စက်သုံးဆီဈေး မြင့်တက်လာခြင်းနှင့် ခရီးသည် ရှားပါးလာမှုကြောင့် အငှားယာဉ်မောင်းများ ယာဉ်ပိုင်ရှင်ထံ ပြန်အပ်မှု များလာ

ရန်ကုန်မြို့တွင်း ပြေးဆွဲနေသည့် အငှားယာဉ်အချို့ (ဓာတ်ပုံ-မျိုးထက်ပိုင်)

စက်သုံးဆီဈေး မြင့်တက်လာခြင်းနှင့် ခရီးသည်များ ရှားပါးလာသဖြင့် ရန်ကုန်မြို့ရှိ အငှားယာဉ်မောင်းအချို့ ယာဉ်ပိုင်ရှင်ထံ ပြန်အပ်မှု များလာကြောင်း သိရသည်။

“ အစ်ကိုတို့အဖွဲ့ထဲကပဲ လုပ်သက် နှစ် ၂၀ လောက်ရှိတဲ့ အစ်ကိုတစ်ယာက်ဆိုရင် ဒီနေ့မနက်ကပဲ ကားပြန်အပ်လိုက်ပြီ။ သူရတဲ့ ပိုက်ဆံနဲ့ ဆီပြန်ထည့်တာနဲ့ပဲ ကုန်နေတော့ အိမ်ကိုလည်း ပိုက်ဆံ ပြန်မပေးနိုင်၊ အုံနာကြေး စိုက်ရင်း စိုက်ရင်းနဲ့ အခုမစိုက်နိုင်တော့လို့ ကားနားလိုက်တာ။ ဆီဈေးက တရိပ်ရိပ် တက်လာတော့ ခရီးသည်ဘက်ကို ဈေးပိုတောင်းဖို့ ကျတော့ အခက်အခဲ ရှိလာရော။ ဘယ်လိုအခက်အခဲ ရှိလာလဲဆိုတော့ ခရီးသည်တွေကို ဈေးတိုးတောင်းလို့ မရတဲ့အကြောင်းက ဆီဈေးက တက်တယ်လေ။ ဒါပေမယ့် လခစား ရုံးဝန်ထမ်းတွေရဲ့ လစာတွေမှ မတက်တာ။ အဲဒီအခါကြတော့ ငှားရင်လည်း သူတို့ပြောတဲ့ဈေးနဲ့ ရရင်ငှားမယ်။ သူတို့ ပြောတဲ့ဈေးနဲ့ မရရင် မငှားဘူးဆိုတဲ့သဘော ဆိုတော့ အစ်ကိုတို့အနေနဲ့ တိုးတောင်းဖို့ အဆင်မပြေဘူး ဖြစ်တာပေါ့။ ဆီဈေးတက်ရင် တချို့ စားသောက်ကုန်တွေက တက်တယ်လေ။ စားသောက်ကုန်ကကျတော့ မဖြစ်မနေ၀ယ်ရတယ်။ စားသောက်ကုန်ဘက်က ပိုကုန်တော့ Taxi ငှားစီးတဲ့ဘက်မှာ လျော့ရော။ အဲဒီတော့ အစ်ကိုတို့ Taxi သမားတွေဘက် ဆီဈေးတက်တဲ့အပြင် ငှားစီးတဲ့ ခရီးသည်ပါ လျော့တော့ အစ်ကိုတို့ဘက်က အခက်အခဲတွေ ဖြစ်တာပေါ့” ဟု ရန်ကုန် အငှားယာဉ်မောင်းများသမဂ္ဂမှ ကိုမျိုးအောင်က ပြောကြားသည်။

စက်သုံးဆီ ဈေးနှုန်းများ မြင့်တက်လာသော်လည်း အငှားယာဉ်ငှားခမှာ မြင့်တက်နိုင်ခြင်း မရှိကြောင်း၊ ထို့ပြင် အငှားယာဉ် စီးနင်းသူများ၏ ၀င်ငွေမှာလည်း မြင့်တက်လာခြင်း မရှိသဖြင့် အငှားယာဉ် စီးနင်းသူ နည်းပါးလာခြင်း ဖြစ်ကြောင်း အငှားယာဉ်မောင်းများ က ဆိုသည်။

အငှားယာဉ်မောင်းများမှာ စက်သုံးဆီဈေး မတက်မီ အုံနာကြေးနှင့် ဆီဖိုးပေးချေပြီး တစ်ရက်လျှင် ကျပ်တစ်သောင်းကျော် ကျန်ရှိခဲ့သော်လည်း စက်သုံးဆီ ဈေးနှုန်းများ မြင့်တက်လာပြီး နောက်ပိုင်းတွင် အုံနာကြေး နှင့် ဆီဖိုးပေးချေပြီး တစ်ရက်လျှင် ကျပ် ၆၀၀၀ ကျော်မျှသာ ကျန်ရှိတော့ကြောင်း ရန်ကုန်အငှားယာဉ်မောင်းများသမဂ္ဂမှ ကိုဂျစ်က ပြောကြားသည်။

အငှားယာဉ်မောင်းလုပ်သက် ၂၂ နှစ်ရှိ ကိုစည်သူအောင်က “ အခုဟာက ဘယ်လိုဖြစ်နေလဲ ဆိုတော့ ဆီဈေးတက်လို့ ဈေးတက်ချင်ပေမယ့်လည်း CNG ကားတွေ ရှိတော့ ဈေးက ပိုတောင်းလို့ မရဘူး။ ပိုတောင်းရင်လည်း ဘယ်သူမှ လိုက်ကြမှာ မဟုတ်ဘူး။ အခုဟာက ပြည်သူတွေကလည်း စီးပွားရေး ကျပ်တည်းနေကြတော့ TAXI ငှားစီးတဲ့သူတွေ အရင်လောက် သိပ်မရှိကြတော့ဘူး။ အဲဒီမှာ ဘာဖြစ်လဲဆိုတော့ ဆီဈေးတက်တာက တစ်ဖက် ငှားစီးတဲ့သူတွေ နည်းလာတာက တစ်ဖက်။ အဲဒီမှာတင် ကျွန်တော်တို့ TAXI သမားတွေတချို့ဆို ကားပြန်အပ်ပြီး တခြားအလုပ် ပြောင်းလုပ်နေကြတာတွေ ရှိလာပြီ” ဟု ပြောကြားသည်။

စက်သုံးဆီ ဈေးနှုန်းသည် သုံးလကျော်အတွင်း ၁၂ ရာခိုင်နှုန်းကျော် မြင့်တက်ခဲ့ပြီး ဈေးကွက်အတွင်း၌ ဒီဇယ်တစ်လီတာ ကျပ် ၁၀၁၀၊ ပရီမီယံဒီဇယ် တစ်လီတာ ကျပ် ၁၀၂၀၊ အောက်တိန်း 92 Rom တစ်လီတာ ကျပ် ၉၉၀၊ အောက်တိန်း 95 Rom တစ်လီတာ ကျပ် ၁၀၃၀ ရှိကြောင်း စက်သုံးဆီ အရောင်းဆိုင်များမှ သိရသည်။

ရန်ကုန်တိုင်းဒေသကြီးအတွင်း အငှားယာဉ် တက္ကစီများဖြစ်သည့် အပူးနံပါတ် AA, BB အစရှိသည့် ယာဉ်အစီးရေ လေးသောင်းနီးပါး၊ နံပါတ်အနက်မှ အနီပြောင်းထားသည့် ယာဉ်အစီးရေ သုံးသောင်းခန့်နှင့် အခြားပြည်နယ်၊ တိုင်းဒေသကြီးများမှ နယ်လိုင်စင်ဖြင့် ၀င်ရောက် ပြေးဆွဲနေသည့် ယာဉ်အစီးရေ နှစ်သောင်းခန့်အထိ ရှိကြောင်း သိရသည်။ လွင်မျိုးသူ

မော်ကွန်းသစ်နဲ့ သမိုင်းကြောင်း

တိုင်းပြည်တိုင်းမှာ ကောင်းသည်ဖြစ်စေ၊ ဆိုးသည်ဖြစ်စေ သမိုင်းကြောင်းတွေ ရှိကြစမြဲပါ။ တချို့ သမိုင်းတွေထဲမှာ မေ့ပျောက်မရနိုင်တဲ့ သမိုင်းဝင် ဖြစ်ရပ်တွေလည်း ကျန်နေခဲ့ကြပါတယ်။ ရက်စက်တဲ့အာဏာရှင်တွေ၊ ကိုယ်ကျိုးရှာတဲ့ အာဏာရှင်တွေနဲ့ ကြုံရတဲ့အခါ မတရား ဖိနှိပ်ခံနေရတဲ့ ပြည်သူလူထုရဲ့ ဆန့်ကျင်အုံကြွမှုတွေ ပေါ်ပေါက်လာခဲ့ပါတယ်။ တစ်ယောက်စ တစ်ရာဆိုသလို လူထုအင်အား ကြီးမားလာတဲ့အချိန်မှာ နိုင်ငံရဲ့ ဆိုးရွားနေတဲ့ စနစ်တွေကို ပြင်ဆင်ပေးဖို့ တောင်းဆိုလာကြပါတယ်။ စနစ်သစ်တစ်ခု မွေးဖွားဖို့အတွက် တောင်းဆိုကြရင်း အာဏာရှင်နဲ့ ထိပ်တိုက်တွေ့ချိန်မှာ အသက်တွေ၊ သွေးတွေနဲ့ ပေးဆပ်ကြရတာတွေလည်း ရှိခဲ့ကြပါတယ်။

မကြာသေးခင်က ရွှေဝါရောင်ပွဲ အထိမ်းအမှတ်လုပ်တဲ့ ဘုန်းကြီးကျောင်း ရောက်တော့ ၈၈၈၈ အရေးတော်ပုံအတွင်း သေဆုံးခဲ့သူ အကသ ကျောင်းသူလေး မ၀င်းမော်ဦးရဲ့ မိဘတွေနဲ့ တွေ့ဆုံခဲ့ရပါတယ်။ ၈၈၈၈ အရေးတော်ပုံမှာ မ၀င်းမော်ဦးဟာ ရှစ်တန်းကျောင်းသူ ဘ၀နဲ့ ပါဝင်ခဲ့ပါတယ်။ မြန်မာနိုင်ငံမှာ မြန်မာဆိုရှယ်လစ်လမ်းစဉ် ပါတီစနစ်နဲ့ ၁၉၆၂ ကနေ ၁၉၈၈ အထိ ၂၆ နှစ် ကြာအောင် ဦးနေ၀င်း အစိုးရက အုပ်ချုပ်ခဲ့ပါတယ်။ စီးပွားရေးကျဆင်းမှုနဲ့ ငွေကြေးခ၀ါချမှုတွေကြောင့် မြန်မာပြည်ဟာ အဆင်းရဲဆုံး နိုင်ငံစာရင်းမှာ ၀င်သွားပါတယ်။ ဆင်းရဲငတ်ပြတ်မှုကို မခံနိုင်တော့တဲ့ ပြည်သူတွေဟာ စုရုံးပြီး စနစ်သစ်ကို တောင်းဆိုကြရာက ၈၈၈၈ လူထုလှုပ်ရှားမှုပွဲကြီး ဖြစ်ပေါ်လာခဲ့ပါတယ်။

အာဏာရှင်အစိုးရဟာ တစ်ပြည်လုံးမှာရှိတဲ့ ဆန့်ကျင်ရေးသမားတွေရဲ့ တောင်းဆိုမှုတွေကို လိုက်လျောမပေးခဲ့ပါဘူး။ တောင်းဆိုသူတွေ ချီတက်လာတုန်းမှာပဲ နှိမ်နင်းဖြိုခွဲခဲ့ပါတယ်။ ရန်ကုန်မြို့မှာဆိုရင် ဆေးရုံကြီး တစ်ဝိုက်ပတ်ဝန်းကျင် ပစ်ခတ်နှိမ်နှင်းခဲ့မှုကြောင့် ဆေးရုံကြီးအတွင်းက ဆရာဝန်တွေ၊ ဆရာမတွေပါ ပူးပေါင်းပါဝင်ခဲ့ပါတယ်။ ဆေးရုံကြီးတစ်ဝိုက် ပစ်ခတ်မှုတွေကိုလည်း ရှုတ်ချဟောပြောပွဲတွေ ပြုလုပ်ဟောပြောကြပါတယ်။

တဖြည်းဖြည်းနဲ့ လူစုလူဝေးတွေ များပြားလာခဲ့ပါတယ်။ မခံမရပ်နိုင်တဲ့ ပြည်သူတွေ ပေါင်းစည်းမိကြရာက ၈၈၈၈ အရေး တော်ပုံကြီးအဖြစ် ကူးပြောင်းခဲ့ပါတယ်။

လူထုလှုပ်ရှားမှုတွေ စုစည်းမိလာတဲ့ အချိန်မှာ စစ်အုပ်ချုပ်ရေးပုံသဏ္ဌာန်ပြောင်းပြီး ဖြိုခွဲခဲ့ပြန်ပါတယ်။

အာဏာသိမ်းလိုက်တဲ့ တပ်မတော်ဟာ စစ်အုပ်ချုပ်ရေးကို ကြေညာပြီးတဲ့နောက်မှာ ဆန္ဒပြတောင်းဆိုသူတွေကိုလည်း သေနတ်နဲ့ ဟန့်တားခဲ့ပါတယ်။ စစ်တပ်အာဏာသိမ်းတာကို ဆန့်ကျင်သူတွေ ချီတက်နေတုန်းမှာ ဟန့်တားပစ်ခတ်ခဲ့လို့ လူတွေထောင်ချီ သေဆုံးခဲ့ပါတယ်။

မ၀င်းမော်ဦးကလည်း အာဏာသိမ်းစစ်တပ်ကို ဆန့်ကျင်သူတွေနဲ့အတူ ရဲရဲတောက် ပါဝင်ချီတက်ခဲ့တဲ့သူ တစ်ယောက်ဖြစ်ပါတယ်။ အာဏာသိမ်းပြီး နောက်တစ်ရက်ဖြစ်တဲ့ စက်တင်ဘာ ၁၉ ရက်မှာ မ၀င်းမော်ဦး အပါအ၀င် အခြေခံပညာကျောင်းသားတွေဟာ တခြားသူတွေနဲ့အတူ ဆူးလေကို ချီတက်စဉ်မှာပဲ စစ်သားတွေရဲ့ ပစ်ခတ်နှိမ်နင်းတာ ကြုံခဲ့ပါတယ်။ သေနတ်မှန်သူတွေကို ကယ်ဆယ်ကြတဲ့ ကြက်ခြေနီလက်ပတ် ၀တ်ထားသူတွေကိုလည်း သေနတ်နဲ့ ပစ်ခတ်ကြပါတယ်။ အလဲလဲ အပြိုပြိုဖြစ်နေတဲ့ လူတွေ ကြားမှာ မ၀င်းမော်ဦးကို ဆွဲထုတ်ကယ်ဆယ်ခဲ့ပေမယ့် အသက်မရှင်နိုင်ခဲ့ပါဘူး။

မ၀င်းမော်ဦးနဲ့အတူ ဆေးတက္ကသိုလ်၂ က ကျောင်းသား ကိုဇော်လွင်ထွန်းလည်း အဲဒီနေ့မှာပဲ ကျဆုံးခဲ့ပါတယ်။ ဒီမိုကရေစီအတွက် အသက်ပေးသွားခဲ့သူတွေ အများကြီးရှိခဲ့ပါတယ်။

ကျွန်မတို့ မြန်မာပြည်မှာလိုပဲ တခြားနိုင်ငံတွေမှာလည်း အာဏာရှင်ကို ဆန့်ကျင်တော်လှန်တဲ့ သမိုင်းကြောင်းတွေ ရှိကြပါတယ်။ ကိုရီးယားဖြစ်ရပ်မှန်သမိုင်းကြောင်းကို ရိုက်ကူးထားတဲ့ A Taxi Driver ဆိုတဲ့ ဇာတ်ကားလေးကလည်း သမိုင်းမော်ကွန်းတင်လောက်အောင် ကောင်းလှပါတယ်။ ကိုရီးယားနိုင်ငံရဲ့ အာဏာရှင်စနစ်ကို တိုက်ဖျက်နေချိန် ၁၉၈၀ ပြည့်နှစ် မေလထဲမှာဖြစ်ခဲ့တဲ့ ဆန္ဒပြသူတွေကို နှိမ်နင်းတဲ့ အဓိကရုဏ်းအကြောင်းကို ရင်နင့်အောင် ရိုက်ကူးထားပါတယ်။

ဆိုးလ်မြို့က တက္ကစီမောင်းသူ ကင်ဆိုယောင်းဟာ နေ့စဉ် စီးပွားရေးအတွက် ငွေရှာဖို့ကလွဲပြီး ကျန်တာဘာမှ စိတ်မ၀င်စားသူ ဖြစ်ပါတယ်။ မိန်းမသေပြီးတဲ့နောက် ၁၁ နှစ်အရွယ်သမီးနဲ့အတူ ဘ၀မှာ နေထိုင်နေခဲ့ပါတယ်။

တစ်နေ့မှာ နိုင်ငံခြားသားတစ်ယောက်က ကားငှားခဲ့ပါတယ်။

ဆိုးလ်ကနေ နှစ်နာရီကျော် မောင်းရတဲ့ ဂွမ်ဂျူးမြို့ကို ၀မ် ၁၀ နဲ့ ငှားခဲ့ပါတယ်။ ပိုက်ဆံရလိုဇောနဲ့မို့ ပိတ်ထားတဲ့လမ်းတွေကို ရှောင်ပြီး တောလမ်းကနေ အရောက်သွားခဲ့ပါတယ်။ ဂွမ်ဂျူးမှာ မြို့ထဲလှည့်လာတဲ့ ကျောင်းသားကားနဲ့တွေ့ပြီး နိုင်ငံခြားသားသတင်းထောက်ဟာ အင်တာဗျူးလုပ်ပါတယ်။ မကြာခင်မှာပဲ စစ်တပ်က ဆန္ဒပြနေတဲ့သူတွေကို ပစ်ခတ်နှိမ်နင်းကြပါတယ်။ ဒီသတင်းတွေကို  တစ်ကမ္ဘာလုံးသိအောင်လုပ်ဖို့ အရေးကြီးနေပါတယ်။

ကားပျက်နေတာကြောင့် ၀ပ်ရှော့အပ်ထားရလို့ ဂွမ်ဂျူးက တက္ကစီမောင်းဖက် မိတ်ဆွေရဲ့အိမ်မှာ ညအိပ်ကြပါတယ်။

အဲ့ဒီညမှာပဲ တပ်ရဲ့ဖြိုခွဲမှုကြောင့် လူတွေကစဥ့်ကလျားဖြစ်ပြီး ပြေးကြရပါတယ်။ အိမ်အပြင် ထွက်ကြည့်ကြရင်း မီးခိုးဗုံးတွေကြားမှာ နိုင်ငံခြားသား သတင်းထောက်ပီတာကို လိုက်ဖမ်းကြပါတယ်။ ကျောင်းသား လေးဂျယ်ရှစ်ရဲ့ ကယ်တင်မှုကြောင့် သတင်းထောက် ပီတာလွတ်သွားပြီးပေမယ့် ဂျယ်ရှစ်ကတော့ အသတ်ခံလိုက်ရပါတယ်။

မနက်မိုးလင်းချိန်မှာ ကားကိုယူပြီး ဆိုးလ်ပြန်ခဲ့သူ ကင်ဟာလမ်းမှာ သတင်းစာ ဖတ်ကြည့်မိပါတယ်။

ဂွမ်ဂျူးအရေးအခင်းဟာ ကျောင်းသားအစစ်တွေ မဟုတ်ဘဲ ကွန်မြူနစ်ယောင်ဆောင်ထားသူတွေ ဖြစ်နေလို့ ပစ်ခတ်နှိမ်နင်းရတယ် ဆိုတာဖတ်ပြီး သူရင်နင့်သွားပါတယ်။ ကမ္ဘာကြီးဆီ သတင်းမှန်ပေးမယ့် သတင်းထောက်ကို ဆိုးလ်ကို ပြန်ခေါ်ဖို့ သူဆုံးဖြတ်လိုက်ပြီး ဂွမ်ဂျူးကို ပြန်လာခဲ့ပါတယ်။

ဒဏ်ရာရသူတွေကို ဂွမ်ဂျူးဆေးရုံမှာ လိုက်ကြည့်ပါတယ်။

နောက်ထပ်အပစ်ခံရသူတွေလည်း ရှိနေတယ်ဆိုလို့ လူအများနဲ့ ချီတက်သွားကြပါတယ်။ အပစ်ခံရသူကို ဆေးရုံဆေးခန်းပို့ ဖို့စီစဉ်နေသူတွေရော အလံဖြူထောင်ထားသူတွေပါ ထပ်ပြီး အကုန်အပစ်ခံရပါတယ်။

ရုတ်ရုတ်သဲသဲဖြစ်နေချိန်မှာပဲ သတင်းထောက် ပီတာနဲ့အတူ ထွက်သွားဖို့ တိုက်တွန်းကြပါတယ်။ တောလမ်းကပြန်ခဲ့ပေမယ့် လမ်းမှာပိတ်ဆို့ထားတဲ့ တပ်သားတွေနဲ့ အချေအတင်ဖြစ်ပြီး အသက်လု မောင်းရပြန်ပါတယ်။ နောက်ဆုံးတော့ သတင်းထောက် ပီတာကို လေယာဉ်ကွင်းအရောက် ပို့နိုင်ခဲ့ပါတယ်။ သတင်းထောက်ပီတာရဲ့ တင်ပြမှုကြောင့် ကိုရီးယားစစ်အာဏာရှင်တွေရဲ့ ဖိနှိပ်မှုတွေကို ကမ္ဘာက သိခွင့်ရခဲ့ပြီး ဒီမိုကရေစီလမ်းကြောင်း ဖော်ဆောင်နိုင်ခဲ့ကြပါတယ်။ ၁၉၈၀ ပြည့်နှစ်ရဲ့ ဖြစ်ရပ်ဆိုးကို သက်စွန့်ဆံဖျား တင်ပြခဲ့သူ ဂျာမန်သတင်းထောက် ပီတာကို၂၀၀၃ ခုနှစ်မှာ တောင်ကိုရီးယားနိုင်ငံ အစိုးရက ဆုတံဆိပ် ပေးအပ်ခဲ့ပါတယ်။

ကိုရီးယားမှာ ဆုလာယူတဲ့ သတင်းထောက် ပီတာဟာ အငှားကားမောင်းသူ မစ်စတာကင်ကို ရှာဖွေပေမယ့် မတွေ့ရတော့ပါဘူး။

မြန်မာ့နိုင်ငံသမိုင်းမှာလည်း ဒီမိုကရေစီ လမ်းကြောင်းပေါ်ရောက်နိုင်ဖို့  အသက်၊ သွေးချွေးနဲ့ ရင်းနှီးပေးဆပ်ခဲ့ရတဲ့အဖြစ်တွေ အများကြီးရှိခဲ့ပါတယ်။ မ၀င်းမော်ဦးလို လူသိရှင်ကြား ပေးဆပ်ခဲ့သလို ဘယ်သူမှမသိခဲ့ဘဲ ပျောက်ကွယ်ခဲ့ရတဲ့ ပေးဆပ်မှုတွေလည်း သမိုင်းမှာ ရှိခဲ့ကြပါတယ်။ ဘယ်လိုပဲဖြစ်ဖြစ် အာဏာရှင်တော်လှန်ရေးမှာ အုတ်တစ်ချပ်သဲတစ်ပွင့် ပါဝင်သူတိုင်းကိုသမိုင်းမှာ မော်ကွန်းရေးထိုးကြရမှာပါပဲ။ သမိုင်းကြောင်းမှာ  လည်း ဖိနှိပ်ခံပြည်သူအားလုံး ၀န်းရံပါဝင်ခဲ့တဲ့ မော်ကွန်းသစ်အဖြစ်ထာဝရ မှတ်တမ်တင်ကြဖို့ လိုပါတယ်။