ရန်ကုန်တိုင်းဒေသကြီးအတွင်း ကျောင်းကားပြေးဆွဲရန် အစိုးရနှင့် သဘောတူထားသည့် ကုမ္ပဏီမှ ကျောင်းကြိုပို့ယာဉ်များကို အစိုးရထံ ပြန်အပ်

ရန်ကုန်တိုင်းဒေသကြီးအတွင်း ကျောင်းကားပြေးဆွဲမည့် ကုမ္ပဏီက ကျောင်းကြိုပို့ယာဉ်များကို အစိုးရထံ ပြန်လည်အပ်နှံခဲ့ပြီး YRTA မှ ကြီးကြပ်၍ ပြေးဆွဲမည်ဖြစ်ကြောင်း YRTA အတွင်းရေးမှူး ဒေါက်တာမောင်အောင်က မေ ၁၇ ရက်တွင် ပြောကြားသည်။

ကျောင်းကားစီးနင်းသည့် ကျောင်းသား ကျောင်းသူများ၏ လုံခြုံရေးအတွက် နောက်ပွင့်ယာဉ်များဖြင့် ကျောင်းကားပြေးဆွဲခြင်းအား ခွင့်ပြုတော့မည်မဟုတ်ကြောင်း လွန်ခဲ့သောတစ်နှစ်ကျော်ခန့်က ရန်ကုန်တိုင်းဒေသကြီးအစိုးရအဖွဲ့က ညွှန်ကြားထားခဲ့ခြင်းဖြစ်သည်။

ယင်းသို့ဆောင်ရွက်ရာတွင် အစိုးရမှ ပုဂ္ဂလိကကုမ္ပဏီတစ်ခုဖြစ်သည့် Golden Hand ကုမ္ပဏီနှင့် သဘောတူညီခဲ့သော်လည်း လက်ရှိတွင် အဆိုပါကုမ္ပဏီတွင် အားနည်းချက်များ ရှိနေသည်ဟုဆိုကာ ကျောင်းကားပြေးဆွဲခြင်းအား ရုပ်သိမ်းခဲ့ပြီး ကျောင်းကားများကို YRTA မှ တာဝန်ယူပြေးဆွဲပေးမည်ဖြစ်ကြောင်း ဒေါက်တာမောင်အောင်က ပြောကြားသည်။

“လောလောဆယ်တော့ YRTA က ကြီးကြပ်ပြီးတော့ ပြေးမှာပါ။ သူတို့ဘက်က အားနည်းချက်တွေ အများကြီးရှိတယ်လေ။ တခြားကုမ္ပဏီကိုလွှဲဖို့ လောလောဆယ်တော့ မရှိသေးပါဘူး” ဟု YRTA အတွင်းရေးမှူး ဒေါက်တာမောင်အောင်က ဆက်လက်ပြောကြားသည်။

ကျောင်းကားပြေးဆွဲမှုအား ယခင်စာသင်နှစ်တွင် စတင်ဆောင်ရွက်ရန် စီစဉ်ခဲ့သော်လည်း အခက်အခဲများကြောင့် ပြေးဆွဲခြင်းမပြုနိုင်ခဲ့ကြောင်း သိရသည်။

ကျောင်းကားအစီး ၂၀၀ ၀ယ်ယူရာတွင် ကျပ် ၁၀ ဘီလျံကျော်ကုန်ကျခံ၍ ၀ယ်ယူခဲ့ခြင်းဖြစ်ပြီး ယခုစာသင်နှစ်တွင် ကျောင်းကြိုပို့ယာဉ်များအဖြစ် မီနီဘတ်စ်နှင့် မိုက်ခရိုဘတ်စ်များကိုသာ ပြေးဆွဲခွင့်ပြုမည်ဖြစ်ပြီး အခြားယာဉ်များဖြင့် ပြေးဆွဲခွင့်မပြုကြောင်း ရန်ကုန်တိုင်းဒေသကြီး သယ်ပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့မှ သိရသည်။

ရန်ကုန်မြို့တွင် ယာဉ်ကြောကြပ်တည်းမှုများ ဖြေလျှော့နိုင်ရန်အတွက် ကျောင်းကားများကို ပြေးဆွဲရန် စီစဉ်ခြင်းဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်မှုအာဏာပိုင်အဖွဲ့မှ ပြောကြားထားသော်လည်း လက်ရှိတွင် ကျောင်းအများစုတွင် ပြေးဆွဲနိုင်ခြင်း မရှိသေးကြောင်း သိရသည်။

ကျောင်းကား စတင်ပြေးဆွဲနိုင်ရန် ဆောင်ရွက်စဉ်က ကျောင်းများတွင် ပြေးဆွဲနေသည့် ကျောင်းကားများ၊ မိဘများနှင့် သက်ဆိုင်ရာ ကျောင်းတာဝန်ရှိသူများ တွေ့ဆုံဆွေးနွေးမှုများ ပြုလုပ်ခဲ့ကြောင်း သိရသည်။

ကျောင်းကြိုပို့ကားများအား အ၀ါရောင်သတ်မှတ်ထားပြီး ဘယ်မောင်း၊ ယာဉ်၏ညာဘက်တွင် အတက်အဆင်းတံခါးပေါက်နှင့် လုံခြုံစိတ်ချရသော သော့စနစ်များ တပ်ဆင်ရမည်ဖြစ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ သတ်မှတ်ထားကြောင်း သိရသည်။

အလားတူ ကျောင်းကားများအရှေ့နှင့် အနောက်ဘက်တွင် School Bus စာသား၊ ကျောင်းအမည်နှင့် တယ်လီဖုန်းနံပါတ်များ ရေးထားရမည်ဖြစ်ပြီး ကျောင်းသား ၁၀ ဦးအထက် တင်ဆောင်နိုင်ကြောင်း သိရသည်။ ထိုင်ခုံများတွင် ခါးပတ်ပါရမည်ဖြစ်ပြီး ရှေးဦးသူနာပြုသေတ္တာနှင့် မီးသတ်ဆေးဘူးများ ပါဝင်ရမည်ဖြစ်ကြောင်း သိရသည်။

School Bus မောင်းနှင်မည့် ယာဉ်မောင်းအနေဖြင့် ယာဉ်မောင်းလိုင်စင် ‘ဃ’ လိုင်စင်ဖြစ်ပြီး ယာဉ်မောင်းနှင်နှုန်းကို ၁ နာရီ ၄၀ ကီလိုမီတာထက် ကျော်လွန်မောင်းနှင်ခြင်း မပြုရကြောင်း သိရသည်။

ရန်ကုန်တိုင်းအစိုးရ ၀ယ်ယူထားသည့် ကျောင်းကားများ ဇွန် ၁ ရက် စတင်ပြေးဆွဲမည်ဖြစ်ပြီး ယခင်ကမပြေးဆွဲနိုင်ခြင်းမှာ ကုမ္ပဏီက ဆောင်ရွက်မှုနှေးကွေးခြင်းကြောင့်ဟု ဆို

ကျောင်းများတွင် ပြေးဆွဲမည်ဟုဆိုသည့် ကျောင်းကားအချို့ကို တွေ့ရစဉ်

ရန်ကုန်တိုင်းအစိုးရ ၀ယ်ယူထားသည့် ကျောင်းကားများကို လာမည့်စာသင်နှစ် ဇွန် ၁ ရက် စတင်ပြေးဆွဲမည်ဖြစ်ပြီး ယခင်က မပြေးဆွဲနိုင်ခြင်းမှာ ကုမ္ပဏီက ဆောင်ရွက်မှုများ နှေးကွေးခြင်းကြောင့်ဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ (YRTA) အတွင်းရေးမှူး ဒေါက်တာမောင်အောင်က ပြောကြားသည်။

“ကျွန်တော်တို့ မကြာခင်မှာ ဖွင့်ပွဲလေးလုပ်ဖို့ရှိတယ်။ အခု ဒရိုင်ဘာတွေ ခေါ်ထားတာ လုပ်နေတယ်။ IT တက်ထားတာ တော်တော်များများ တပ်နေပြီ။ School Bus ကို စီးခြင်းအားဖြင့် မိဘတွေစိုးရိမ်တာက သား သမီးတွေ ဘယ်ရောက်နေပြီဆိုတာကို ဖုန်းထဲမှာ Application ထည့်ပြီး ကြည့်လို့ရတာ ဖြစ်ပါတယ်။ တကယ့်ကို နိုင်ငံတကာပုံစံအတိုင်းဖြစ်တယ်။ ကျွန်တော်တို့ ရည်မှန်းတာက နောင်တစ်ချိန်ကျရင် ဒီလိုကိုယ်ပိုင်ကားရှိတဲ့သူတွေက School Bus သုံးအောင် ရည်ရွယ်တာဖြစ်ပါတယ်။ သေချာတာကတော့  Light Truck ကို အသုံးမပြုရတော့ဘူးဆိုတော့ School Bus က စတင်မှာဖြစ်တယ်။ ကျောင်းကြီးတွေကနေ စမှာဖြစ်တယ်။ လာမယ့်စာသင်နှစ် ဇွန် ၁ ရက်မှာ စမှာဖြစ်တယ်။ အဓိကထားမှာတော့ ကျောင်းလေးကျောင်းပေါ့။ ဒီနှစ်မှာနှောင့်နှေးသွားတာက ကုမ္ပဏီ ဖွဲ့တဲ့နေရာမှာ ကုမ္ပဏီက သူတို့ရဲ့လှုပ်ရှားမှုက တော်တော်ကိုနှေးကွေးတဲ့အတွက် နှောင့် နှေးသွားတာ ဖြစ်တယ်” ဟု ဒေါက်တာမောင်အောင်က ပြောကြားသည်။

School Bus အစီး ၂၀၀ ၀ယ်ယူရာတွင် ကျပ် ၁၀ ဘီလျံကျော် ကုန်ကျခဲ့ကြောင်း ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပဉ္စမအကြိမ် ရန်ကုန် တိုင်းဒေသကြီးလွှတ်တော်တွင် ပြောကြား ထားသည်။

အဆိုပါကျောင်းကားများအား မထသမှ လွှဲပြောင်းရယူခဲ့သည့် ကျပ်သိန်းခြောက်သောင်းကျော်ထဲမှ ကျပ်သိန်းငါးသောင်းဖြင့် ၀ယ်ယူခြင်းဖြစ်ကြောင်း၊ သို့သော် School Bus အစီး ၂၀၀ အတွက် ကုန်ကျငွေသည် ၁၀ ဒသမ ၅ ဘီလျံဖြစ်သည့်အတွက် လိုအပ် သော ကျပ် ၅ ဒသမ ၅ ဘီလျံကို ရွှေလက်ကုမ္ပဏီထူထောင်ချိန်တွင် အစိုးရနှင့် ဖက်စပ်ပါဝင်လာသော ပုဂ္ဂလိကကုမ္ပဏီမှ တာဝန်ယူကြောင်း ၀န်ကြီးဒေါ်နီလာကျော်က ပြောကြားသည်။

ကျာင်းကားပြေးဆွဲသည့်ကုမ္ပဏီသည် စီးပွားရေးတွက်ခြေကိုက်ခြင်း မရှိသဖြင့် ဆက်လက်မပြေးဆွဲနိုင်သည့်အတွက် ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့က ကုန်ကျစရိတ်ခံပြီး အစားထိုးပြေးဆွဲပေးမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှု လက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်၏ ပြောကြားချက်အရ သိရသည်။

School Bus ပြေးဆွဲနိုင်ရန်အတွက် ရန်ကုန်တိုင်းဒေသကြီးအစိုးရအဖွဲ့က ရင်းနှီး မြှုပ်နှံမှုပြုလုပ်ထားသည့် ရွှေလက်အမည်ရှိ ကုမ္ပဏီအား ဖွဲ့စည်းပြီး လုပ်ကိုင်ဆောင်ရွက်စေခြင်းဖြစ်သည်။