မွန်ပြည်သစ်ပါတီ ဗဟိုဌာနချုပ်တွင် မွန်ပြည်သစ်ပါတီအနေဖြင့် NCA စာချုပ် လက်မှတ်ရေးထိုးရေး ကိစ္စနှင့်ပတ်သက်၍ ဗဟိုကော်မတီ အရေးပေါ်အစည်းအဝေးကို ပြုလုပ်ခဲ့ပြီး NCA စာချုပ် လက်မှတ်ရေးထိုးခြင်း၊ မထိုးခြင်းအား မွန်ပြည်သစ်ပါတီ ဗဟိုကော်မတီ၏ဆုံးဖြတ်ချက်ကို တရားဝင်ထုတ်ဖော်ပြောကြားခြင်း မရှိသေးသော်လည်း UNFC မူဖြင့်မသွားဘဲ မွန်ပြည်သစ်ပါတီ၏ မူနှင့်သွားမည်ဟုဆုံးဖြတ်ခဲ့ကြောင်းကို ကြားသိရကြောင်း၊ ယင်းဆုံးဖြတ်ချက်ကို UNFC ကလည်း လက်ခံသည့်အတွက် မကြာခင် လက်မှတ်ရေးထိုးမည့်အချိန် ရောက်ရှိလာမည်ဖြစ်ကြောင်းနှင့် တိကျသည့် အဖြေပေးရန် လိုအပ်ချက်လေးများရှိနေသေးကြောင်း ကျိုက်ဒေတမော့ဗရတ် သာသနာပြုဌာန ဦးဆောင်ဆရာတော် ဘဒ္ဒန္တပုပ္ဖရမ္မက မိန့်ကြားတော်မူလိုက်ကြောင်း ရေးမြို့နယ် လူမှုအကျိုး ဆောင်အဖွဲ့ အတွင်းရေးမှူး ဦးအောင်နိုင်ဝင်းက The Daily Eleven သတင်းစာကို ပြောကြားသည်။

“မွန်ပြည်သစ်ပါတီအနေနဲ့ NCA စာချုပ်မှာ လက်မှတ်ထိုးပြီးတော့ ငြိမ်းချမ်းရေး လမ်းကြောင်းမှာ ပါဝင်လာဖို့က သေချာသလောက်ရှိပြီလို့ထင်တယ်။ ဒါပေမဲ့ မွန်ပြည်သစ်ပါတီအနေနဲ့ UNFC အဖွဲ့ငါးဖွဲ့ လမ်းကြောင်းကနေမှ ပါတီရဲ့သဘောအတိုင်းပဲ လက်မှတ်ထိုးဖို့ ဆုံးဖြတ်နိုင်တာနဲ့ပတ်သက်လို့ ကြိုဆိုရမှာဖြစ်ပါတယ်။ မွန်ပြည်နယ်မှာရှိတဲ့ ပြည်သူအားလုံးရဲ့ဆန္ဒလည်း အဲဒီအတိုင်းဖြစ်လို့ ကြိုဆိုရမှာဖြစ်ပါတယ်။ မွန်ပြည်သစ်အနေနဲ့ NCA စာချုပ်မှာလက်မှတ်ထိုးမယ့်ရက်က ကျွန်တော့်အမြင် ပြည်ထောင်စုနေ့ မတိုင်ခင်ဖြစ်လာလိမ့်မယ်လို့ မျှော်လင့်တယ်”ဟု ဦးအောင်နိုင်ဝင်းက ဆက်လက်ပြောကြား သည်။

မွန်ပြည်နယ်ဝန်ကြီးချုပ် ဒေါက်တာအေးဇံနှင့် မွန်ပြည်သစ်ပါတီမှ ဒုတိယဥက္ကဋ္ဌ  နိုင်ဟံသာဦးဆောင်သည့်အဖွဲ့တို့ နိုဝင်ဘာ ၂၈ ရက် မွန်းတည့် ၁၂ နာရီက မွန်ပြည်နယ် ရေးမြို့ နယ် တူးမြောင်းကျေးရွာရှိ ကျိုက်ဒေတ မော့ဗရတ် သာသနာပြုဌာနတွင် ပဉ္စမအကြိမ်မြောက် တွေ့ဆုံဆွေးနွေးခဲ့ကြကြောင်းနှင့် ဆွေးနွေးခဲ့သည့်အကြောင်းအရာနှင့် ပတ်သက်ပြီး နှစ်ဖက်စလုံးက ထုတ်ဖော်ပြောကြားခဲ့ခြင်း မရှိပေ။

မွန်ပြည်သစ်ပါတီသည် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ  (UNFC) တွင် အဖွဲ့ဝင်အဖြစ် ပါဝင်လျက်ရှိပြီး UNFC ဥက္ကဋ္ဌမှာလည်း မွန်ပြည်သစ်ပါတီ ဒုတိယဥက္ကဋ္ဌ နိုင်ဟံသာပင်ဖြစ်ကာ UNFC အဖွဲ့ဝင်များ NCA တွင် ပါဝင်လက်မှတ်ရေးထိုးနိုင်ရေး အစိုးရနှင့် တွေ့ဆုံဆွေးနွေးမှုများ ပြုလုပ်လျက်ရှိသည်။