မြန်မာနိုင်ငံတွင် ဘင်္ဂါလီမွတ်စလင်များနှင့် ပတ်သက်၍ အမုန်းတရားများ ဖြန့်ချိမှုအတွက် ကုလသမဂ္ဂက Facebook ကို ပြစ်တင်ဝေဖန်

ကုလသမဂ္ဂမှ စုံစမ်းစစ်ဆေးသူများက မြန်မာနိုင်ငံတွင် ဖြစ်နိုင်ဖွယ်ရှိသော လူမျိုးတုံးသတ်ဖြတ်မှု၌ အမုန်းတရားများ ပျံ့နှံ့စေခြင်းဖြင့် Facebook သည် အဓိကကျသော အခန်းကဏ္ဍမှ ပါဝင်သည်ဟု မတ် ၁၂ ရက်တွင် ပြစ်တင်ဝေဖန်ခဲ့ကြောင်း သိရသည်။

ယခုမှတ်ချက်စကားအတွက် Facebook က လတ်တလောတုံ့ပြန်မှု မရှိသေးသော်လည်း Facebook သည် ယခင်က မြန်မာနိုင်ငံ၌ အမုန်းတရားများ ဖြန့်ချိမှုကို ဖယ်ရှားရန် ဆောင်ရွက်ခဲ့ပြီး ယင်းကဲ့သို့ ဖြန့်ချိသူများကို ပိတ်ပင်ခဲ့ကြောင်း ပြောကြားခဲ့ဖူးသည်။

လွန်ခဲ့သည့် သြဂုတ်လက လုံခြုံရေးဆိုင်ရာ နှိမ်နင်းမှုတစ်ရပ် ဖြစ်စေခဲ့သည့် အကြမ်းဖက် တိုက်ခိုက်မှုများ ဖြစ်ပေါ်ပြီးနောက်ပိုင်း ဘင်္ဂါလီမွတ်စလင် (မူရင်း၌ ရိုဟင်ဂျာဟုဖော်ပြ) ၆၅၀,၀၀၀ ကျော်သည် မြန်မာနိုင်ငံ ရခိုင်ပြည်နယ်မှ ဘင်္ဂလားဒေ့ရ်ှနိုင်ငံသို့ ထွက်ပြေးသွားခဲ့ကြသည်။ ၎င်းတို့ထဲမှ လူများစွာတို့က မြန်မာလုံခြုံရေး တပ်ဖွဲ့ဝင်များသည် လူသတ်မှုများနှင့် မုဒိမ်းမှုများကို ကျူးလွန်ခဲ့ကြကြောင်း သက်သေခံ ထွက်ဆိုခဲ့ကြသည်။

လွန်ခဲ့သည့် သီတင်းပတ်အတွင်း ကုလသမဂ္ဂ လူ့အခွင့်အရေးဆိုင်ရာ အကြီးအကဲက လူမျိုးတုံးသတ်ဖြတ်မှု လုပ်ရပ်များ ဖြစ်ပွားခဲ့သည်ဟု ၎င်းအနေဖြင့် အကြီးအကျယ် သင်္ကာမကင်း ဖြစ်မိသည်ဟု ပြောကြားခဲ့သည်။ သို့သော် မြန်မာနိုင်ငံ၏ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်က ထင်ရှားသည့်သက်သေ အထောက်အထားပြရန် တောင်းဆိုခဲ့သည်။

မြန်မာနိုင်ငံဆိုင်ရာ ကုလသမဂ္ဂ၏ လွတ်လပ်သော နိုင်ငံတကာ အချက်အလက် ရှာဖွေရေးမစ်ရှစ်အဖွဲ့ဥက္ကဋ္ဌ မာဇူကီဒါရုစမန်က လူမှုမီဒီယာသည် မြန်မာနိုင်ငံတွင် အဆုံးအဖြတ်ပေးနိုင်သော အခန်းကဏ္ဍတစ်ရပ်၌ ရှိကြောင်း သတင်းထောက်များအား ပြောကြားခဲ့သည်။

“လူထုအတွင်းမှာ ခင်ဗျား ဆန္ဒရှိရင် အမျက်ဒေါသ၊ ပြင်းပြင်းထန်ထန် သဘောကွဲလွဲမှုနဲ့ ပဋိပက္ခတွေ အဆင့်ရောက်အောင် Facebook က ထိထိရောက်ရောက် ဖြန့်ချိပေးပါတယ်။ အမုန်းစကားတွေဟာ အဲ့ဒါတွေရဲ့ အစိတ်အပိုင်းတစ်ရပ် တကယ်ကို ဖြစ်နေပါတယ်။ မြန်မာနိုင်ငံရဲ့ အနေအထားနဲ့ ပတ်သက်လို့ကတော့ လူမှုမီဒီယာဆိုတာ Facebook၊ Facebook ဆိုတာ လူမှုမီဒီယာပါပဲ” ဟု ၎င်းက ပြောကြားခဲ့သည်။

မြန်မာနိုင်ငံဆိုင်ရာ ကုလသမဂ္ဂ၏ စုံစမ်းစစ်ဆေးရေးမှူး ယန်ဟီးလီက Facebook သည် အများပြည်သူဆိုင်ရာ၊ အရပ်ဘက်ဆိုင်ရာနှင့် ပုဂ္ဂလိကဆိုင်ရာ ဘ၀များအတွက် ကြီးမားသော အစိတ်အပိုင်း တစ်ရပ်ဖြစ်ပြီး အစိုးရသည်ပင်လျှင် ပြည်သူလူထုထံသို့ အချက်အလက်များ ဖြန့်ဝေရန် Facebook ကို အသုံးပြုကြောင်း ပြောကြားခဲ့သည်။

“မြန်မာနိုင်ငံမှာ အရာရာကို Facebook ကနေတစ်ဆင့် လုပ်နေတာပါ” ဟု ယန်ဟီးလီက ပြောကြားခဲ့သည်။ သူက Facebook သည်  ဆင်းရဲသည့်နိုင်ငံကို ကူညီခဲ့သော်လည်း အမုန်းတရားများ ဖြန့်ချိရန် အတွက်လည်း အသုံးပြုခံရသည်ဟု ဆိုသည်။

“အများပြည်သူနဲ့ဆိုင်တဲ့ မက်ဆေ့ခ်ျတွေကို ဆောင်ကြဉ်းပေးဖို့ Facebook ကို သုံးပါတယ်။ ဒါပေမဲ့ အမျိုးသားရေး အစွန်းရောက်တွေမှာ ကိုယ်ပိုင် Facebook အကောင့်တွေရှိပြီး ရိုဟင်ဂျာ ဒါမှမဟုတ် တိုင်းရင်းသား လူနည်းစုတွေအပေါ် အကြမ်းဖက်မှုတွေ အများကြီးနဲ့ အမုန်းတရားတွေ အများကြီးဖြစ်အောင် အမှန်တကယ် သွေးထိုးပေးနေပါတယ်” ဟုလည်း ယန်ဟီးလီက ပြောကြားခဲ့သည်။

“မူလက ရည်ရွယ်ထားသလို မဟုတ်ဘဲ Facebook ဟာ အခုမကောင်းဆိုးရွားကောင်ကြီးအဖြစ် ပြောင်းလဲသွားတာကို ကျွန်မ စိုးရိမ်မိပါတယ်” ဟု ၎င်းက ပြောကြားခဲ့သည်။

သဘောထား တင်းမာသည့် မြန်မာအမျိုးသားရေးဝါဒီ ဘုန်းတော်ကြီးများထဲမှ အထင်ရှားဆုံးဖြစ်သူ ဦးဝီရသူက သူ၏ မွတ်စလင်ဆန့်ကျင်ရေး စကားများသည် ရခိုင်ပြည်နယ်တွင် ဖြစ်ပွားသော အကြမ်းဖက်မှုများနှင့် သက်ဆိုင်မှု မရှိကြောင်း ပြောကြားခဲ့သည်။

လွန်ခဲ့သည့်လက ဦးဝီရသူ၏ အကောင့်နှင့် ပတ်သက်၍ မေးမြန်းမှုအား ဖြေကြားရာတွင် အမုန်းတရားကို လှုံ့ဆော်သည့် ပို့စ်တစ်ခုအား အဆက်မပြတ် Share လျှင် မည်သူ့ကိုမဆို ရပ်ဆိုင်းပစ်ပြီး တစ်ခါတစ်ရံတွင် အကောင့်ကို ဖယ်ရှားပစ်သည်ဟု Facebook က ပြောကြားခဲ့သည်။

Ref : The Guardian

အကြမ်းဖက် ဘင်္ဂါလီများအား ထောက်ခံအားပေးသည့် UN/OIC အပါအ၀င် ပြည်ပနိုင်ငံများက မြန်မာအစိုးရနှင့် မြန်မာ့တပ်မတော်အပေါ် ပြစ်တင်ရှုတ်ချမှုများကို ပြင်းထန်စွာ ကန့်ကွက်ကြောင်း မောင်တောမြို့နယ်လုံးဆိုင်ရာ လူထုအစည်းအဝေးက သဘောထားထုတ်ပြန်

ဘူးသီးတောင်မြို့နယ် တောင်ဘဇာ ကျေးရွာသားများ လုံခြုံရေး အစောင့်အရှောက်ဖြင့် နေရပ်စွန့်ခွာ လာကြသည်ကို စက်တင်ဘာ လလယ်ခန့်က တွေ့ရစဉ်

အကြမ်းဖက်ဘင်္ဂါလီများကို ထောက်ခံအားပေးသည့် UN/OIC အပါအ၀င် ပြည်ပနိုင်ငံများက မြန်မာအစိုးရနှင့် မြန်မာ့တပ်မတော်အပေါ် ပြစ်တင်ရှုတ်ချနေမှုများကို ပြင်းထန်စွာ ကန့်ကွက်ကြောင်း အပါအ၀င် အချက် (၉) ချက်အား မောင်တော မြို့နယ်လုံးဆိုင်ရာ လူထုအစည်းအဝေးက သဘောထား ထုတ်ပြန်ခဲ့ကြောင်း သိရသည်။

အဆိုပါ သဘောထား ထုတ်ပြန်ချက်ကို ဒီဇင်ဘာ ၆ ရက် မွန်းလွဲ ၁ နာရီက မောင်တောမြို့ သာသနာ့ဗိမာန်၌ ပြုလုပ်သော မောင်တောတစ်မြို့နယ်လုံးမှ ကိုယ်စားလှယ် ၆၀ တက်ရောက်ခဲ့သည့် လူထုအစည်းအဝေးမှ အတည်ပြု ဆုံးဖြတ်လိုက်သည့် မြို့နယ်လုံးဆိုင်ရာ သဘောထားထုတ်ပြန်ချက် ဖြစ်ကြောင်း သိရသည်။

မောင်တောမြို့နယ်လုံးဆိုင်ရာ သဘောထားထုတ်ပြန်ချက်တွင် ၁။ အကြမ်းဖက်ဘင်္ဂါလီများကို ထောက်ခံအားပေးသည့် UN/OIC အပါအ၀င် ပြည်ပနိုင်ငံများမှ မြန်မာနိုင်ငံအစိုးရနှင့် မြန်မာ့တပ်မတော်အပေါ် ပြစ်တင်ရှုတ်ချ နေမှုများကို ပြင်းထန်စွာ ကန့်ကွက်ကြောင်း၊ ၂။ အကြမ်းဖက်တိုက်ခိုက်ပြီး တစ်ဖက်နိုင်ငံသို့ ထွက်ပြေးသွားသည့် ဘင်္ဂါလီများအား အဆောတလျင် လက်ခံခြင်းမပြုဘဲ စနစ်တကျစိစစ်ပြီးမှ လက်ခံရန်၊ ၃။ ဘင်္ဂါလီများ ပြန်လည်ဝင်ရောက်လာပါက တစ်ကျော့ပြန် အကြမ်းဖက်မှုများ ပြန်လည် ဖြစ်ပေါ်လာနိုင်သည့် အတွက် တိုင်းရင်းသားကျေးရွာ အနီးဝန်းကျင်သော်လည်းကောင်း၊ သူတို့၏ မူလနေရာများတွင်လည်းကောင်း ပြန်လည်နေရာချထားခြင်း မပြုရန် (မူလနေရာများတွင် ပြန်လည်ချထားပေးပါက မောင်တောမြို့နယ် တစ်ခုလုံးရှိ တိုင်းရင်းသားများအားလုံး နေရပ်စွန့်ခွာသွားမည် ဖြစ်ကြောင်း)၊ ၄။ UN/INGOs များသည် အကြမ်းဖက် ဖြစ်စဉ်များတွင် ပါဝင်ပတ်သက်မှု ရှိနေသည့်အတွက် ၎င်းအဖွဲ့အစည်းများကို  မောင်တောမြို့နယ် အတွင်းသို့ ပြန်လည်ဝင်ရောက်ခွင့် မပြုရန်၊ ၅။ တိုင်းရင်းသားကျေးရွာများ မိမိကိုယ်မိမိ ခုခံကာကွယ်ပိုင်ခွင့် ရရှိရေးအတွက် ကျေးရွာများတွင် ကာကွယ်ရေးအဖွဲ့များ ဖွဲ့စည်းပေးရန်နှင့် တိုင်းရင်းသား အခွင့်အရေး ကာကွယ်သည့် ဥပဒေကို နိုင်ငံတော်မှ အမြန်ဆုံးပြဋ္ဌာန်းပေးရန်၊ ၆။ အကြမ်းဖက် ထွက်ပြေးသွားသည့် ဘင်္ဂါလီများမှာ ယခုအခါ မိမိတို့ မောင်တောမြို့နယ် အတွင်းသို့ ခိုးဝင်နေထိုင်မှုများ ရှိနေရာ သက်ဆိုင်ရာမှ တင်းကျပ်စွာ တားဆီးပေးရန်၊ ၇။ လုံခြုံရေးနှင့် တရားဥပဒေစိုးမိုးရေးအတွက် မြို့နယ်အတွင်းရှိ ကျန်ရှိနေသော ဘင်္ဂါလီကျေးရွာများကို တစ်စုတစ်စည်းတည်း ချထားပေးရန်၊ ၈။ တိုင်းရင်းသားကျေးရွာများ ရေရှည်တည်တံ့ ရပ်တည်နေထိုင်နိုင်ရေး အတွက် အလုပ်အကိုင် အခွင့်အလမ်းများနှင့် လယ်ယာမြေများအား စနစ်တကျ ခွဲဝေချထားပေးရန်နှင့် ၉။ မောင်တောမြို့နယ်အတွင်း လူဦးရေ မွေးဖွားနှုန်း အဆမတန် များပြားလျက်ရှိရာ လူဦးရေ ထိန်းချုပ်နိုင်ရေးအတွက် တစ်လင်တစ်မယားစနစ်၊ တစ်အိမ်ထောင် ကလေးနှစ်ဦးမွေးဥပဒေအား နိုင်ငံတော်မှ အမြန်ဆုံး အကောင်အထည်ဖော် ဆောင်ရွက်ပေးရန်တို့ကို တောင်းဆိုခဲ့ကြသည်။

ထို့ပြင် အဆိုပါ အစည်းအဝေးမှ မောင်တောမြို့နယ်လုံးဆိုင်ရာ ပြောရေးဆိုခွင့်ရှိသည့် ကော်မတီကို ကော်မတီဝင် ၃၄ ဦးဖြင့် ဖွဲ့စည်းခဲ့ကြောင်း သိရသည်။

အဆိုပါ သဘောထား ထုတ်ပြန်ချက် ထုတ်ပြန်ရခြင်းနှင့် ပတ်သက်၍ ရခိုင်လူမှုကွန်ရက် (မောင်တော) မှ ဦးစိန်လှဖြူက “ဒီသဘောထား ထုတ်ပြန်ချက်ကိုလည်း မောင်တောဒေသခံ ၁၀၀၀ ကျော်ရဲ့ လက်မှတ်တွေနဲ့ ပူးတွဲပြီးတော့ ပြည်နယ်အစိုးရ၊ ပြည်နယ်လွှတ်တော်၊ နိုင်ငံတော်သမ္မတနဲ့ နိုင်ငံတော် အတိုင်ပင်ခံအထိ ပေးပို့သွားမှာ ဖြစ်ပါတယ်” ဟု ပြောကြားသည်။

နိုဝင်ဘာ ၁၀ ရက်က မောင်တောမြို့ မြို့မကျောင်းတိုက်တွင် မောင်တောမြို့ လူထုအစည်းအဝေး တစ်ခုကို ပြုလုပ်ခဲ့ပြီး အဆိုပါ အစည်းအဝေးမှ မြို့ပေါ်လူထု သဘောထား ထုတ်ပြန်ချက်ကို ထုတ်ပြန်ခဲ့သည်။ အလားတူ နိုဝင်ဘာ ၅ ရက်ကလည်း မောင်တောမြို့နယ်တောင်ပိုင်း သရေကုန်ဘောင် ဘုန်းတော်ကြီးကျောင်း၌ မောင်တောမြို့နယ်တောင်ပိုင်း ရခိုင်ကျေးရွာများ ကိုယ်စားပြု အစည်းအဝေးတစ်ရပ် ပြုလုပ်ခဲ့ပြီး အချက်ခြောက်ချက်ပါ သဘောထားကို ထုတ်ပြန်ခဲ့သည်။

ယင်းမတိုင်မီ အောက်တိုဘာ ၃၀ ရက် နေ့လယ်ပိုင်းက မောင်တောမြို့နယ် မြောက်ပိုင်းရှိ ဒေသခံ ရခိုင်နှင့် ရခိုင်တိုင်းရင်းသား ကျေးရွာ ၄၈ ရွာမှ ဒေသခံများ၏ ရန်အောင်ပြင်ကျေးရွာ ဘုန်းတော်ကြီးကျောင်း၌ ပြုလုပ်သည့် အစည်းအဝေးမှ အချက်လေးချက်ပါ သဘောထား ထုတ်ပြန်ချက်တစ်ခု ထုတ်ပြန်ခဲ့သည်။